ਨਿਊਜ਼ ਡੈਸਕ (ਰਿੰਪੀ ਸ਼ਰਮਾ) : ਜਲੰਧਰ ਤੋਂ ਕੋਵਿਡ ਦੇ 496 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਤਾਜ਼ਾ ਮਾਮਲਿਆਂ ਦੇ ਨਾਲ ਕੋਵਿਡ ਦੀ ਗਿਣਤੀ 74,643 ਹੋ ਗਈ ਹੈ। ਜ਼ਿਲ੍ਹੇ 'ਚ ਹੁਣ ਤਕ 68,621 ਲੋਕ ਕੋਵਿਡ ਤੋਂ ਠੀਕ ਹੋ ਚੁੱਕੇ ਹਨ ਜਦਕਿ ਜਲੰਧਰ 'ਚ ਅੱਜ ਐਕਟਿਵ ਕੇਸਾਂ ਦੀ ਗਿਣਤੀ 4,489 ਹੋ ਗਈ ਹੈ। ਜ਼ਿਲ੍ਹੇ 'ਚ ਹੁਣ ਤੱਕ ਲਏ ਗਏ 19,74,107 ਸੈਂਪਲਾਂ 'ਚੋਂ 18,20,877 ਨਮੂਨਿਆਂ ਦੀ ਰਿਪੋਰਟ ਨੈਗੇਟਿਵ ਆਈ ਹੈ।

ਕੋਵਿਡ ਦੇ ਮਾਮਲਿਆਂ 'ਚ ਤੇਜ਼ੀ ਨਾਲ ਵਾਧੇ ਦੇ ਨਾਲ, ਮੌਤਾਂ 'ਚ ਵੀ ਨਾਟਕੀ ਵਾਧਾ ਹੋਇਆ ਹੈ। ਜਨਵਰੀ ਮਹੀਨੇ 'ਚ ਕੋਵਿਡ ਕਾਰਨ 32 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਜ਼ਿਲ੍ਹੇ 'ਚ 1 ਜਨਵਰੀ ਨੂੰ ਮ੍ਰਿਤਕਾਂ ਦੀ ਗਿਣਤੀ 1,501 ਸੀ, ਜੋ ਅੱਜ 1,533 ਹੋ ਗਈ ਹੈ। ਪਿਛਲੇ ਦੋ ਦਿਨਾਂ ਤੋਂ ਮੌਤਾਂ ਵਿੱਚ ਖਾਸ ਤੌਰ 'ਤੇ ਭਾਰੀ ਵਾਧਾ ਹੋਇਆ ਹੈ। ਜਦੋਂ ਕਿ ਕੱਲ੍ਹ ਪੰਜ ਲੋਕਾਂ ਦੀ ਮੌਤ ਹੋ ਗਈ ਸੀ, ਅੱਜ ਚਾਰ ਹੋਰ ਜਾਨਾਂ ਵਾਇਰਸ ਨੇ ਲਈਆਂ ਹਨ, ਸਿਰਫ ਦੋ ਦਿਨਾਂ ਵਿੱਚ ਕੁੱਲ ਨੌਂ ਮੌਤਾਂ ਹੋਈਆਂ ਹਨ।