ਗਵਾਲੀਅਰ (ਰਾਘਵਾ): ਕੇਂਦਰੀ ਮੰਤਰੀ ਅਤੇ ਭਾਜਪਾ ਨੇਤਾ ਜੋਤੀਰਾਦਿੱਤਿਆ ਸਿੰਧੀਆ ਦੇ ਬੇਟੇ ਮਹਾਨਾਰਾਇਮਨ ਸਿੰਧੀਆ ਦੁਆਰਾ ਸ਼ੁਰੂ ਕੀਤੀ ਕਰਿਆਨਾ ਸਟਾਰਟਅੱਪ ਐਪ ਮਾਈਮੰਡੀ ਨੇ ਗਵਾਲੀਅਰ 'ਚ ਆਪਣੇ ਹੀ ਮੈਨੇਜਰ ਖਿਲਾਫ ਪੁਲਸ 'ਚ ਧੋਖਾਧੜੀ ਦੀ ਸ਼ਿਕਾਇਤ ਦਰਜ ਕਰਵਾਈ ਹੈ। ਮੈਨੇਜਰ 'ਤੇ ਫੰਡਾਂ ਦੀ ਗਬਨ ਕਰਨ ਦਾ ਦੋਸ਼ ਹੈ।

ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਜਨਕਗੰਜ ਥਾਣਾ ਮੁਖੀ ਵਿਪੇਂਦਰ ਚੌਹਾਨ ਨੇ ਦੱਸਿਆ ਕਿ ਕਰਿਆਨਾ ਸਟਾਰਟਅੱਪ ਐਪ ਮਾਈਮੰਡੀ ਦੇ ਅਕਾਊਂਟ ਮੈਨੇਜਰ ਉਤਕਰਸ਼ ਹਾਂਡੇ ਨੇ ਕੰਪਨੀ ਦੇ ਪਰਚੇਜ਼ ਮੈਨੇਜਰ ਸ਼ਿਵਮ ਗੁਪਤਾ ਦੇ ਖਿਲਾਫ ਫੰਡਾਂ ਦੇ ਗਬਨ ਦੀ ਸ਼ਿਕਾਇਤ ਕੀਤੀ ਹੈ।

ਪੁਲਿਸ ਅਨੁਸਾਰ ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਕੰਪਨੀ ਮਾਇਮੰਡੀ ਐਪ ਰਾਹੀਂ ਸਬਜ਼ੀਆਂ ਅਤੇ ਫਲਾਂ ਦੀ ਖਰੀਦ-ਵੇਚ ਦਾ ਸੌਦਾ ਕਰਦੀ ਹੈ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਕੰਪਨੀ ਦੇ ਅੰਦਰੂਨੀ ਆਡਿਟ ਵਿੱਚ ਕੁਝ ਵਿੱਤੀ ਬੇਨਿਯਮੀਆਂ ਪਾਈਆਂ ਗਈਆਂ। ਸ਼ਿਵਮ ਗੁਪਤਾ 'ਤੇ ਲੱਗੇ ਦੋਸ਼ਾਂ ਮੁਤਾਬਕ ਉਸ ਨੇ ਕੰਪਨੀ ਦੇ ਫੰਡਾਂ ਦੀ ਦੁਰਵਰਤੋਂ ਕੀਤੀ ਹੈ।

ਪੁਲਿਸ ਅਨੁਸਾਰ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਤਾਂ ਜੋ ਸਾਰੇ ਪਹਿਲੂਆਂ ਨੂੰ ਸਮਝਿਆ ਜਾ ਸਕੇ। ਇਸ ਸ਼ਿਕਾਇਤ ਤੋਂ ਬਾਅਦ ਕੰਪਨੀ ਦੇ ਅੰਦਰ ਵਿੱਤੀ ਪ੍ਰਬੰਧਨ ਪ੍ਰਕਿਰਿਆਵਾਂ ਨੂੰ ਹੋਰ ਸਖ਼ਤ ਬਣਾਇਆ ਜਾ ਰਿਹਾ ਹੈ।