ਨਵੀਂ ਦਿੱਲੀ (ਪਾਇਲ): ਸਿਨੇਮਾ ਜਗਤ 'ਚ ਗਲੈਮਰਸ ਜ਼ਰੀਏ ਆਪਣਾ ਨਾਂ ਬਣਾਉਣ ਵਾਲੇ ਕਈ ਸਿਤਾਰੇ ਹੋਏ ਹਨ, ਜਿਨ੍ਹਾਂ ਨੇ ਆਪਣੀ ਜ਼ਿੰਦਗੀ ਦੇ ਆਖਰੀ ਪੜਾਅ 'ਚ ਗਲੈਮਰਸ ਜ਼ਿੰਦਗੀ ਨੂੰ ਤਿਆਗ ਕੇ ਖੁਦ ਨੂੰ ਰੱਬ ਦੇ ਸ਼ਰਨ 'ਚ ਖੁਦ ਨੂੰ ਸੌਂਪ ਦਿੱਤਾ। ਇਸ ਮਾਮਲੇ ਵਿੱਚ ਇੱਕ ਨਵਾਂ ਨਾਮ ਟੀਵੀ ਅਦਾਕਾਰ ਨੂਪੁਰ ਅਲੰਕਾਰ ਦਾ ਸ਼ਾਮਲ ਹੋ ਰਿਹਾ ਹੈ। ਐਕਟਿੰਗ ਕਰੀਅਰ ਵਿੱਚ 150 ਤੋਂ ਵੱਧ ਟੀਵੀ ਸ਼ੋਅ ਅਤੇ ਫਿਲਮਾਂ ਕਰਨ ਵਾਲੀ ਨੂਪੁਰ ਹੁਣ ਇੱਕ ਸੰਨਿਆਸੀ ਬਣ ਚੁੱਕੀ ਹੈ।

ਨੂਪੁਰ ਅਲੰਕਾਰ ਦੇ ਸੰਨਿਆਸੀ ਲੁੱਕ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਜੋ ਇਸ ਗੱਲ ਦੀ ਗਵਾਹੀ ਭਰ ਰਿਹਾ ਹੈ ਕਿ ਅਦਾਕਾਰ ਦਾ ਰੂਹਾਨੀਅਤ ਪ੍ਰਤੀ ਲਗਾਵ ਕਾਫੀ ਵੱਧ ਗਿਆ ਹੈ।

90 ਦੇ ਦਹਾਕੇ ਤੋਂ ਨਵੇਂ ਦੌਰ ਤੱਕ ਛੋਟੇ ਪਰਦੇ 'ਤੇ ਆਪਣਾ ਜਾਦੂ ਬਿਖੇਰਨ ਵਾਲੀ ਨੂਪੁਰ ਅਲੰਕਾਰ ਨੇ ਸਾਲ 2022 ਵਿੱਚ ਹੀ ਅਦਾਕਾਰੀ ਨੂੰ ਅਲਵਿਦਾ ਕਹਿ ਦਿੱਤਾ ਸੀ। ਇਸ ਤੋਂ ਬਾਅਦ, ਉਹ ਲਗਾਤਾਰ ਪ੍ਰਭੂ ਦੀ ਭਗਤੀ ਵਿੱਚ ਲੀਨ ਨਜ਼ਰ ਆਈ ਅਤੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਇਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕਰਦੀ ਨਜ਼ਰ ਆਈ।