ਚੰਡੀਗ੍ਹੜ ਡੈਸਕ (ਸਾਹਿਬ) - ਪੈਰਿਸ ਓਲੰਪਿਕ 2024 'ਚ ਭਾਰਤੀ ਮਹਿਲਾ ਟੇਬਲ ਟੈਨਿਸ ਟੀਮ ਦੀ ਮੁਹਿੰਮ ਖਤਮ ਹੋ ਗਈ ਹੈ। ਭਾਰਤ ਜਰਮਨੀ ਤੋਂ 1-3 ਨਾਲ ਹਾਰ ਗਿਆ, ਇਸ ਨਾਲ ਭਾਰਤੀ ਤਿਕੜੀ ਕੁਆਰਟਰ ਫਾਈਨਲ ਤੋਂ ਬਾਹਰ ਹੋ ਗਈ ਹੈ। ਭਾਰਤੀ ਟੀਮ ਕੋਲ ਸੈਮੀਫਾਈਨਲ 'ਚ ਪ੍ਰਵੇਸ਼ ਕਰਨ ਦਾ ਸੁਨਹਿਰੀ ਮੌਕਾ ਸੀ ਪਰ ਉਹ ਜਰਮਨੀ ਖਿਲਾਫ ਹਾਰ ਤੋਂ ਬਾਅਦ ਓਲੰਪਿਕ 2024 ਤੋਂ ਬਾਹਰ ਹੋ ਗਈ ਸੀ। ਦਸਣਯੋਗ ਹੈ ਕਿ ਭਾਰਤ ਲਈ ਪਹਿਲਾ ਮੈਚ ਅਰਚਨਾ ਕਾਮਥ ਅਤੇ ਸ਼੍ਰੀਜਾ ਅਕੁਲਾ ਨੇ ਜਰਮਨੀ ਦੀ ਵਾਨ ਯੁਆਨ ਅਤੇ ਸ਼ਾਨ ਜ਼ਿਆਓਨਾ ਦੇ ਖਿਲਾਫ ਖੇਡਿਆ।

ਇਸ ਮੈਚ ਵਿੱਚ ਭਾਰਤੀ ਜੋੜੀ 1-3 ਨਾਲ ਹਾਰ ਗਈ। ਭਾਰਤ ਨੂੰ ਇਸ ਮੈਚ ਦੇ ਪਹਿਲੇ ਸੈੱਟ ਵਿੱਚ 5-11 ਨਾਲ ਹਾਰ ਝੱਲਣੀ ਪਈ ਪਰ ਭਾਰਤੀ ਜੋੜੀ ਨੇ ਦੂਜੇ ਸੈੱਟ ਵਿੱਚ ਵਾਪਸੀ ਕੀਤੀ ਅਤੇ 11-8 ਨਾਲ ਜਿੱਤ ਦਰਜ ਕੀਤੀ। ਇਸ ਤੋਂ ਬਾਅਦ ਜਰਮਨੀ ਨੇ 10-11 ਅਤੇ 6-11 ਨਾਲ ਜਿੱਤ ਦਰਜ ਕੀਤੀ। ਦੱਸ ਦਈਏ ਕਿ ਟੀਮ ਇੰਡੀਆ ਲਈ ਮਨਿਕਾ ਬੱਤਰਾ ਅਤੇ ਜਰਮਨੀ ਕੌਫਮੈਨ ਐਨੇਟ ਨੇ ਦੂਜਾ ਮੈਚ ਖੇਡਿਆ। ਇਸ ਮੈਚ ਵਿੱਚ ਭਾਰਤ ਨੂੰ 1-3 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਮੈਚ ਵਿੱਚ ਭਾਰਤ ਨੇ ਪਹਿਲਾ ਸੈੱਟ 11-5 ਨਾਲ ਜਿੱਤਿਆ ਪਰ ਬਾਕੀ ਤਿੰਨ ਸੈੱਟ ਕ੍ਰਮਵਾਰ 5-11, 7-11, 5-11 ਨਾਲ ਹਾਰ ਗਏ। ਓਥੇ ਹੀ ਭਾਰਤ ਨੇ ਤੀਜਾ ਮੈਚ ਅਰਚਨਾ ਕਾਮਥ ਅਤੇ ਜਰਮਨੀ ਦੀ ਸ਼ਾਨ ਜਿਓਨਾ ਨਾਲ ਖੇਡਿਆ।

ਭਾਰਤ ਇਹ ਮੈਚ 1-3 ਨਾਲ ਹਾਰ ਗਿਆ। ਇਸ ਮੈਚ 'ਚ ਭਾਰਤ ਨੇ ਪਹਿਲਾ ਸੈੱਟ 19-17 ਨਾਲ ਜਿੱਤਿਆ ਪਰ ਦੂਜਾ ਸੈੱਟ 1-11 ਨਾਲ ਗੁਆ ਦਿੱਤਾ, ਜਿਸ ਤੋਂ ਬਾਅਦ ਉਸ ਨੇ ਵਾਪਸੀ ਕਰਦੇ ਹੋਏ ਤੀਜਾ ਸੈੱਟ 11-5 ਨਾਲ ਜਿੱਤ ਲਿਆ। ਜਰਮਨੀ ਨੇ ਚੌਥੇ ਸੈੱਟ ਵਿੱਚ ਭਾਰਤ ਨੂੰ 9-11 ਨਾਲ ਹਰਾਇਆ। ਨਾਲ ਹੀ ਤੀਜਾ ਮੈਚ ਭਾਰਤ ਦੀ ਸ਼੍ਰੀਜਾ ਅਕੁਲਾ ਅਤੇ ਜਰਮਨੀ ਦੀ ਕੌਫਮੈਨ ਐਨੇਟ ਵਿਚਕਾਰ ਖੇਡਿਆ ਗਿਆ। ਭਾਰਤ ਇਹ ਮੈਚ 0-3 ਨਾਲ ਹਾਰ ਗਿਆ। ਇਸ ਮੈਚ ਵਿੱਚ ਭਾਰਤ ਨੇ ਪਹਿਲਾ ਸੈੱਟ 6-11 ਨਾਲ, ਦੂਜਾ ਸੈੱਟ 7-11 ਨਾਲ ਅਤੇ ਤੀਜਾ ਸੈੱਟ 7-11 ਨਾਲ ਗੁਆਇਆ।