ਨਵੀਂ ਦਿੱਲੀ (ਨੇਹਾ): ਟੀਵੀ ਦੀ ਦੁਨੀਆ ਤੋਂ ਇਕ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਅਦਾਕਾਰ ਅਮਨ ਜੈਸਵਾਲ ਦੀ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ ਹੈ। ਉਹ ਟੀਵੀ ਸੀਰੀਅਲ 'ਧਰਤੀਪੁਤਰ ਨੰਦਿਨੀ' ਲਈ ਜਾਣੇ ਜਾਂਦੇ ਸਨ। ਸੜਕ ਦੁਰਘਟਨਾ ਕਾਰਨ ਇਹ ਅਦਾਕਾਰ ਮਹਿਜ਼ 23 ਸਾਲ ਦੀ ਉਮਰ ਵਿੱਚ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਿਆ। ਅਭਿਨੇਤਾ ਦੀ ਦਰਦਨਾਕ ਮੌਤ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਸਮੇਤ ਸਾਰਿਆਂ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ।

ਇੰਡੀਆ ਟੂਡੇ ਦੀ ਰਿਪੋਰਟ ਦੇ ਅਨੁਸਾਰ, ਧਰਤੀਪੁਤਰ ਨੰਦਿਨੀ ਸੀਰੀਅਲ ਦੇ ਲੇਖਕ ਧੀਰਜ ਮਿਸ਼ਰਾ ਨੇ ਅਭਿਨੇਤਾ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਉਸ ਨੇ ਦੱਸਿਆ, ਅਮਨ ਆਡੀਸ਼ਨ ਲਈ ਜਾ ਰਿਹਾ ਸੀ ਅਤੇ ਇਸ ਦੌਰਾਨ ਜੋਗੇਸ਼ਵਰੀ ਹਾਈਵੇ 'ਤੇ ਉਸ ਦੀ ਬਾਈਕ ਨੂੰ ਇਕ ਟਰੱਕ ਨੇ ਟੱਕਰ ਮਾਰ ਦਿੱਤੀ। ਸੜਕ ਹਾਦਸੇ ਤੋਂ ਬਾਅਦ ਅਦਾਕਾਰ ਨੂੰ ਹਸਪਤਾਲ ਲਿਜਾਇਆ ਗਿਆ, ਪਰ ਹਾਦਸੇ ਦੇ ਅੱਧੇ ਘੰਟੇ ਬਾਅਦ ਉਸ ਦੀ ਮੌਤ ਹੋ ਗਈ। ਅਮਨ ਦੇ ਜਾਣ ਨਾਲ ਉਨ੍ਹਾਂ ਦੇ ਸੀਰੀਅਲ ਦੀ ਪੂਰੀ ਟੀਮ ਨੂੰ ਝਟਕਾ ਲੱਗਾ ਹੈ।