ਨਵੀਂ ਦਿੱਲੀ , 24 ਜੂਨ ( NRI MEDIA )

ਬਿਹਾਰ ਵਿੱਚ ਚਮਕੀ ਬੁਖਾਰ ਦਾ ਕਹਿਰ ਨਹੀਂ ਰੁੱਕ ਰਿਹਾ , ਲਗਾਤਾਰ ਇਸ ਨਾਲ ਜੁੜੇ ਕੇਸ ਸਾਹਮਣੇ ਆ ਰਹੇ ਹਨ ਅਤੇ ਮੌਤਾਂ ਦੀ ਗਿਣਤੀ 152 ਤਕ ਪਹੁੰਚ ਗਈ ਹੈ , ਚਮਕੀ ਬੁਖਾਰ ਦੇ ਕਹਿਰ ਦੇ ਵਿਚਕਾਰ ਅੱਜ ਇਸ ਮਸਲੇ 'ਤੇ ਸੁਪਰੀਮ ਕੋਰਟ ਵਿੱਚ ਸੁਣਵਾਈ ਹੋਈ , ਇਸ ਮੁੱਦੇ 'ਤੇ ਸੁਪਰੀਮ ਕੋਰਟ ਨੇ ਕੇਂਦਰ ਸਰਕਾਰ ਅਤੇ ਸੂਬਾ ਸਰਕਾਰ ਤੋਂ ਜਵਾਬ ਮੰਗਿਆ ਹੈ ,  ਅਦਾਲਤ ਨੇ ਸਰਕਾਰਾਂ ਨੂੰ ਤਿੰਨ ਮੁੱਦਿਆਂ 'ਤੇ ਹਲਫਨਾਮਾ ਦਾਇਰ ਕਰਨ ਲਈ ਕਿਹਾ ਹੈ ਜਿਸ' ਚ ਸਿਹਤ ਸੇਵਾ, ਨਿਊਟਰੀਸ਼ਨ ਅਤੇ ਹਾਈਜਿਨ ਦੇ ਮੁੱਦੇ ਸ਼ਾਮਲ ਹਨ , ਅਦਾਲਤ ਨੇ ਲਗਾਤਾਰ ਹੋ ਰਹੀਆਂ ਮੌਤਾਂ ਉੱਤੇ ਚਿਤਾ ਵੀ ਜ਼ਾਹਰ ਕੀਤੀ ਹੈ |

ਅਦਾਲਤਾਂ ਨੇ ਸਰਕਾਰਾਂ ਤੋਂ ਪੁੱਛਿਆ ਹੈ ਕਿ ਕੀ ਉਨ੍ਹਾਂ ਨੂੰ ਕੋਈ ਯੋਜਨਾ ਲਾਗੂ ਕਰਨੀ ਚਾਹੀਦੀ ਹੈ , ਸੁਪਰੀਮ ਕੋਰਟ ਨੇ ਆਪਣੀ ਟਿੱਪਣੀ ਵਿੱਚ ਕਿਹਾ ਹੈ ਕਿ ਉੱਤਰ ਪ੍ਰਦੇਸ਼ ਵਿੱਚ ਵੀ ਕੁਝ ਅਜਿਹੀਆਂ ਸਥਿਤੀਆਂ ਹਨ, ਪਰ ਇੱਥੇ ਕਿਵੇਂ ਸੁਧਾਰ ਹੋਇਆ. ਅਦਾਲਤੀ ਨੇ ਕਿਹਾ ਕਿ ਦੋਵਾਂ ਸਰਕਾਰਾਂ ਨੂੰ ਦਸ ਦਿਨ ਦਾ ਸਮਾਂ ਦਿੱਤਾ ਗਿਆ ਹੈ , ਸੁਪਰੀਮ ਕੋਰਟ ਵਿਚ ਦਾਇਰ ਪਟੀਸ਼ਨ 'ਚ ਮੰਗ ਕੀਤੀ ਗਈ ਸੀ ਕਿ ਅਦਾਲਤ ਬਿਹਾਰ ਸਰਕਾਰ ਨੂੰ ਮੈਡੀਕਲ ਸਹੂਲਤ ਵਧਾਉਣ ਦੇ ਹੁਕਮ ਦੇਵ ਅਤੇ ਨਾਲ ਹੀ ਕੇਂਦਰ ਸਰਕਾਰ ਨੂੰ ਇਸ ਬਾਰੇ ਐਕਸ਼ਨ ਲੈਣ ਲਈ ਕਿਹਾ ਜਾਵੇ |

ਜਿਕਰਯੋਗ ਹੈ ਕਿ ਬਿਹਾਰ ਵਿੱਚ ਬੀਤੇ ਇੱਕ ਮਹੀਨੇ ਤੋਂ ਇਸ ਨੂੰ ਲੈ ਕੇ ਹਾਹਾਕਾਰ ਮਚਿਆ ਹੋਇਆ ਹੈ , ਇਸ ਦਾ ਸਭ ਤੋਂ ਜ਼ਿਆਦਾ ਪ੍ਰਭਾਵ ਬਿਹਾਰ ਦੇ ਮੁਜਫੱਰਪਰ ਵਿੱਚ ਦਿਸ ਰਿਹਾ ਹੈ , ਜਿਥੇ ਇਕੱਲੇ ਸ਼੍ਰੀ ਕ੍ਰਿਸ਼ਨਾ ਮੈਡੀਕਲ ਕਾਲਜ ਐਂਡ ਹੋਸਿਪਟਲ (ਐਸਕੇਐਮਐਚ) ਵਿੱਚ ਹੁਣ ਤੱਕ 128 ਬੱਚਿਆਂ ਦੀ ਮੌਤ ਹੋ ਗਈ ਹੈ , ਏਕਿਊਟ ਇਨਸੈਫੇਲਾਇਟਿਸ ਸਿੰਡਰੋਮ (ਏ.ਈ.ਐਸ.) ਨੂੰ ਦਿਮਾਗੀ ਬੁਖਾਰ ਅਤੇ ਚਮਕੀ ਬੁਖਾਰ ਦੱਸਿਆ ਜਾ ਰਿਹਾ ਹੈ ਜਦਕਿ ਡਾਕਟਰ ਹੁਣ ਤਕ ਬਿਮਾਰੀ ਦੀ ਵਜ੍ਹਾ ਨਹੀਂ ਜਾਣ ਸਕੇ ਹਨ |