ਪਲੱਕੜ (ਸਰਬ): ਇਸ ਜ਼ਿਲ੍ਹੇ ਵਿਚ ਬੁੱਧਵਾਰ ਨੂੰ ਇਕ ਪ੍ਰਮੁੱਖ ਮਲਿਆਲਮ ਨਿਊਜ਼ ਚੈਨਲ ਦੇ ਇਕ ਕੈਮਰਾਮੈਨ ਦੀ ਜੰਗਲੀ ਹਾਥੀ ਦੇ ਹਮਲੇ ਵਿਚ ਮੌਤ ਹੋ ਗਈ। ਏ.ਵੀ. ਮੁਕੇਸ਼ (34) ਜੋ ਮਾਥਰੂਭੂਮੀ ਨਿਊਜ਼ ਨਾਲ ਕੰਮ ਕਰ ਰਿਹਾ ਸੀ, ਪਨਾਮੱਕੜ ਨੇੜੇ ਕਾਂਜੀਕੋਡ ਵਿਖੇ ਹਾਥੀ ਦੇ ਹਮਲੇ ਵਿਚ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਿਆ।

ਘਟਨਾ ਦੇ ਸਮੇਂ ਉਹ ਡਿਊਟੀ 'ਤੇ ਸੀ। ਹਾਲਾਂਕਿ ਉਸ ਨੂੰ ਤੁਰੰਤ ਨਜ਼ਦੀਕੀ ਹਸਪਤਾਲ ਲਿਜਾਇਆ ਗਿਆ ਪਰ ਉਸ ਦੀ ਜਾਨ ਨਹੀਂ ਬਚਾਈ ਜਾ ਸਕੀ। ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੂਰੇ ਇਲਾਕੇ 'ਚ ਸੋਗ ਦੀ ਲਹਿਰ ਦੌੜ ਗਈ। ਪਨਾਮੱਕੜ ਅਤੇ ਕਾਂਜੀਕੋਡ ਦੇ ਵਿਚਕਾਰ ਇਹ ਖੇਤਰ ਪਹਿਲਾਂ ਹੀ ਜੰਗਲੀ ਜੀਵ ਗਤੀਵਿਧੀਆਂ ਲਈ ਜਾਣਿਆ ਜਾਂਦਾ ਹੈ। ਮੁਕੇਸ਼ ਆਪਣੇ ਨਿਊਜ਼ ਚੈਨਲ ਲਈ ਸਪੈਸ਼ਲ ਰਿਪੋਰਟਿੰਗ ਕਰਨ ਲਈ ਇਸ ਖੇਤਰ ਵਿੱਚ ਆਏ ਸਨ।

ਇਸ ਘਟਨਾ ਤੋਂ ਬਾਅਦ ਸਥਾਨਕ ਪ੍ਰਸ਼ਾਸਨ ਅਤੇ ਜੰਗਲਾਤ ਵਿਭਾਗ ਨੇ ਜੰਗਲੀ ਜਾਨਵਰਾਂ ਦੀਆਂ ਗਤੀਵਿਧੀਆਂ 'ਤੇ ਤਿੱਖੀ ਨਜ਼ਰ ਰੱਖਣ ਦੀ ਗੱਲ ਕਹੀ ਹੈ। ਉਮੀਦ ਹੈ ਕਿ ਅਜਿਹੇ ਕਦਮ ਭਵਿੱਖ ਵਿੱਚ ਅਜਿਹੀਆਂ ਮੰਦਭਾਗੀਆਂ ਘਟਨਾਵਾਂ ਨੂੰ ਰੋਕ ਸਕਣਗੇ।