ਜਕਾਰਤਾ , 03 ਜਨਵਰੀ ( NRI MEDIA )

ਇੰਡੋਨੇਸ਼ੀਆ ਦੀ ਆਪਦਾ ਨਿਵਾਰਣ ਏਜੰਸੀ (ਬੀਐਨਪੀਬੀ) ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਅਤੇ ਇਸ ਦੇ ਨੇੜਲੇ ