ਦੇਰੀ ਹੋਈ। ਹਾਲਾਂਕਿ, ਪਾਕਿਸਤਾਨ ਅਤੇ ਪੀਸੀਬੀ ਨੇ ਆਖਰਕਾਰ ਹੌਂਸਲਾ ਛੱਡ ਦਿੱਤਾ ਅਤੇ ਏਸ਼ੀਅਨ ਕ੍ਰਿਕਟ ਕੌਂਸਲ (ਏਸੀਸੀ) ਨੇ ਟਰਾਫੀ ਯੂਏਈ ਕ੍ਰਿਕਟ ਬੋਰਡ ਨੂੰ ਸੌਂਪ ਦਿੱਤੀ, ਜੋ ਜਲਦੀ ਹੀ ਇਸ ਨੂੰ ਬੀਸੀਸੀਆਈ ਰਾਹੀਂ ਭਾਰਤ ਨੂੰ ਸੌਂਪ ਦਿੱਤੀ ਜਾਵੇਗੀ।

ਜਾਣਕਾਰੀ ਮੁਤਾਬਿਕ ਇਹ ਬਿਆਨ ਕੀਤਾ ਜਾਂਦਾ ਹੈ ਕਿ ਭਾਰਤ ਨੇ 28 ਸਤੰਬਰ ਨੂੰ ਖੇਡੇ ਗਏ ਫਾਈਨਲ ਮੈਚ ਵਿੱਚ ਪਾਕਿਸਤਾਨ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ ਸੀ। ਜਿਸ ਦੌਰਾਨ ਸੂਰਿਆਕੁਮਾਰ ਯਾਦਵ ਦੀ ਕਪਤਾਨੀ 'ਚ ਟੀਮ ਇੰਡੀਆ ਪੂਰੇ ਟੂਰਨਾਮੈਂਟ 'ਚ ਅਜੇਤੂ ਰਹੀ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਮੈਚ ਖਤਮ ਹੁੰਦੇ ਹੀ ਭਾਰਤੀ ਟੀਮ ਨੂੰ ਟਰਾਫੀ ਮਿਲਣ ਦੀ ਉਮੀਦ ਸੀ ਪਰ ਵਿਵਾਦ ਉਦੋਂ ਖੜ੍ਹਾ ਹੋ ਗਿਆ ਜਦੋਂ ਏਸੀਸੀ ਪ੍ਰਧਾਨ ਅਤੇ ਪੀਸੀਬੀ ਮੁਖੀ ਮੋਹਸਿਨ ਨਕਵੀ ਟਰਾਫੀ ਪੇਸ਼ ਕਰਨ ਲਈ ਮੰਚ 'ਤੇ ਆਏ। ਇਸ ਮੌਕੇ ਭਾਰਤੀ ਟੀਮ ਨੇ ਸਪੱਸ਼ਟ ਕੀਤਾ ਕਿ ਉਹ ਨਕਵੀ ਤੋਂ ਟਰਾਫੀ ਸਵੀਕਾਰ ਨਹੀਂ ਕਰੇਗੀ, ਕਿਉਂਕਿ ਪਾਕਿਸਤਾਨ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਭਾਰਤ ਵਿਰੁੱਧ ਪੱਖਪਾਤ ਕੀਤਾ ਸੀ।

