ਏਸੇਨ (ਨੇਹਾ): ਨੀਦਰਲੈਂਡ ਦੇ ਏਸੇਨ ਸ਼ਹਿਰ 'ਚ ਸਥਿਤ ਡਰੇਂਟਸ ਮਿਊਜ਼ੀਅਮ 'ਚੋਂ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਤਿਹਾਸਕ ਡਰੇਂਟਸ ਮਿਊਜ਼ੀਅਮ 'ਚੋਂ ਸੈਂਕੜੇ ਸਾਲ ਪੁਰਾਣੀਆਂ ਕੀਮਤੀ ਚੀਜ਼ਾਂ ਚੋਰੀ ਹੋ ਗਈਆਂ ਹਨ, ਡੱਚ ਪੁਲਸ ਮੁਤਾਬਕ ਇਹ ਚੋਰੀ ਸ਼ਨੀਵਾਰ ਸਵੇਰੇ ਅਸੇਨ ਦੇ ਡਰੇਂਟਸ ਮਿਊਜ਼ੀਅਮ 'ਚ ਹੋਈ। ਦੱਸਿਆ ਜਾ ਰਿਹਾ ਹੈ ਕਿ ਚੋਰਾਂ ਨੇ ਧੂਮ 2 ਦੇ ਅੰਦਾਜ਼ 'ਚ ਚੋਰੀ ਨੂੰ ਅੰਜਾਮ ਦਿੱਤਾ, ਪਹਿਲਾਂ ਧਮਾਕਾ ਕਰਕੇ ਮਿਊਜ਼ੀਅਮ 'ਚ ਦਾਖਲ ਹੋਣ ਦਾ ਰਸਤਾ ਬਣਾਇਆ ਅਤੇ ਫਿਰ ਚੋਰੀ ਨੂੰ ਅੰਜਾਮ ਦਿੱਤਾ।

ਪੁਲਿਸ ਮੁਤਾਬਕ ਉਨ੍ਹਾਂ ਨੂੰ ਸਥਾਨਕ ਸਮੇਂ ਅਨੁਸਾਰ ਤੜਕੇ 3:45 ਵਜੇ ਧਮਾਕਾ ਹੋਣ ਦੀ ਸੂਚਨਾ ਮਿਲੀ। ਪੁਲਿਸ ਵੱਲੋਂ ਜਾਰੀ ਕੀਤੀ ਗਈ ਸੀਸੀਟੀਵੀ ਫੁਟੇਜ ਵਿੱਚ ਸ਼ੱਕੀ ਵਿਅਕਤੀ ਧਮਾਕੇ ਤੋਂ ਪਹਿਲਾਂ ਬਾਹਰੀ ਦਰਵਾਜ਼ਾ ਖੋਲ੍ਹਦੇ ਹੋਏ ਦਿਖਾਈ ਦੇ ਰਹੇ ਹਨ। ਫੁਟੇਜ 'ਚ ਚੰਗਿਆੜੀਆਂ ਅਤੇ ਧੂੰਆਂ ਹਵਾ 'ਚ ਫੈਲਦਾ ਦੇਖਿਆ ਜਾ ਸਕਦਾ ਹੈ। ਚੋਰ ਆਪਣੇ ਨਾਲ ਤਿੰਨ ਡੇਕੀਅਨ ਸੋਨੇ ਦੇ ਬਰੇਸਲੇਟ ਅਤੇ ਕੋਟੋਫੇਨੈਸਟੀ ਸਮੇਂ ਦਾ ਇੱਕ ਸ਼ਾਨਦਾਰ ਤਾਜ ਲੈ ਗਏ ਹਨ।