ਨਵੀਂ ਦਿੱਲੀ (ਪਾਇਲ): ਜੇਕਰ ਤੁਸੀਂ ਇਸ ਮਹੀਨੇ ਕਾਰ ਖਰੀਦਣ ਦਾ ਸੋਚ ਰਹੇ ਹੋ ਤਾਂ ਇਹ ਖ਼ਬਰ ਬਿਲਕੁਲ ਤੁਹਾਡੇ ਲਈ ਹੈ। ਦੱਸ ਦਇਏ ਕਿ ਇਸ ਸਮੇਂ ਟਾਟਾ ਤੁਹਾਡੀ ਫੇਵਰਿਟ ਮਾਈਕ੍ਰੋ SUV Tata Punch ’ਤੇ ਸ਼ਾਨਦਾਰ ਡਿਸਕਾਊਂਟ ਦੇ ਰਹੀ ਹੈ। ਭਾਰਤ ਸਰਕਾਰ ਦੁਆਰਾ GST 2.0 ਸਲੈਬ ਨੂੰ ਲਾਗੂ ਕਰਨ ਤੋਂ ਬਾਅਦ ਟਾਟਾ ਪੰਚ ਦੀਆਂ ਐਕਸ-ਸ਼ੋਰੂਮ ਕੀਮਤਾਂ ਵਿੱਚ ਭਾਰੀ ਕਮੀ ਆਈ ਹੈ। ਇਸ ਕਟੌਤੀ ਦੇ ਮੁਤਾਬਕ ਇਸ ਕਾਰ ਦਾ ਬੇਸ ਮਾਡਲ 70,000 ਰੁਪਏ ਅਤੇ ਟਾਪ ਮਾਡਲ 1 ਲੱਖ ਰੁਪਏ ਸਸਤਾ ਹੋ ਗਿਆ ਹੈ। ਇਨ੍ਹਾਂ ਕੀਮਤਾਂ ਬਾਰੇ ਵਿਸਥਾਰ ਵਿੱਚ ਜਾਣੋ

ਭਾਰਤ ਸਰਕਾਰ ਨੇ 22 ਸਤੰਬਰ 2025 ਤੋਂ ਜੀਐਸਟੀ 2.0 ਲਾਗੂ ਕੀਤਾ, ਜਿਸ ਤੋਂ ਬਾਅਦ ਟਾਟਾ ਪੰਚ ਦੀਆਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਆਈ। ਪੰਚ ਦੀ ਐਕਸ-ਸ਼ੋਰੂਮ ਕੀਮਤ ਜੋ ਪਹਿਲਾਂ 6 ਲੱਖ ਰੁਪਏ ਤੋਂ ਜ਼ਿਆਦਾ ਸੀ ਹੁਣ ਘੱਟ ਕੇ 5.50 ਲੱਖ ਰੁਪਏ ਰਹਿ ਗਈ ਹੈ।

ਟਾਟਾ ਪੰਚ ਭਾਰਤੀ ਬਾਜ਼ਾਰ 'ਚ ਬਜਟ-ਅਨੁਕੂਲ 5-ਸੀਟਰ ਕਾਰ ਦੇ ਰੂਪ 'ਚ ਮੌਜੂਦ ਹੈ। ਇਸ ਵਿੱਚ ਡਾਇਨਾਪ੍ਰੋ ਤਕਨੀਕ ਵਾਲਾ 1.2-ਲੀਟਰ ਇੰਜਣ ਹੈ, ਜੋ 6,000 rpm 'ਤੇ 87.8 PS ਦੀ ਪਾਵਰ ਅਤੇ 3,150-3,350 rpm 'ਤੇ 115 Nm ਦਾ ਟਾਰਕ ਦਿੰਦਾ ਹੈ। ਇਸ ਦੇ ਨਾਲ, ਗਾਹਕਾਂ ਨੂੰ ਮੈਨੂਅਲ ਅਤੇ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦਾ ਵਿਕਲਪ ਵੀ ਮਿਲਦਾ ਹੈ।

ਇਸਦੀ ਵਿਸ਼ੇਸ਼ਤਾ ਇਹ ਹੈ ਕਿ ਟਾਟਾ ਪੰਚ ਨੂੰ ਗਲੋਬਲ NCAP ਤੋਂ ਸ਼ਾਨਦਾਰ 5-ਸਟਾਰ ਸੇਫਟੀ ਰੇਟਿੰਗ ਮਿਲੀ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਪੰਚ ਦੇ ਕਿਸੇ ਵੀ ਵੇਰੀਐਂਟ 'ਚ ਸਨਰੂਫ ਉਪਲਬਧ ਨਹੀਂ ਹੈ।