ਬੀਜਿੰਗ (ਰਾਘਵ) : ਕੋਵਿਡ-19 ਨੇ ਦੁਨੀਆ ਭਰ ਵਿਚ ਜੋ ਤਬਾਹੀ ਮਚਾਈ ਹੈ, ਉਸ ਨੂੰ ਸ਼ਾਇਦ ਹੀ ਕੋਈ ਭੁੱਲ ਸਕੇ। ਦੁਨੀਆ ਵਿੱਚ ਜਦੋਂ ਵੀ ਖ਼ਤਰਨਾਕ ਮਹਾਂਮਾਰੀ ਦਾ ਜ਼ਿਕਰ ਹੁੰਦਾ ਹੈ, ਤਾਂ ਸ਼ਾਇਦ ਪਹਿਲੇ ਪੰਨੇ 'ਤੇ ਕੋਰੋਨਾ ਦਾ ਨਾਮ ਆਉਂਦਾ ਹੋਵੇਗਾ। ਕੋਵਿਡ-19, ਜੋ ਚੀਨ ਤੋਂ ਫੈਲਿਆ, ਕਰੋੜਾਂ ਲੋਕਾਂ ਦੀ ਜਾਨ ਲੈ ਚੁੱਕਾ ਹੈ ਅਤੇ ਅਜੇ ਵੀ ਤਬਾਹੀ ਮਚਾ ਰਿਹਾ ਹੈ। ਕੋਰੋਨਾ ਦੇ ਡਰ ਦੇ ਵਿਚਕਾਰ, ਚੀਨੀ ਵਿਗਿਆਨੀਆਂ ਨੇ ਹੁਣ ਇਸ ਤੋਂ ਵੀ ਖਤਰਨਾਕ 20 ਹੋਰ ਵਾਇਰਸਾਂ ਦੀ ਖੋਜ ਕੀਤੀ ਹੈ। ਇਸ ਬਾਰੇ ਸੋਚ ਕੇ ਹੀ ਵਿਅਕਤੀ ਨੂੰ ਡਰ ਲੱਗਦਾ ਹੈ।

ਇਹ ਖੋਜ ਡਰਾਉਣੀ ਹੈ ਕਿਉਂਕਿ ਕੋਵਿਡ-19 ਦਾ ਪਹਿਲਾ ਮਾਮਲਾ ਸਾਲ 2019 ਵਿੱਚ ਚੀਨ ਦੇ ਵੁਹਾਨ ਸ਼ਹਿਰ ਵਿੱਚ ਸਾਹਮਣੇ ਆਇਆ ਸੀ।ਜਿਸ ਤੋਂ ਬਾਅਦ ਵੁਹਾਨ ਵਾਇਰਸ ਰਿਸਰਚ ਸੈਂਟਰ ਵੱਲੋਂ ਕਿਹਾ ਗਿਆ ਸੀ ਕਿ ਕੋਰੋਨਾ ਵਾਇਰਸ ਚਮਗਿੱਦੜਾਂ ਦੁਆਰਾ ਫੈਲਿਆ ਸੀ। ਹੁਣ ਇੱਕ ਵਾਰ ਫਿਰ ਇਹ ਨਵੇਂ 20 ਵਾਇਰਸ ਵੀ ਚਮਗਿੱਦੜਾਂ ਵਿੱਚ ਹੀ ਪਾਏ ਗਏ ਹਨ।

