ਗੁਰੂਗ੍ਰਾਮ (ਪਾਇਲ): ਗੁਰੂਗ੍ਰਾਮ ਦੇ ਸੈਕਟਰ 14 ਵਿੱਚ ਕੇਂਦਰੀ ਵਿਦਿਆਲੇ ਤੋਂ ਮਲਬਾ ਉਠਾਉਣ ਦਾ ਠੇਕਾ ਲੈਣ ਵਾਲੇ ਇਕ ਟ੍ਰੈਕਟਰ-ਟ੍ਰਾਲੀ ਚਾਲਕ ਤੋਂ ਦੋ ਲੋਕਾਂ ਨੇ ਐਮਸੀਜੀ ਕਰਮਚਾਰੀ ਹੋਣ ਦਾ ਰੌਬ ਦਿਖਾਇਆ। ਅਵੈਧ ਤਰੀਕੇ ਨਾਲ ਮਲਬਾ ਉਠਾਉਣ ਦਾ ਦੋਸ਼ ਲਾ ਕੇ ਫਾਈਨ ਕੱਟਣ ਦੇ ਨਾਮ ‘ਤੇ 10 ਹਜ਼ਾਰ ਰੁਪਏ ਮੰਗੇ।

ਟਰੈਕਟਰ-ਟਰਾਲੀ ਮਾਲਕ ਨੇ ਥਾਣੇ ਵਿੱਚ ਐਫਆਈਆਰ ਦਰਜ ਕਰਵਾਈ ਹੈ। ਜਾਂਚ ਕਰਦੇ ਹੋਏ ਥਾਣਾ ਸਦਰ ਦੀ ਪੁਲਸ ਨੇ ਇਕ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ। ਟਰੈਕਟਰ-ਟਰਾਲੀ ਮਾਲਕ ਨੇ ਆਪਣੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਸ ਦੇ ਟਰੈਕਟਰ ਦਾ ਡਰਾਈਵਰ ਘਰਾਂ ਵਿੱਚੋਂ ਮਲਬਾ ਚੁੱਕਣ ਦਾ ਕੰਮ ਕਰਦਾ ਹੈ। ਇਸ ਨੇ ਕੇਵੀ ਸਕੂਲ ਸੈਕਟਰ 14 ਵਿੱਚ ਮਲਬਾ ਚੁੱਕਣ ਦਾ ਠੇਕਾ ਲਿਆ ਹੈ।

21 ਨਵੰਬਰ ਨੂੰ ਡਰਾਈਵਰ ਨੇ ਫੋਨ ਕਰਕੇ ਕਿਹਾ ਕਿ ਦੋ ਵਿਅਕਤੀ ਆਪਣੇ ਆਪ ਨੂੰ ਐਮਸੀਜੀ ਮੁਲਾਜ਼ਮ ਦੱਸ ਰਹੇ ਹਨ ਅਤੇ ਟਰੈਕਟਰ ਦਾ ਚਲਾਨ ਕਰਨ ਲਈ ਕਹਿ ਰਹੇ ਹਨ। ਜਦੋਂ ਮਾਲਕ ਮੌਕੇ 'ਤੇ ਪਹੁੰਚਿਆ ਤਾਂ ਦੋ ਵਿਅਕਤੀਆਂ ਨੇ ਉਸ ਨੂੰ ਮਲਬਾ ਚੁੱਕਣ ਦਾ ਲਾਇਸੈਂਸ ਦਿਖਾਉਣ ਲਈ ਕਿਹਾ। ਨਾ ਪੇਸ਼ ਹੋਣ 'ਤੇ ਉਸ ਨੇ ਪਰਚੀ ਅਤੇ ਜੁਰਮਾਨਾ ਅਦਾ ਕਰਨ ਤੋਂ ਬਚਣ ਲਈ 10,000 ਰੁਪਏ ਮੰਗੇ।

ਥਾਣਾ ਸਦਰ ਦੀ ਪੁਲਿਸ ਨੇ ਐਤਵਾਰ ਨੂੰ ਸੈਕਟਰ 14 ਤੋਂ ਇਕ ਦੋਸ਼ੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਉਸ ਦੀ ਪਛਾਣ ਨਿਊ ਕਲੋਨੀ ਦੇ ਰਹਿਣ ਵਾਲੇ ਹਿਤੇਸ਼ ਖੱਤਰੀ ਵਜੋਂ ਹੋਈ ਹੈ। ਪੁਲਿਸ ਨੇ ਮੁਲਜ਼ਮ ਤੋਂ ਪੁੱਛਗਿੱਛ ਦੌਰਾਨ ਖੁਲਾਸਾ ਕੀਤਾ ਕਿ ਉਹ ਗੁਰੂਗ੍ਰਾਮ ਵਿੱਚ ਟੈਟੂ ਡਿਜ਼ਾਈਨਿੰਗ ਦਾ ਕੋਰਸ ਕਰਦਾ ਹੈ। ਉਸਦਾ ਇੱਕ ਦੋਸਤ MCG ਵਿੱਚ DC ਰੇਟ ਤੇ ਕੰਮ ਕਰ ਰਿਹਾ ਹੈ। ਉਸ ਨੇ ਅਤੇ ਉਸ ਦੇ ਸਾਥੀ ਨੇ ਮਿਲ ਕੇ ਸ਼ਿਕਾਇਤਕਰਤਾ ਤੋਂ ਨਾਜਾਇਜ਼ ਪੈਸੇ ਵਸੂਲਣ ਦੀ ਸਾਜ਼ਿਸ਼ ਰਚੀ ਸੀ। ਪੁਲੀਸ ਦੂਜੇ ਮੁਲਜ਼ਮ ਦੀ ਭਾਲ ਕਰ ਰਹੀ ਹੈ।