ਟੋਰਾਂਟੋ (ਪਾਇਲ): ਇਥੇ ਭਾਰਤੀ ਕੌਂਸੁਲੇਟ ਜਨਰਲ ਨੇ ਮੁਸੀਬਤ ’ਚ ਫਸੀਆਂ ਤੇ ਪ੍ਰੇਸ਼ਾਨ ਭਾਰਤੀ ਔਰਤਾਂ ਦੀ ਵਿਸ਼ੇਸ਼ ਸਹਾਇਤਾ ਲਈ ‘ਵਨ ਸਟੌਪ ਸੈਂਟਰ ਫਾਰ ਵਿਮੈਨ’ ਸਥਾਪਤ ਕੀਤਾ ਹੈ।

ਦੱਸ ਦਇਏ ਕਿ ਕੌਂਸੁਲੇਟ ਨੇ 24x7 ਹੈਲਪਲਾਈਨ ਵੀ ਸ਼ੁਰੂ ਕੀਤੀ ਹੈ ਅਤੇ ਕਿਹਾ ਹੈ ਕਿ ਇਸ ਨਵੇਂ ਕੇਂਦਰ ਦਾ ਉਦੇਸ਼ ਉਨ੍ਹਾਂ ਭਾਰਤੀ ਪਾਸਪੋਰਟਧਾਰਕ ਔਰਤਾਂ ਨੂੰ ਮਹੱਤਵਪੂਰਨ ਅਤੇ ਸਮੇਂ ਸਿਰ ਸਹਾਇਤਾ ਪ੍ਰਦਾਨ ਕਰਨਾ ਹੈ, ਜੋ ਘਰੇਲੂ ਹਿੰਸਾ, ਦੁਰਵਿਵਹਾਰ, ਪਰਿਵਾਰਕ ਝਗੜੇ, ਸ਼ੋਸ਼ਣ ਅਤੇ ਕਾਨੂੰਨੀ ਚੁਣੌਤੀਆਂ ਵਰਗੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੀਆਂ ਹਨ।