ਲੰਦਨ , 25 ਜੁਲਾਈ ( NRI MEDIA )

ਭਾਰਤੀ ਮੂਲ ਦੇ ਕੰਜ਼ਰਵੇਟਿਵ ਨੇਤਾ ਪ੍ਰੀਤੀ ਪਟੇਲ (47) ਨੂੰ ਬ੍ਰਿਟੇਨ ਦਾ ਨਵਾਂ ਗ੍ਰਹਿ ਮੰਤਰੀ ਬਣਾਇਆ ਗਿਆ ਹੈ , ਪ੍ਰੀਤੀ ਪਟੇਲ ਇਸ ਪਦਵੀ 'ਤੇ ਕਾਬਜ਼ ਹੋਣ ਵਾਲੇ ਭਾਰਤੀ ਮੂਲ ਦੇ ਪਹਿਲੇ ਨਾਗਰਿਕ ਹਨ , ਉਹ ਬ੍ਰੇਕਜਿਟ ਬਾਰੇ ਥੇਰੇਸਾ ਦੀ ਨੀਤੀਆਂ ਦੇ ਮੁਖਰ ਵਿਰੋਧੀ ਸਨ , ਪਹਿਲਾਂ, ਬ੍ਰਿਟਿਸ਼ ਗ੍ਰਹਿ ਮੰਤਰੀ ਪਾਕਿਸਤਾਨੀ ਮੂਲ ਦੇ ਸਾਜਿਦ ਜਾਵੇਦ ਸਨ ਹੁਣ ਉਨ੍ਹਾਂ ਨੂੰ ਹੁਣ ਵਿੱਤ ਮੰਤਰੀ ਬਣਾਇਆ ਗਿਆ ਹੈ |

ਪ੍ਰੀਤੀ ਪਟੇਲ ਨੇ ਕਿਹਾ ਕਿ ਆਪਣੇ ਕਾਰਜਕਾਲ ਦੌਰਾਨ ਮੇਰਾ ਇਹ ਪਹਿਲਾ ਯਤਨ ਹੈ ਕਿ ਸਾਡਾ ਦੇਸ਼ ਅਤੇ ਇਸ ਦੇ ਲੋਕ ਸੁਰੱਖਿਅਤ ਰਹਿਣ , ਉਨ੍ਹਾਂ ਕਿਹਾ ਕਿ ਪਿਛਲੇ ਕੁਝ ਸਮੇਂ ਤੋਂ ਸੜਕਾਂ 'ਤੇ ਹਿੰਸਾ ਹੋਈ ਹੈ, ਅਸੀਂ ਇਸ ਨੂੰ ਰੋਕ ਵੀ ਸਕਦੇ ਹਾਂ , ਸਾਡੇ ਸਾਹਮਣੇ ਕੁਝ ਚੁਣੌਤੀਆਂ ਹਨ, ਪਰ ਅਸੀਂ ਇਸ ਨਾਲ ਨਜਿੱਠਾਂਗੇ , "ਦਫਤਰ ਵਿੱਚ ਔਹਦਾ ਸੰਭਾਲਣ ਤੋਂ ਕੁਝ ਘੰਟੇ ਪਹਿਲਾਂ ਪ੍ਰੀਤੀ ਪਟੇਲ ਨੇ ਕਿਹਾ ਸੀ ਕਿ ਇਹ ਜ਼ਰੂਰੀ ਹੈ ਕਿ ਕੈਬਨਿਟ ਨਾ ਸਿਰਫ ਨਵੇਂ ਬਰਤਾਨੀਆ ਸਗੋਂ ਨਵੀਂ ਕੰਜ਼ਰਵੇਟਿਵ ਪਾਰਟੀ ਦੀ ਅਗਵਾਈ ਕਰੇ |

ਕੰਜ਼ਰਵੇਟਿਵ ਪਾਰਟੀ ਵਿਚ ਥੇਰੇਸਾ ਨੂੰ ਹਟਾਉਣ ਅਤੇ ਬੋਰਿਸ ਜੌਨਸਨ ਨੂੰ ਪ੍ਰਧਾਨ ਮੰਤਰੀ ਬਣਾਉਣ ਲਈ ਪ੍ਰੀਤੀ ਪਟੇਲ 'ਬੈਕ ਬੋਰਿਸ ' ਮੁਹਿੰਮ ਦਾ ਪ੍ਰਮੁੱਖ ਹਿੱਸਾ ਸਨ , ਜਾਨਸਨ ਦੇ ਪ੍ਰਧਾਨ ਮੰਤਰੀ ਬਣਨ ਤੋਂ ਬਾਅਦ, ਉਨ੍ਹਾਂ ਨੂੰ ਮਹੱਤਵਪੂਰਨ ਜ਼ਿੰਮੇਵਾਰੀ ਦਿੱਤੀ ਗਈ ਹੈ , ਪ੍ਰੀਤੀ ਪਟੇਲ ਲੰਬੇ ਸਮੇਂ ਤੋਂ ਬਰਤਾਨੀਆ ਦੇ ਯੂਰਪੀ ਯੂਨੀਅਨ (ਈਯੂ) ਤੋਂ ਬਾਹਰ ਜਾਣ ਦੇ ਹੱਕ ਵਿੱਚ ਰਹੇ ਹਨ , ਇਸਦੇ ਲਈ, ਉਸਨੇ ਜੂਨ 2016 ਵਿੱਚ 'ਵੋਟ ਲੀਵ ' ਮੁਹਿੰਮ ਵੀ ਸ਼ੁਰੂ ਕੀਤੀ ਸੀ |

ਪ੍ਰੀਤੀ ਪਟੇਲ 2010 ਵਿਚ ਏਸੇਕਸ ਤੋਂ ਪਹਿਲੀ ਵਾਰ ਕੰਜ਼ਰਵੇਟਿਵ ਐਮਪੀ ਬਣੇ ਸਨ , ਡੇਵਿਡ ਕੈਮਰੌਨ ਦੀ ਅਗਵਾਈ ਵਾਲੀ ਸਰਕਾਰ ਵਿਚ ਉਨ੍ਹਾਂ ਨੂੰ ਭਾਰਤੀ ਭਾਈਚਾਰੇ ਨਾਲ ਜੁੜੀ ਜ਼ਿੰਮੇਵਾਰੀ ਮਿਲੀ ਸੀ , 2014 ਵਿਚ ਖਜ਼ਾਨਾ ਮੰਤਰੀ (ਜੂਨੀਅਰ ਪ੍ਰਸ਼ਾਸਕੀ ਪੋਸਟ) ਅਤੇ 2015 ਵਿਚ ਰੋਜ਼ਗਾਰ ਮੰਤਰੀ ਬਣਾਇਆ ਗਿਆ ਸੀ , ਥੇਰੇਸਾ ਨੇ ਉਨ੍ਹਾਂ ਨੂੰ 2016 ਵਿਚ ਉਨ੍ਹਾਂ ਨੂੰ ਤਰੱਕੀ ਦਿੱਤੀ ਸੀ |