ਪਟਨਾ (ਐਨ.ਆਰ.ਆਈ. ਮੀਡਿਆ) : ਇੱਕ ਵਾਰ ਫਿਰ ਬਿਹਾਰ ਵਿੱਚ ਬਿਜਲੀ ਡਿੱਗਣ ਕਾਰਨ 26 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਸ ਦੇ ਨਾਲ ਹੀ ਮੌਸਮ ਵਿਭਾਗ ਨੇ ਬਿਹਾਰ ਦੇ ਪਟਨਾ, ਬੇਗੂਸਰਾਏ, ਭੋਜਪੁਰ, ਵੈਸ਼ਾਲੀ ਤੇ ਸੁਪੋਲ ਤੋਂ ਇਲਾਵਾ ਕਈ ਹੋਰ ਜ਼ਿਲ੍ਹਿਆਂ ਵਿੱਚ ਅਲਰਟ ਜਾਰੀ ਕਰ ਦਿੱਤਾ ਹੈ। 

ਮੌਸਮ ਵਿਭਾਗ ਨੇ ਦੱਸਿਆ ਹੈ ਕਿ ਇਨ੍ਹਾਂ ਜ਼ਿਲ੍ਹਿਆਂ ਦੇ ਕੁਝ ਭਾਗਾਂ ਵਿੱਚ ਅਗਲੇ 2 ਤੋਂ 3 ਘੰਟਿਆਂ ਵਿੱਚ ਬਿਜਲੀ ਦੇ ਨਾਲ ਹਲਕਾ ਮੀਂਹ ਵੀ ਪੈ ਸਕਦਾ ਹੈ। 

ਦੱਸ ਦਈਏ ਕਿ ਇਕਲੇ ਪਟਨਾ ਦੇ ਦੁਲਹਿਨ ਬਜ਼ਾਰ ਵਿੱਚ ਬਿਜਲੀ ਦੀ ਲਪੇਟ ਵਿੱਚ ਆਉਣ ਨਾਲ ਪੰਜ ਲੋਕਾਂ ਦੀ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਸਮਸਤੀਪੁਰ ਵਿਚ 7, ਪੂਰਬੀ ਚੰਪਾਰਨ ਵਿਚ 4, ਸਮਸਤੀਪੁਰ ਅਤੇ ਕਤੀਹਾਰ ਵਿਚ 3 - 3, ਸ਼ੀਓਹਰ ਅਤੇ ਮਧੇਪੁਰਾ ਵਿਚ 2 ਅਤੇ ਹਰ ਬੈਟੀਆਹ ਅਤੇ ਪੂਰਨੀਆ ਜ਼ਿਲ੍ਹਿਆਂ ਵਿਚ 1 - 1 ਦੀ ਬਿਜਲੀ ਡਿੱਗਣ ਨਾਲ ਮੌਤ ਹੋ ਗਈ।