ਅੰਮ੍ਰਿਤਸਰ (ਮਨਮੀਤ ਕੌਰ) - ਜਲੰਧਰ ਹਲਕੇ 'ਚ ਲੋਕ ਸਭਾ ਚੋਣਾਂ ਲਈ ਵੋਟਾਂ ਪੈਣ ਦਾ ਕੰਮ ਪੂਰੇ ਉਤਸ਼ਾਹ ਨਾਲ ਸ਼ੁਰੂ ਹੋ ਗਿਆ ਹੈ, ਸਵੇਰੇ 7 ਵਜੇ ਤੋਂ ਪਹਿਲਾਂ ਹੀ ਪੋਲਿੰਗ ਬੂਥਾਂ 'ਤੇ ਲੰਬੀਆਂ ਕਤਾਰਾਂ ਲੱਗ ਗਈਆਂ। ਇਸ ਸੀਟ ਲਈ ਮੁੱਖ ਦਾਅਵੇਦਾਰ 'ਆਪ' ਦੇ ਪਵਨ ਕੁਮਾਰ ਟੀਨੂੰ, ਕਾਂਗਰਸ ਦੇ ਚਰਨਜੀਤ ਸਿੰਘ ਚੰਨੀ, ਸ਼੍ਰੋਮਣੀ ਅਕਾਲੀ ਦਲ ਦੇ ਮਹਿੰਦਰ ਸਿੰਘ ਕੇਪੀ।

ਇਨ੍ਹਾਂ ਤੋਂ ਇਲਾਵਾ ਭਾਜਪਾ ਦੇ ਸੁਸ਼ੀਲ ਕੁਮਾਰ ਰਿੰਕੂ ਅਤੇ ਬਸਪਾ ਦੇ ਬਲਵਿੰਦਰ ਕੁਮਾਰ ਹਨ। ਇਸ ਜ਼ਿਲ੍ਹੇ ਵਿੱਚ ਕੁੱਲ 16,54,005 ਵੋਟਰ ਹਨ, ਜਿਨ੍ਹਾਂ ਵਿੱਚ 8,59,688 ਪੁਰਸ਼, 7,94,273 ਔਰਤਾਂ ਅਤੇ 44 ਥਰਡ ਜੈਂਡਰ ਵੋਟਰ ਸ਼ਾਮਲ ਹਨ। ਹਲਕੇ ਭਰ ਵਿੱਚ ਕੁੱਲ 1951 ਪੋਲਿੰਗ ਬੂਥ ਬਣਾਏ ਗਏ ਹਨ, ਜਿੱਥੇ ਕ੍ਰਿਕਟਰ ਹਰਭਜਨ ਸਿੰਘ ਵੀ ਆਪਣੀ ਵੋਟ ਪਾਉਂਦੇ ਨਜ਼ਰ ਆਏ।

ਇਸ ਤੋਂ ਇਲਾਵਾ ਹਲਕਾਵਾਰ ਬੂਥਾਂ ਦੀ ਗਿਣਤੀ ਮੁਤਾਬਕ ਫਿਲੌਰ ’ਚ 242, ਨਕੋਦਰ ’ਚ 252, ਸ਼ਾਹਕੋਟ ’ਚ 250, ਕਰਤਾਰਪੁਰ ’ਚ 226, ਜਲੰਧਰ ਵੈਸਟ ’ਚ 181, ਜਲੰਧਰ ਸੈਂਟਰਲ ’ਚ 185, ਜਲੰਧਰ ਨਾਰਥ ’ਚ 195, ਜਲੰਧਰ ਕੈਂਟ ’ਚ 210 ਅਤੇ ਆਦਮਪੁਰ ’ਚ 210 ਪੋਲਿੰਗ ਬੂਥ ਹਨ।