ਇਸ ਤੋਂ ਇਲਾਵਾ ਟਰਾਫੀ ਪੇਸ਼ਕਾਰੀ ਸਮਾਰੋਹ ਦੌਰਾਨ ਨਕਵੀ ਸਟੇਜ 'ਤੇ ਹੀ ਰਹੇ ਪਰ ਭਾਰਤੀ ਖਿਡਾਰੀਆਂ ਅਤੇ ਪ੍ਰਬੰਧਕਾਂ ਨੇ ਉਨ੍ਹਾਂ ਤੋਂ ਟਰਾਫੀ ਲੈਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਨਤੀਜੇ ਵਜੋਂ, ਟਰਾਫੀ ਨਕਵੀ ਕੋਲ ਚਲੀ ਗਈ, ਜਿਸ ਨਾਲ ਭਾਰਤੀ ਪ੍ਰਸ਼ੰਸਕ ਅਤੇ ਬੀਸੀਸੀਆਈ ਗੁੱਸੇ ਵਿੱਚ ਆ ਗਏ। ਦੁਬਈ 'ਚ ਮੰਗਲਵਾਰ ਨੂੰ ਹੋਈ ਏਸੀਸੀ ਦੀ ਬੈਠਕ 'ਚ ਬੀਸੀਸੀਆਈ ਦੇ ਪ੍ਰਤੀਨਿਧ ਰਾਜੀਵ ਸ਼ੁਕਲਾ ਅਤੇ ਆਸ਼ੀਸ਼ ਸ਼ੇਲਾਰ ਨੇ ਮੋਹਸਿਨ ਨਕਵੀ ਨੂੰ ਫਟਕਾਰ ਲਗਾਈ। ਉਨ੍ਹਾਂ ਸਪੱਸ਼ਟ ਕਿਹਾ ਕਿ ਭਾਰਤ ਹੀ ਇਸ ਖਿਤਾਬ ਦਾ ਸਹੀ ਮਾਲਕ ਹੈ ਅਤੇ ਟਰਾਫੀ ਤੁਰੰਤ ਭਾਰਤ ਨੂੰ ਸੌਂਪੀ ਜਾਣੀ ਚਾਹੀਦੀ ਹੈ। ਜਿਸ ਸੰਬੰਧ 'ਚ ਬੀ.ਸੀ.ਸੀ.ਆਈ. ਨੇ ਇਹ ਵੀ ਸੰਕੇਤ ਦਿੱਤਾ ਕਿ ਜੇਕਰ ਮਾਮਲਾ ਹੱਲ ਨਹੀਂ ਹੋਇਆ ਤਾਂ ਮਾਮਲਾ ਆਈ.ਸੀ.ਸੀ. ਕੋਲ ਲਿਜਾਇਆ ਜਾਵੇਗਾ।

ਲੰਬੇ ਸੰਘਰਸ਼ ਤੋਂ ਬਾਅਦ, ਏਸੀਸੀ ਨੇ ਆਖਰਕਾਰ ਟਰਾਫੀ ਯੂਏਈ ਕ੍ਰਿਕਟ ਬੋਰਡ ਨੂੰ ਸੌਂਪ ਦਿੱਤੀ, ਜੋ ਕਿ ਹੁਣ ਇਸ ਨੂੰ ਅਧਿਕਾਰਤ ਤੌਰ 'ਤੇ ਭਾਰਤ ਨੂੰ ਸੌਂਪੇਗਾ। ਭਾਰਤੀ ਟੀਮ ਦੀ ਇਕੋ ਸ਼ਰਤ ਸੀ ਕਿ ਟਰਾਫੀ ਮੋਹਸਿਨ ਨਕਵੀ ਨੂੰ ਨਾ ਸੌਂਪੀ ਜਾਵੇ। ਜੇਕਰ ਏ.ਸੀ.ਸੀ. ਨੇ ਇਹ ਕਦਮ 28 ਸਤੰਬਰ ਨੂੰ ਚੁੱਕਿਆ ਹੁੰਦਾ ਤਾਂ ਵਿਵਾਦ ਇੰਨੇ ਜ਼ਿਆਦਾ ਨਾ ਵਧਦਾ। ਪਰ ਹੁਣ, ਭਾਵੇਂ ਦੇਰ ਨਾਲ, ਭਾਰਤ ਦੀ ਜਿੱਤ ਨੂੰ ਰਸਮੀ ਤੌਰ 'ਤੇ ਮਾਨਤਾ ਮਿਲ ਗਈ ਹੈ। ਇਹ ਸਿਰਫ਼ ਮੈਦਾਨ 'ਤੇ ਜਿੱਤ ਹੀ ਨਹੀਂ ਹੈ, ਸਗੋਂ ਭਾਰਤ ਨੇ ਪਾਕਿਸਤਾਨ ਨੂੰ ਰਣਨੀਤਕ ਅਤੇ ਕੂਟਨੀਤਕ ਤੌਰ 'ਤੇ ਵੀ ਹਰਾਇਆ ਹੈ।