ਭਾਰਤੀ-ਅਮਰੀਕੀ ਔਰਤਾਂ ਨੂੰ ‘ਯੂਐਸ ਕੈਪੀਟਲ’ ਵਿਖੇ ਕੀਤਾ ਗਿਆ ਸਨਮਾਨਿਤ

by jaskamal

ਨਿਊਜ਼ ਡੈਸਕ (ਰਿੰਪੀ ਸ਼ਰਮਾ) : ਅਮਰੀਕਾ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਆਈਆਂ ਭਾਰਤੀ-ਅਮਰੀਕੀ ਔਰਤਾਂ ਨੂੰ ਉਨ੍ਹਾਂ ਦੀ ਸ਼ਾਨਦਾਰ ਉਪਲਬਧੀ ਲਈ ‘ਯੂਐਸ ਕੈਪੀਟਲ’ ਵਿਖੇ ਸਨਮਾਨਿਤ ਕੀਤਾ ਗਿਆ। ਅਮਰੀਕੀ ਪ੍ਰਤੀਨਿਧ ਸਦਨ ਦੇ ਮੈਂਬਰ ਡੈਨੀ ਕੇ ਡੇਵਿਸ ਨੇ ਯੂਐਸ ਕੈਪੀਟਲ ਵਿਖੇ 'ਅਮਰੀਕੀ ਬਹੁ-ਸਥਾਨਕ ਗੱਠਜੋੜ' ਅਤੇ 'ਮਲਟੀਏਥਨਿਕ ਐਡਵਾਈਜ਼ਰੀ ਟਾਸਕ ਫੋਰਸ' ਦੁਆਰਾ ਸਾਂਝੇ ਤੌਰ 'ਤੇ ਆਯੋਜਿਤ ਕਾਂਗਰਸ ਦੇ 10ਵੇਂ ਸਾਲਾਨਾ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮੌਕੇ ਇਨ੍ਹਾਂ ਉੱਘੀਆਂ ਔਰਤਾਂ ਨੂੰ ਪੁਰਸਕਾਰ ਪ੍ਰਦਾਨ ਕੀਤੇ।

ਇਸ ਮੌਕੇ ਜਿਹੜੀਆਂ ਭਾਰਤੀ-ਅਮਰੀਕੀ ਔਰਤਾਂ ਨੂੰ ਸਨਮਾਨਿਤ ਕੀਤਾ ਗਿਆ, ਉਹਨਾਂ ਵਿਚ ਨਿਰਮਾਤਾ ਕਲਾਕਾਰ ਰਾਸ਼ਾਨਾ ਸ਼ਾਹ;  ਇੰਡੀਕਾ ਨਿਊਜ਼ ਦੀ ਸੰਸਥਾਪਕ ਅਤੇ ਪੱਤਰਕਾਰ ਰਿਤੂ ਝਾਅ; ਫਿਜ਼ੀਸ਼ੀਅਨ ਡਾ. ਕਲਾਈ ਸੀ ਪਾਰਥੀਬਨ; ਸਮਾਜਿਕ ਕਾਰਕੁਨ ਮਧੂ ਰੋਹਤਗੀ; ਕਲਾਕਾਰ ਇੰਦਰਾਣੀ ਦਾਵਲੁਰੀ; ਪੇਸ਼ਕਾਰ ਨੀਲਿਮਾ ਮਹਿਰਾ ਅਤੇ ਸਮਾਜ ਸੇਵੀ ਸੁਹਾਗ ਮਹਿਤਾ ਸ਼ਾਮਲ ਹਨ। ਇਸ ਮੌਕੇ ਰਿਤੂ ਝਾਅ ਨੇ ਕਿਹਾ ਕਿ ਇਹ ਬਹੁਤ ਮਾਇਨੇ ਰੱਖਦਾ ਹੈ ਜਦੋਂ ਕਿਸੇ ਔਰਤ ਦੀ ਉਸ ਦੇ ਕੰਮ ਲਈ ਸ਼ਲਾਘਾ ਕੀਤੀ ਜਾਂਦੀ ਹੈ।