ਓਂਟਾਇਓ (ਵਿਕਰਮ ਸਹਿਜਪਾਲ) : ਸਿਰਫ਼ ਇਕ ਮਹੀਨੇ ਵਿਚ ਦੂਜੀ ਵਾਰ, ਉੱਤਰ-ਪੱਛਮੀ ਓਂਟਾਇਓ  ਵਿਚ ਪਿਕੰਗਿਕਮ ਫਸਟ ਨੇਸ਼ਨ ਦੇ ਵਾਸੀਆਂ ਨੂੰ ਨੇੜਲੀ ਜੰਗਲੀ ਅੱਗ ਤੋਂ ਧੂੰਏ ਕਾਰਨ ਬਾਹਰ ਕੱਢਣ ਲਈ ਕਿਹਾ ਗਿਆ ਹੈ, ਰਿਮੋਟ ਕਮਿਊਨਿਟੀ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬਜ਼ੁਰਗਾਂ, ਗਰਭਵਤੀ ਔਰਤਾਂ ਅਤੇ ਉਨ੍ਹਾਂ ਦੀ ਸਾਹ ਪ੍ਰਣਾਲੀ ਸਮੱਸਿਆਵਾਂ ਸਮੇਤ ਕਮਜ਼ੋਰ ਨਿਵਾਸੀਆਂ ਨੂੰ ਤੁਰੰਤ ਪਰਿਵਾਰ ਸਮੇਤ ਬਾਹਰ ਭੇਜਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ ਵਿਨੀਪੈਗ ਸੂਬੇ ਵਿੱਚ ਜੰਗਲੀ ਅੱਗ ਦੇ ਧੂੰਏਂ ਨਾਲ ਪ੍ਰਭਾਵਿਤ ਦੋ ਮੈਨੀਟੋਬਾ ਫਸਟ ਨੇਸ਼ਨ ਕਮਿਊਨਿਟੀਆਂ ਨੂੰ ਘਰ ਛੱਡਣ ਲਈ ਮਜਬੂਰ ਹੋਣਾ ਪਿਆ ਹੈ, ਕਈ ਲੋਕਾਂ ਨੂੰ ਵਿਨੀਪੈਗ ਦੇ ਦੂਜੇ ਇਲਾਕੇ ਵਿੱਚ ਲਿਆਉਣ ਦਾ ਕੰਮ ਜਾਰੀ ਹੈ। 

ਕੈਨੇਡੀਅਨ ਰੈੱਡ ਕਰਾਸ ਉਨ੍ਹਾਂ ਦੀ ਮਦਦ ਕਰ ਰਿਹਾ ਹੈ। ਲੋਕ ਹੁਣ ਓਂਟਾਇਓ 'ਚੋ ਘਰ ਛੱਡ ਕੇ ਜਾ ਰਹੇ ਹਨ। ਉਨ੍ਹਾਂ 'ਚੋਂ ਬਹੁਤ ਸਾਰੇ ਸਿਰਫ ਕੁਝ ਹਫ਼ਤੇ ਪਹਿਲਾਂ ਹੀ ਵਾਪਸ ਆਏ ਸਨ। ਓਨਟਾਰੀਓ ਦੇ ਕੁਦਰਤੀ ਸੋਮਿਆਂ ਅਤੇ ਜੰਗਲਾਤ ਮੰਤਰਾਲੇ ਦੀ ਸਭ ਤੋਂ ਤਾਜ਼ੀ ਜਾਣਕਾਰੀ ਅਨੁਸਾਰ ਸਭ ਤੋਂ ਵੱਡਾ ਜੰਗਲੀ ਅੱਗ ਦਾ ਖੇਤਰ ਰੈੱਡ ਲੇਕ 39 ਹੈ, ਜੋ 400 ਤੋਂ ਵੱਧ ਵਰਗ ਕਿਲੋਮੀਟਰ ਵਿੱਚ ਫੈਲਿਆ ਹੋਇਆ ਹੈ। 

ਸਾਬਕਾ ਮੁੱਖੀ ਜੋਏ ਮੇਕੇਸ ਦੇ ਮੁਤਾਬਕ, ਕੇਵੇਯਿਨ ਦੇ ਅੱਧਿਆਂ ਦੇ ਕਰੀਬ 450 ਨਿਵਾਸੀਆਂ ਨੂੰ ਟਿਮਿੰਸ, ਓਨਟਾਰੀਓ ਵਿੱਚ ਸ਼ੁੱਕਰਵਾਰ ਨੂੰ ਬਾਹਰ ਭੇਜਿਆ ਗਿਆ , ਦੂਜੇ ਅੱਧ ਨੂੰ ਸੂਓਨ ਲੁੱਕਆਊਟ ਭੇਜਿਆ ਗਿਆ ਜਿੱਥੇ ਸਥਾਨਕ ਅਧਿਕਾਰੀ ਕਹਿੰਦੇ ਹਨ ਕਿ ਸ਼ਹਿਰ ਸਮਰੱਥਾ ਵਾਲਾ ਹੈ ਹਾਲਾਂਕਿ ਹੁਣ ਤੱਕ ਅੱਗ ਬੁਝਾਉਣ ਵਿੱਚ ਸਫ਼ਲਤਾ ਨਹੀਂ ਮਿਲੀ ਹੈ।