ਸਾਗਰ (ਨੇਹਾ): ਭੋਪਾਲ ਤੋਂ ਆਮਦਨ ਕਰ ਵਿਭਾਗ ਦੀ ਟੀਮ ਕਰੀਬ 10 ਗੱਡੀਆਂ 'ਚ ਅੱਜ ਸਵੇਰੇ 8 ਵਜੇ ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲੇ ਦੇ ਬਾਂਦਾ ਤੋਂ ਸਾਬਕਾ ਵਿਧਾਇਕ ਅਤੇ ਭਾਜਪਾ ਜ਼ਿਲਾ ਪ੍ਰਧਾਨ ਦੀ ਦੌੜ 'ਚ ਸ਼ਾਮਲ ਹਰਵੰਸ਼ ਸਿੰਘ ਰਾਠੌਰ ਦੇ ਘਰ ਪਹੁੰਚੀ। ਅਧਿਕਾਰੀਆਂ ਨੇ ਸਦਰ ਇਲਾਕੇ 'ਚ ਸਥਿਤ ਰਾਠੌਰ ਦੇ ਬੰਗਲੇ 'ਤੇ ਛਾਪਾ ਮਾਰਿਆ ਹੈ।

ਰਾਠੌਰ ਦੇ ਬੰਗਲੇ 'ਤੇ ਛਾਪੇਮਾਰੀ ਦੀ ਸੂਚਨਾ ਮਿਲਦੇ ਹੀ ਆਸਪਾਸ ਦੇ ਲੋਕ ਮੌਕੇ 'ਤੇ ਪਹੁੰਚ ਗਏ। ਟੀਮ ਗੇਟ ਬੰਦ ਕਰਕੇ ਬੰਗਲੇ ਵਿੱਚ ਸਰਵੇ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਆਮਦਨ ਕਰ ਵਿਭਾਗ ਦੀ ਸਰਵੇ ਟੀਮ ਨੇ ਭਾਜਪਾ ਦੇ ਸਾਬਕਾ ਕੌਂਸਲਰ ਰਾਜੇਸ਼ ਕੇਸ਼ਰਵਾਨੀ ਅਤੇ ਰਾਕੇਸ਼ ਛਾਬੜਾ ਵਾਸੀ ਆਂਦਰ ਬਾਜ਼ਾਰ ਦੇ ਘਰ ਵੀ ਸਰਵੇ ਕੀਤਾ ਹੈ।