ਚੰਡੀਗੜ੍ਹ: ਪੰਜਾਬ ਵਿੱਚ ਭ੍ਰਿਸ਼ਟਾਚਾਰ ਵਿਰੁੱਧ ਮਾਨ ਸਰਕਾਰ ਦੀ ਮੁਹਿੰਮ ਜਾਰੀ ਹੈ। ਇਸ ਸਬੰਧ ਵਿੱਚ ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਨੇ ਭ੍ਰਿਸ਼ਟਾਚਾਰ ਅਤੇ ਲਾਪਰਵਾਹੀ ਦੀਆਂ ਸ਼ਿਕਾਇਤਾਂ ਮਿਲਣ 'ਤੇ ਤੁਰੰਤ ਕਾਰਵਾਈ ਕੀਤੀ ਹੈ। ਡਿਪਟੀ ਟਰਾਂਸਪੋਰਟ ਕਮਿਸ਼ਨਰ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ, 9 ਡਾਟਾ ਐਂਟਰੀ ਆਪਰੇਟਰਾਂ ਅਤੇ ਸੁਰੱਖਿਆ ਗਾਰਡਾਂ ਦੀਆਂ ਸੇਵਾਵਾਂ ਤੁਰੰਤ ਪ੍ਰਭਾਵ ਨਾਲ ਖਤਮ ਕਰ ਦਿੱਤੀਆਂ ਗਈਆਂ ਹਨ।

ਇੱਕ ਸੀਨੀਅਰ ਸਹਾਇਕ ਨੂੰ ਵੀ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਵਿੱਚ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, ਮੁੱਖ ਦਫ਼ਤਰ ਵਿੱਚ ਕੰਮ ਕਰਦੇ ਸੀਨੀਅਰ ਸਹਾਇਕ ਪਵਨ ਕੁਮਾਰ ਨੂੰ ਡਿਊਟੀ ਪ੍ਰਤੀ ਲਾਪਰਵਾਹੀ ਦੇ ਦੋਸ਼ ਵਿੱਚ ਨੌਕਰੀ ਤੋਂ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਮੁਅੱਤਲ ਕੀਤੇ ਗਏ ਕਰਮਚਾਰੀਆਂ ਵਿੱਚ ਓਮਕਾਰ ਸਿੰਘ (ਡਾਟਾ ਐਂਟਰੀ ਆਪਰੇਟਰ), ਗੁਰਸਾਹਿਬ ਸਿੰਘ (ਸੁਰੱਖਿਆ ਗਾਰਡ), ਹਰਪ੍ਰੀਤ ਸਿੰਘ (ਸੁਰੱਖਿਆ ਗਾਰਡ), ਗੁਰਪ੍ਰੀਤ ਸਿੰਘ ਬੇਦੀ (ਸੁਰੱਖਿਆ ਗਾਰਡ), ਪਰਮਿੰਦਰ ਸਿੰਘ (ਸੁਰੱਖਿਆ ਗਾਰਡ), ਵਿਜੇ ਗੁਰੰਗ (ਸੁਰੱਖਿਆ ਗਾਰਡ), ਵਿਕਰਮਜੀਤ ਸਿੰਘ (ਸੁਰੱਖਿਆ ਗਾਰਡ), ਸੰਜੀਵ ਕੁਮਾਰ (ਸੁਰੱਖਿਆ ਗਾਰਡ) ਅਤੇ ਅਜੈ ਕੁਮਾਰ (ਸੁਰੱਖਿਆ ਗਾਰਡ)।