ਖੰਨਾ (ਰਾਘਵ): ਖੰਨਾ ਸ਼ਹਿਰ ਵਿੱਚ ਇੱਕ ਦਰਦਨਾਕ ਘਟਨਾ ਘਟੀ ਜਿੱਥੇ ਗਰਮੀ ਦੀ ਪ੍ਰਚੰਡਤਾ ਕਾਰਨ ਨੇਪਾਲ ਦੇ ਇੱਕ ਵਿਅਕਤੀ ਦੀ ਜਾਨ ਚਲੀ ਗਈ। 46 ਸਾਲਾ ਰਾਮ ਬਹਾਦਰ, ਜੋ ਨੇਪਾਲ ਤੋਂ ਆਇਆ ਸੀ, ਆਪਣੇ ਭਤੀਜੇ ਨਾਲ ਮਿਲ ਕੇ ਅਮਲੋਹ ਰੋਡ 'ਤੇ ਇੱਕ ਫਾਸਟ ਫੂਡ ਸਟਾਲ ਚਲਾਉਂਦਾ ਸੀ।

ਰਾਮ ਬਹਾਦਰ ਹਰ ਰੋਜ਼ ਦੀ ਤਰਾਂ ਬੁੱਧਵਾਰ ਦੀ ਸਵੇਰ ਤੋਂ ਆਪਣੇ ਕੰਮ 'ਤੇ ਲੱਗਾ ਹੋਇਆ ਸੀ ਪਰ ਅਚਾਨਕ ਹੀ ਉਹ ਬਾਹਰ ਡਿੱਗ ਪਿਆ ਅਤੇ ਬੇਹੋਸ਼ ਹੋ ਗਿਆ। ਉਸ ਨੂੰ ਤੁਰੰਤ ਸਿਵਲ ਹਸਪਤਾਲ ਵਿੱਚ ਲਿਆਂਦਾ ਗਿਆ, ਪਰ ਉਥੇ ਪਹੁੰਚਣ 'ਤੇ ਉਸ ਦਾ ਤਾਪਮਾਨ 107 ਡਿਗਰੀ ਸੀ ਅਤੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਸਿਵਲ ਹਸਪਤਾਲ ਵਿੱਚ ਤਾਇਨਾਤ ਡਾਕਟਰ ਫਰੈਂਕੀ ਅਨੁਸਾਰ, ਮਰੀਜ਼ ਦਾ ਤਾਪਮਾਨ ਅਸਾਧਾਰਣ ਤੌਰ 'ਤੇ ਉੱਚਾ ਸੀ ਅਤੇ ਇਲਾਜ ਸ਼ੁਰੂ ਕਰਨ ਤੋਂ ਬਾਅਦ ਵੀ ਉਸ ਦੀ ਮੌਤ ਹੋ ਗਈ। ਪੋਲੀਸ ਨੂੰ ਇਸ ਘਟਨਾ ਦੀ ਸੂਚਨਾ ਦੇ ਦਿੱਤੀ ਗਈ ਹੈ ਅਤੇ ਮੌਤ ਦੇ ਅਸਲ ਕਾਰਨਾਂ ਦੀ ਪੁਸ਼ਟੀ ਪੋਸਟਮਾਰਟਮ ਰਿਪੋਰਟ 'ਚ ਹੋਵੇਗੀ, ਜੋ ਕਿ ਵੀਰਵਾਰ ਨੂੰ ਹੋਣੀ ਹੈ।