ਯੇਰੂਸ਼ਲਮ (ਰਾਘਵ) : ਇਜ਼ਰਾਇਲੀ ਫੌਜ ਨੇ ਇਕ ਵੱਡੀ ਕਾਰਵਾਈ ਕਰਦੇ ਹੋਏ ਈਰਾਨ ਦੇ ਨਵੇਂ ਨਿਯੁਕਤ ਚੀਫ ਆਫ ਸਟਾਫ ਅਲੀ ਸ਼ਾਦਮਾਨੀ ਨੂੰ ਮਾਰਨ ਦਾ ਦਾਅਵਾ ਕੀਤਾ ਹੈ। ਇਜ਼ਰਾਈਲੀ ਸੁਰੱਖਿਆ ਬਲਾਂ ਦਾ ਕਹਿਣਾ ਹੈ ਕਿ ਪੰਜ ਦਿਨਾਂ ਵਿੱਚ ਇਹ ਦੂਜੀ ਵਾਰ ਹੈ ਕਿ ਉਨ੍ਹਾਂ ਨੇ ਈਰਾਨ ਦੇ ਯੁੱਧ ਸਮੇਂ ਦੇ ਚੀਫ਼ ਆਫ਼ ਸਟਾਫ ਨੂੰ ਨਿਸ਼ਾਨਾ ਬਣਾਇਆ ਅਤੇ ਮਾਰਿਆ ਹੈ। ਅਲੀ ਸ਼ਾਦਮਨੀ ਨੂੰ ਈਰਾਨ ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖਮੇਨੇਈ ਦੇ ਸਭ ਤੋਂ ਨਜ਼ਦੀਕੀ ਫੌਜੀ ਸਲਾਹਕਾਰਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਸੀ।

ਸੂਤਰਾਂ ਮੁਤਾਬਕ ਮੇਜਰ ਜਨਰਲ ਅਲੀ ਸ਼ਾਦਮਾਨੀ ਨੇ ਕਰੀਬ ਚਾਰ ਦਿਨਾਂ ਤੱਕ ਖਾਤਮ-ਅਲ ਅੰਬੀਆ ਕੇਂਦਰੀ ਹੈੱਡਕੁਆਰਟਰ ਦੀ ਅਗਵਾਈ ਕੀਤੀ। ਇਸ ਵਿਭਾਗ ਨੂੰ ਈਰਾਨ ਦੀ ਮਿਲਟਰੀ ਐਮਰਜੈਂਸੀ ਕਮਾਂਡ ਵਜੋਂ ਜਾਣਿਆ ਜਾਂਦਾ ਹੈ। ਸ਼ਾਦਮਨੀ ਨੇ ਮੇਜਰ ਜਨਰਲ ਗੁਲਾਮ ਅਲੀ ਰਸ਼ੀਦ ਦੀ ਥਾਂ ਲਈ ਸੀ। ਰਾਸ਼ਿਦ ਸ਼ੁੱਕਰਵਾਰ ਨੂੰ ਈਰਾਨ ਦੇ ਖਿਲਾਫ ਇਜ਼ਰਾਈਲ ਦੇ ਸ਼ੁਰੂਆਤੀ ਹਮਲਿਆਂ ਵਿੱਚ ਮਾਰਿਆ ਗਿਆ ਸੀ। IDF ਦਾ ਕਹਿਣਾ ਹੈ ਕਿ"ਸ਼ਾਦਮਨੀ ਨੇ ਰੈਵੋਲਿਊਸ਼ਨਰੀ ਗਾਰਡ ਅਤੇ ਈਰਾਨੀ ਹਥਿਆਰਬੰਦ ਬਲਾਂ ਦੋਵਾਂ ਦੀ ਕਮਾਂਡ ਕੀਤੀ।" IDF ਦਾ ਕਹਿਣਾ ਹੈ ਕਿ ਸ਼ਾਦਮਨੀ ਨੇ ਪਹਿਲਾਂ ਖਾਤਮ-ਅਲ-ਅੰਬੀਆ ਹੈੱਡਕੁਆਰਟਰ ਦੇ ਡਿਪਟੀ ਅਤੇ ਈਰਾਨ ਦੇ ਹਥਿਆਰਬੰਦ ਬਲਾਂ ਵਿੱਚ ਆਪਰੇਸ਼ਨ ਦੇ ਮੁਖੀ ਵਜੋਂ ਸੇਵਾ ਕੀਤੀ ਸੀ।