ਲੰਡਨ (ਵਿਕਰਮ ਸਹਿਜਪਾਲ) : ਬ੍ਰੇਕਜਿਟ ਸੌਦੇ ਨੂੰ ਲੈਕੇ ਹੋਣ ਵਾਲੀ ਵੋਟਿੰਗ ਨੂੰ ਲੈਕੇ ਯੂਨਾਇਟੇਡ ਕਿੰਗਡਮ 'ਚ ਸਿਆਸਤ ਭੱਖ ਗਈ ਹੈ। ਇਸ ਮਾਮਲੇ ਨਾਲ ਸੰਬੰਧਤ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਬ੍ਰਿਟਿਸ਼ ਸੰਸਦ ਮੈਂਬਰ ਬੁੱਧਵਾਰ ਨੂੰ ਵੱਖੋ-ਵੱਖਰੇ ਬ੍ਰੈਕਸਿਟ ਵਿਕਲਪਾਂ ਤੇ ਵੋਟਿੰਗ ਕਰ ਸਕਦੇ ਹਨ, ਜਦੋਂ ਕਿ ਪ੍ਰਧਾਨ ਮੰਤਰੀ ਥੇਰੇਸਾ ਮੇ ਬ੍ਰੇਕਜਿਟ ਸੌਦੇ ਲਈ ਸਮਰਥਨ ਪ੍ਰਾਪਤ ਕਰਨ ਲਈ ਇੱਕ ਰਣਨੀਤੀ ਯੋਜਨਾ ਦੀ ਘੋਸ਼ਣਾ ਕਰਨ ਲਈ ਦਬਾਅ ਵਿੱਚ ਹਨ। ਬ੍ਰਿਟੇਨ ਦੀ ਪ੍ਰਧਾਨਮੰਤਰੀ ਥੇਰੇਸਾ ਮੇ ਨੇ ਬੈਕਬੇਂਚ ਟੋਰੀਆਂ ਨੂੰ ਕਿਹਾ, "ਮੈਂ ਇਹ ਕੰਮ ਕਰਨ ਤੋਂ ਪਹਿਲਾਂ ਇਸ ਅਹੁ ਨੂੰ ਛੱਡਣ ਲਈ ਤਿਆਰ ਹਾਂ ਜੋ ਸਾਡੇ ਦੇਸ਼ ਅਤੇ ਸਾਡੀ ਪਾਰਟੀ ਲਈ ਸਹੀ ਹੈ। 

" ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਹ ਜਾਣਦੀ ਸੀ ਕਿ ਟੋਰੀ ਦੇ ਸੰਸਦ ਮੈਂਬਰ ਨਹੀਂ ਚਾਹੁੰਦੇ ਸਨ ਕਿ ਉਹ ਬ੍ਰੈਗਜਿਟ ਵਾਰਤਾ ਦੇ ਅਗਲੇ ਪੜਾਅ ਦੀ ਅਗਵਾਈ ਕਰਨ। ਪਰ ਡੀ.ਯੂ.ਪੀ. ਨੇ ਕਿਹਾ ਕਿ ਅਜੇ ਵੀ ਇਸ ਸੌਦੇ ਦੇ ਖਿਲਾਫ ਵੋਟ ਪਾਏਗੀ। ਜਾਣਕਾਰਾਂ ਮੁਤਾਬਕ ਜੇ ਅਜਿਹਾ ਹੋ ਜਾਂਦਾ ਹੈ ਤਾਂ ਯੂਨਾਇਟੇਡ ਕਿੰਗਡਮ 'ਚ ਵੱਡਾ ਰਾਜਨੀਤਿਕ ਸੰਕਟ ਪੈਦਾ ਹੋ ਸਕਦਾ ਹੈ। ਇਨ੍ਹਾਂ ਹੀ ਨਹੀਂ ਬ੍ਰਿਟੇਨ ਨੂੰ ਚੋਣਾਂ ਦਾ ਸਾਹਮਣਾ ਵੀ ਕਰਨਾ ਪੈ ਸਕਦਾ ਹੈ। ਪ੍ਰਧਾਨ ਮੰਤਰੀ ਥੇਰੇਸਾ ਮੇ ਦੇ ਅਹੁਦਾ ਛੱਡਣ ਦੀ ਪੇਸ਼ਕਸ਼ ਦੀ ਘੋਸ਼ਣਾ ਕਰਨ ਤੋਂ ਬਾਅਦ ਜਾਰੀ ਇੱਕ ਬਿਆਨ ਵਿੱਚ ਡੀ.ਯੂ.ਪੀ. ਦੇ ਆਗੂ ਅਰਲੇਨ ਫੋਸਟਰ ਨੇ ਕਿਹਾ ਕਿ ਉਹ "ਲੋੜੀਂਦੇ ਬਦਲਾਅ" ਨੂੰ ਵਾਪਸ ਲੈਣ ਦੇ ਸਮਝੌਤੇ ਵਿੱਚ ਬੈਕਸਟੋਪ ਧਾਰਾ ਨੂੰ ਦੇਖਣਾ ਚਾਹੁੰਦੀ ਸੀ। 

ਉਸਨੇ ਕਿਹਾ ਕਿ ਬੈਕਸਟੋਪ ਧਾਰਾ ਨੇ ਯੂਨਾਈਟਿਡ ਕਿੰਗਡਮ ਦੀ ਅਖੰਡਤਾ ਨੂੰ ਖਤਰੇ ਵਿੱਚ ਪਾ ਦਿੱਤਾ ਅਤੇ ਉਸ ਦੀ ਪਾਰਟੀ ਕਦੇ ਵੀ ਅਜਿਹੀ ਕਿਸੇ ਚੀਜ਼ ਨੂੰ ਨਾ ਸਾਈਨ ਕਰੇਗੀ ਜੋ ਯੂਨੀਅਨ ਨੂੰ ਨੁਕਸਾਨ ਪਹੁੰਚਾਏ। ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਜੇਕਰ ਇਸ ਹਫਤੇ ਸਮਝੌਤਾ ਪਾਸ ਹੋ ਜਾਂਦਾ ਹੈ ਤਾਂ ਬ੍ਰਿਟੇਨ 22 ਮਈ ਨੂੰ ਈ.ਯੂ. ਛੱਡ ਸਕਦਾ ਹੈ ਤੇ ਜੇਕਰ ਅਜਿਹਾ ਨਹੀਂ ਹੁੰਦਾ ਤਾਂ ਬਿਨਾਂ ਕਿਸੇ ਸਮਝੌਤੇ ਦੇ 12 ਅਪ੍ਰੈਲ ਨੂੰ ਈ.ਯੂ. ਛੱਡਣਾ ਹੋਵੇਗਾ। ਬ੍ਰਿਟੇਨ ਦੇ ਸੰਸਦ ਮੈਂਬਰਾਂ ਨੇ ਬ੍ਰੇਕਜਿਟ ਪ੍ਰਕਿਰਿਆ 'ਚ ਵੱਡੀ ਭੂਮਿਕਾ ਨਿਭਾਊਣ ਲਈ ਸੋਮਵਾਰ ਨੂੰ ਵੋਟਿੰਗ ਕੀਤੀ ਸੀ, ਜਿਸ ਨਾਲ ਉਨ੍ਹਾਂ ਨੂੰ ਬ੍ਰੇਕਜਿਟ ਦੇ ਵੱਖ-ਵੱਖ ਵਿਕਲਪਾਂ ਲਈ ਆਪਣੀ ਤਰਜੀਹ ਜ਼ਾਹਿਰ ਕਰਨ ਦਾ ਅਧਿਕਾਰ ਮਿਲ ਗਿਆ ਸੀ।