ਲੰਡਨ (ਵਿਕਰਮ ਸਹਿਜਪਾਲ) : ਇੰਗਲੈਂਡ ਦੇ ਬ੍ਰਿਸਟਲ ਕਾਉਂਟੀ ਮੈਦਾਨ 'ਤੇ ਪਾਕਿਸਤਾਨ ਤੇ ਸ਼੍ਰੀਲੰਕਾ ਵਿਚਕਾਰ ਹੋਣ ਵਾਲਾ ਮੈਚ ਮੀਂਹ ਕਾਰਨ ਰੱਦ ਕਰਨਾ ਪਿਆ। ਕ੍ਰਿਕਟ ਕੌਂਸਲ ਨੇ ਮੈਚ ਰੱਦ ਕਰਨ ਤੋਂ ਬਾਅਦ ਦੋਵੇਂ ਟੀਮਾਂ ਨੂੰ 1-1 ਪੁਆਇੰਟ ਦਿੱਤਾ ਹੈ। ਜਾਣਕਾਰੀ ਮੁਤਾਬਕ ਪਾਕਿਸਤਾਨ ਇਸ ਮੁਕਾਬਲੇ ਵਿੱਚ 2 ਮੈਚ ਖੇਡ ਚੁੱਕਿਆ ਹੈ, ਜਿਸ ਵਿੱਚ ਉਸ ਨੇ 1 ਮੁਕਾਬਲਾ ਇੰਗਲੈਂਡ ਵਿਰੁੱਧ ਜਿੱਤਿਆ ਹੈ ਅਤੇ ਦੂਸਰਾ ਵੈਸਟ ਇੰਡੀਜ਼ ਵਿਰੁੱਧ ਹਾਰਿਆ ਸੀ। 

ਸ਼੍ਰੀਲੰਕਾ ਵੀ ਇਸ ਮੁਕਾਬਲੇ ਵਿੱਚ ਨਿਊਜ਼ੀਲੈਂਡ ਤੇ ਅਫ਼ਗਾਨਿਸਤਾਨ ਵਿਰੁੱਧ 2 ਮੈਚ ਖੇਡੇ ਹਨ। ਉਸ ਨੇ ਵੀ ਇੱਕ ਮੈਚ ਜਿੱਤਿਆ ਤੇ ਇੱਕ ਹਾਰਿਆ ਹੈ।ਭਾਰਤੀ ਸਮੇਂ ਮੁਤਾਬਕ ਇਹ ਮੈਚ ਬਾਅਦ ਦੁਪਹਿਰ 3.30 ਵਜੇ ਸ਼ੁਰੂ ਹੋਣਾ ਸੀ।