ਚੀਨ ਵਿੱਚ ਖੋਜਕਰਤਾਵਾਂ ਨੇ ਚਮਗਿੱਦੜਾਂ ਵਿੱਚ ਪਾਏ ਜਾਣ ਵਾਲੇ 20 ਵਾਇਰਸਾਂ ਦੀ ਖੋਜ ਕੀਤੀ ਹੈ। ਇਹ ਵਾਇਰਸ ਮਨੁੱਖਾਂ ਅਤੇ ਜਾਨਵਰਾਂ ਵਿੱਚ ਵੀ ਫੈਲ ਸਕਦੇ ਹਨ। 2017 ਅਤੇ 2021 ਦੇ ਵਿਚਕਾਰ, ਯੂਨਾਨ ਸੂਬੇ ਵਿੱਚ ਲਗਭਗ 142 ਚਮਗਿੱਦੜਾਂ ਦੇ ਗੁਰਦੇ ਦੇ ਟਿਸ਼ੂਆਂ ਵਿੱਚ 22 ਖਤਰਨਾਕ ਵਾਇਰਸਾਂ ਦੀ ਪਛਾਣ ਕੀਤੀ ਗਈ ਹੈ। ਜਿਨ੍ਹਾਂ ਵਿਚੋਂ ਦੋ ਵਾਇਰਸ ਹੈਂਡਰਾ ਅਤੇ ਨਿਪਾਹ ਵਰਗੇ ਹਨ। ਖੋਜ ਵਿੱਚ ਇੱਕ ਅਣਜਾਣ ਬੈਕਟੀਰੀਆ ਅਤੇ ਕਲੋਸੀਏਲਾ ਯੂਨਾਨੇਨਸਿਸ ਨਾਮ ਦਾ ਇੱਕ ਪਰਜੀਵੀ ਵੀ ਮਿਲਿਆ ਹੈ।

ਜੇਕਰ ਇਹ ਵਾਇਰਸ ਮਨੁੱਖਾਂ ਵਿੱਚ ਫੈਲਦਾ ਹੈ ਤਾਂ ਇਹ ਵੱਡੀ ਤਬਾਹੀ ਮਚਾ ਸਕਦਾ ਹੈ। ਇਹ ਵਾਇਰਸ ਚਮਗਿੱਦੜਾਂ ਦੇ ਪਿਸ਼ਾਬ ਵਿੱਚੋਂ ਨਿਕਲ ਕੇ ਫਲਾਂ ਅਤੇ ਪਾਣੀ ਤੱਕ ਪਹੁੰਚ ਸਕਦਾ ਹੈ। ਇਹ ਵਾਇਰਸ ਦੂਸ਼ਿਤ ਫਲ ਅਤੇ ਪਾਣੀ ਪੀਣ ਨਾਲ ਮਨੁੱਖਾਂ ਅਤੇ ਜਾਨਵਰਾਂ ਨੂੰ ਸੰਕਰਮਿਤ ਕਰ ਸਕਦਾ ਹੈ। ਜੇਕਰ ਇਹ ਵਾਇਰਸ ਮਨੁੱਖਾਂ ਵਿੱਚ ਫੈਲਦੇ ਹਨ, ਤਾਂ ਇਹ ਸਾਹ ਦੀ ਗੰਭੀਰ ਬਿਮਾਰੀ ਜਿਵੇਂ ਕੋਰੋਨਾ ਅਤੇ ਦਿਮਾਗ ਵਿੱਚ ਸੋਜ ਵਰਗੀਆਂ ਸਮੱਸਿਆਵਾਂ ਪੈਦਾ ਕਰ ਸਕਦੇ ਹਨ। ਜਿਸ ਨਾਲ ਦਿਮਾਗ ਨੂੰ ਭਾਰੀ ਨੁਕਸਾਨ ਹੋ ਸਕਦਾ ਹੈ। ਹਾਲਾਂਕਿ ਖੋਜਕਰਤਾਵਾਂ ਨੇ ਅਜੇ ਤੱਕ ਕਿਸੇ ਨਵੀਂ ਮਹਾਂਮਾਰੀ ਦੀ ਪੁਸ਼ਟੀ ਨਹੀਂ ਕੀਤੀ ਹੈ, ਪਰ ਇਸ ਖ਼ਤਰੇ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ ਹੈ। ਖਾਸ ਤੌਰ 'ਤੇ ਅਜਿਹੇ ਹਾਲਾਤ 'ਚ ਜਦੋਂ ਪੂਰੀ ਦੁਨੀਆ ਨੇ ਕੋਰੋਨਾ ਵਾਇਰਸ ਕਾਰਨ ਹੋਈ ਤਬਾਹੀ ਨੂੰ ਦੇਖਿਆ ਹੈ।