ਨਵੀ ਦਿੱਲੀ (ਰਾਘਵ): ਵਿਸ਼ਵ ਦੀ ਨੰਬਰ-2 ਕੋਕੋ ਗੌਫ ਨੇ ਫਰੈਂਚ ਓਪਨ ਜਿੱਤ ਲਿਆ ਹੈ। 21 ਸਾਲਾ ਅਮਰੀਕੀ ਸਟਾਰ ਨੇ ਸ਼ਨੀਵਾਰ ਨੂੰ ਮਹਿਲਾ ਸਿੰਗਲਜ਼ ਦੇ ਫਾਈਨਲ ਮੁਕਾਬਲੇ 'ਚ ਵਿਸ਼ਵ ਦੀ ਨੰਬਰ-1 ਟੈਨਿਸ ਸਟਾਰ ਆਰਿਨਾ ਸਬਲੇਨਕਾ ਨੂੰ 6-7, 6-2, 6-4 ਨਾਲ ਹਰਾਇਆ। ਸਬਲੇਂਕਾ ਨੇ ਦੋ ਘੰਟੇ 38 ਮਿੰਟ ਤੱਕ ਚੱਲੇ ਮੈਚ ਵਿੱਚ ਪਹਿਲਾ ਸੈੱਟ 7-6 ਨਾਲ ਜਿੱਤ ਲਿਆ ਸੀ। ਗੌਫ ਨੇ ਆਪਣੇ ਕਰੀਅਰ ਦਾ ਦੂਜਾ ਗ੍ਰੈਂਡ ਸਲੈਮ ਜਿੱਤਿਆ ਹੈ। ਉਹ 2023 ਵਿੱਚ ਯੂਐਸ ਓਪਨ ਚੈਂਪੀਅਨ ਬਣੀ।

ਇਸ ਟੂਰਨਾਮੈਂਟ ਵਿੱਚ 10 ਸਾਲ ਬਾਅਦ ਕੋਈ ਅਮਰੀਕੀ ਖਿਡਾਰਨ ਚੈਂਪੀਅਨ ਬਣੀ ਹੈ। ਗੌਫ ਤੋਂ ਪਹਿਲਾਂ, ਸੇਰੇਨਾ ਵਿਲੀਅਮਜ਼ ਇੱਥੇ 2015 ਵਿੱਚ ਚੈਂਪੀਅਨ ਬਣੀ ਸੀ। ਗੌਫ ਪੈਰਿਸ ਵਿੱਚ ਫਿਲਿਪ-ਚੈਟਿਅਰ ਕੋਰਟ ਵਿੱਚ ਪਹਿਲਾ ਸੈੱਟ 7-6 ਨਾਲ ਹਾਰ ਗਈ ਸੀ। ਫਿਰ ਉਸ ਨੇ ਅਗਲੇ ਦੋ ਸੈੱਟ 6-2, 6-4 ਨਾਲ ਜਿੱਤ ਕੇ ਖਿਤਾਬ ਆਪਣੇ ਨਾਮ ਕਰ ਲਿਆ।