ਅੰਮ੍ਰਿਤਸਰ ,  13 ਜੁਲਾਈ ( NRI MEDIA )

ਭਾਰਤ ਅਤੇ ਪਾਕਿਸਤਾਨ ਵਿੱਚ ਕਰਤਾਰਪੁਰ ਕਾਰੀਡੋਰ ਦੇ ਮੁੱਦੇ ਤੇ ਸਰਗਰਮੀਆਂ ਤੇਜ ਹਨ , ਦੋਵਾਂ ਦੇਸ਼ਾਂ ਵਿਚ ਕੋਰੀਡੋਰ ਨੂੰ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ , ਭਾਰਤ ਨੇ ਆਪਣੀ ਹਿੱਸੇ ਵਿੱਚ ਕੋਰੀਡੋਰ ਦੇ ਕਰੀਬ 60 ਪ੍ਰਤੀਸ਼ਤ ਕੰਮ ਪੂਰਾ ਕੀਤਾ ਹੈ ਓਥੇ ਹੀ  ਪਾਕਿਸਤਾਨ ਨੇ 80 ਫੀਸਦੀ ਕੰਮ ਪੂਰਾ ਕਰਨ ਦਾ ਦਾਅਵਾ ਕੀਤਾ ਹੈ , ਇਸ ਦੌਰਾਨ ਇਸ ਮਾਮਲੇ ਵਿੱਚ ਦੋਵੇਂ ਦੇਸ਼ਾਂ ਵਿੱਚ ਇੱਕ ਮਹੱਤਵਪੂਰਣ ਬੈਠਕ ਹੋਣ ਜਾ ਰਹੀ ਹੈ , ਕਰਤਾਰਪੁਰ ਕਾਰੀਡੋਰ ਤੇ ਬਚੇ ਹੋਏ ਵਿਵਾਦਾਂ ਨੂੰ ਦੂਰ ਕਰਨ ਲਈ ਦੋਵਾਂ ਦੇਸ਼ਾਂ ਦੇ ਅਧਿਕਾਰੀਆਂ ਦੀ ਬੈਠਕ 14 ਜੁਲਾਈ ਨੂੰ ਅਟਾਰੀ ਵਾਗਾ ਬਾਰਡਰ ਸਵੇਰੇ 9.30 ਵਜੇ ਸ਼ੁਰੂ ਹੋਵੇਗੀ |

ਇਹ ਮੀਟਿੰਗ ਦੁਪਹਿਰ 1 ਵਜੇ ਤਕ ਚਲੇਗੀ , ਇਸ ਤੋਂ ਬਾਅਦ ਦੋਵੇਂ ਪੱਖ ਵੱਖ-ਵੱਖ ਕਾਨਫਰੰਸਾਂ ਕਰਨਗੇ , ਇਸ ਮੀਟਿੰਗ ਵਿੱਚ ਭਾਰਤ ਤੋਂ ਸਾਂਝੇ ਸਕੱਤਰ ਐਸਸੀਐਲ ਦਾਸ ਅਤੇ ਦੀਪਕ ਮਿੱਤਲ ਹੋਣਗੇ , ਓਥੇ ਹੀ ਪਾਕਿਸਤਾਨ ਤੋਂ ਦੱਖਣ ਏਸ਼ੀਆ ਸਾਰਕ ਦੇ ਡਾਇਰੈਕਟਰ ਜਨਰਲ ਡਾ. ਮੁਹੱਮਦ ਫੈਜਲ ਸ਼ਮੂਲੀਅਤ ਕਰਨਗੇ , ਇਸ ਗੱਲਬਾਤ ਦੇ ਦੌਰਾਨ ਭਾਰਤ ਪਾਕਿਸਤਾਨ ਦੇ ਸਾਹਮਣੇ ਜ਼ਿਆਦਾ ਸ਼ਰਧਾਲੂਆਂ ਨੂੰ ਆਉਣ ਦੀ ਮੰਜ਼ੂਰੀ ਦੇਣ ਦਾ ਮੁੱਦਾ ਚੁੱਕ ਸਕਦਾ ਹੈ |

ਇਸ ਦੇ ਇਲਾਵਾ ਇੰਫ੍ਰਾਸਟਰਕਚਰ ਅਤੇ ਯਾਤਰੀਆਂ ਦੀ ਸੁਰੱਖਿਆ ਦੇ ਸਵਾਲ ਵੀ ਭਾਰਤ ਚੁਕੇਗਾ , ਇਸ ਗੱਲਬਾਤ ਦੌਰਾਨ ਭਾਰਤ ਖਾਲਿਸਤਾਨ ਦਾ ਮੁੱਦਾ ਵੀ ਪ੍ਰਮੁੱਖਤਾ ਨਾਲ ਚੁਕੇਗਾ , ਪਹਿਲਾਂ ਅਪਰੈਲ ਵਿੱਚ ਵੀ ਭਾਰਤ ਸਰਕਾਰ ਨੇ ਖਾਲਿਸਤਾਨ ਦੇ ਮੁੱਦੇ 'ਤੇ ਇਸ ਗੱਲਬਾਤ ਨੂੰ ਰੱਦ ਕਰ ਦਿੱਤਾ ਸੀ ਕਿਉਂਕਿ ਪਾਕਿਸਤਾਨ ਨੇ ਗੋਪਾਲ ਸਿੰਘ ਚਾਵਲਾ ਵਰਗੇ ਖਾਲਿਸਤਾਨੀ ਨੂੰ ਇਸ ਮਾਮਲੇ ਵਿੱਚ ਸ਼ਾਮਲ ਕੀਤਾ ਸੀ ਜਿਸ ਨੂੰ ਹੁਣ ਹਟਾ ਦਿੱਤਾ ਗਿਆ ਹੈ |