ਪੈਰਿਸ (ਸਾਹਿਬ) : ਪੈਰਿਸ ਓਲੰਪਿਕ 2024 ਦੇ ਛੇਵੇਂ ਦਿਨ, ਸਵਪਨਿਲ ਕੁਸਲੇ ਨੇ ਨਿਸ਼ਾਨੇਬਾਜ਼ੀ ਵਿੱਚ ਭਾਰਤ ਲਈ ਇੱਕ ਹੋਰ ਤਮਗਾ ਜਿੱਤਿਆ। ਇਸ ਦੇ ਨਾਲ ਭਾਰਤ ਦੇ ਕੋਲ ਹੁਣ ਕੁੱਲ 3 ਮੈਡਲ ਹੋ ਗਏ ਹਨ। ਭਾਰਤ 42ਵੇਂ ਸਥਾਨ 'ਤੇ ਬਰਕਰਾਰ ਹੈ। ਸਵਪਨਿਲ ਨੇ ਭਾਵੇਂ ਸਫਲਤਾ ਹਾਸਲ ਕੀਤੀ ਪਰ ਪੀਵੀ ਸਿੰਧੂ ਸਮੇਤ ਕਈ ਐਥਲੀਟ ਬਾਹਰ ਹੋ ਗਏ। ਪੈਰਿਸ ਓਲੰਪਿਕ 2024 ਦਾ ਛੇਵਾਂ ਦਿਨ ਵੀ ਖਤਮ ਹੋ ਗਿਆ ਹੈ। ਭਾਰਤ ਲਈ ਛੇਵਾਂ ਦਿਨ ਮਿਲਿਆ-ਜੁਲਿਆ ਰਿਹਾ। ਦੇਸ਼ ਇਕ ਹੋਰ ਤਮਗਾ ਜਿੱਤਣ ਵਿਚ ਸਫਲ ਰਿਹਾ, ਜਿਸ ਨੂੰ ਸਵਪਨਿਲ ਕੁਸਲੇ ਨੇ ਜਿੱਤਿਆ। ਇਸ ਨਾਲ ਭਾਰਤ ਨੇ ਇਸ ਓਲੰਪਿਕ ਵਿੱਚ ਕੁੱਲ 3 ਤਗਮੇ ਜਿੱਤੇ ਹਨ ਅਤੇ ਦੇਸ਼ 42ਵੇਂ ਸਥਾਨ ‘ਤੇ ਪਹੁੰਚ ਗਿਆ ਹੈ।

ਇਹ ਤਿੰਨੋਂ ਸਫਲਤਾਵਾਂ ਸ਼ੂਟਿੰਗ ਵਿੱਚ ਹਾਸਲ ਹੋਈਆਂ ਹਨ। ਹਾਲਾਂਕਿ ਛੇਵੇਂ ਦਿਨ ਜ਼ਿਆਦਾਤਰ ਮੈਚ ਨਿਰਾਸ਼ਾ ਨਾਲ ਸਮਾਪਤ ਹੋਏ। ਕਈ ਅਥਲੀਟ ਜਿਨ੍ਹਾਂ ਤੋਂ ਦੇਸ਼ ਨੂੰ ਤਮਗੇ ਦੀਆਂ ਉਮੀਦਾਂ ਸਨ, ਖਤਮ ਹੋ ਗਏ ਹਨ। ਇਨ੍ਹਾਂ ‘ਚੋਂ ਸਭ ਤੋਂ ਵੱਡੀ ਪੀ.ਵੀ.ਸਿੰਧੂ ਦੀ ਹੈ। ਉਹ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਬੁਰੀ ਤਰ੍ਹਾਂ ਹਾਰ ਕੇ ਪੈਰਿਸ ਓਲੰਪਿਕ ਤੋਂ ਬਾਹਰ ਹੋ ਗਈ ਸੀ। ਆਓ ਜਾਣਦੇ ਹਾਂ ਭਾਰਤ ਲਈ ਛੇਵਾਂ ਦਿਨ ਕਿਵੇਂ ਰਿਹਾ। ਦੱਸ ਦਈਏ ਕਿ ਪੈਰਿਸ ਓਲੰਪਿਕ ਦੇ ਛੇਵੇਂ ਦਿਨ ਭਾਰਤੀ ਨਿਸ਼ਾਨੇਬਾਜ਼ ਸਵਪਨਿਲ ਕੁਸਲੇ ਨੇ ਵੱਡਾ ਕਾਰਨਾਮਾ ਕੀਤਾ। ਉਸ ਨੇ 50 ਮੀਟਰ ਰਾਈਫਲ ਥ੍ਰੀ ਪੁਜ਼ੀਸ਼ਨ ਵਿੱਚ ਭਾਰਤ ਲਈ ਕਾਂਸੀ ਦਾ ਤਗਮਾ ਜਿੱਤ ਕੇ ਪੂਰੇ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ। ਇੰਨਾ ਹੀ ਨਹੀਂ ਸਵਪਨਿਲ ਇਸ ਸ਼ੂਟਿੰਗ ਈਵੈਂਟ ‘ਚ ਓਲੰਪਿਕ ਮੈਡਲ ਜਿੱਤਣ ਵਾਲਾ ਪਹਿਲਾ ਭਾਰਤੀ ਨਿਸ਼ਾਨੇਬਾਜ਼ ਵੀ ਬਣ ਗਿਆ ਹੈ।

ਸਵਪਨਿਲ ਨੇ ਫਾਈਨਲ ਮੈਚ ਵਿੱਚ 451.4 ਦਾ ਸਕੋਰ ਕੀਤਾ। ਓਥੇ ਹੀ ਓਲੰਪਿਕ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੈ ਜਦੋਂ ਭਾਰਤ ਨੂੰ ਨਿਸ਼ਾਨੇਬਾਜ਼ੀ ਵਿੱਚ 3 ਤਗਮੇ ਮਿਲੇ ਹਨ। ਮਨੂ ਭਾਕਰ ਨੇ ਪੈਰਿਸ ਓਲੰਪਿਕ ਵਿੱਚ ਭਾਰਤ ਲਈ ਪਹਿਲਾ ਤਮਗਾ ਜਿੱਤਿਆ ਸੀ। ਦੂਜਾ ਵੀ ਸਰਬਜੋਤ ਸਿੰਘ ਨਾਲ ਮਨੂ ਭਾਕਰ ਨੇ ਜਿੱਤਿਆ ਸੀ ਅਤੇ ਹੁਣ ਸਵਪਨਿਲ ਕੁਸਲੇ ਨੇ ਕਾਂਸੀ ਦਾ ਤਗਮਾ ਜਿੱਤਿਆ ਹੈ। ਇਹ ਗਿਣਤੀ ਹੋਰ ਵਧ ਸਕਦੀ ਹੈ, ਕਿਉਂਕਿ ਮਨੂ ਭਾਕਰ ਇੱਕ ਹੋਰ ਸ਼ੂਟਿੰਗ ਈਵੈਂਟ ਵਿੱਚ ਹਿੱਸਾ ਲੈਣ ਜਾ ਰਹੀ ਹੈ।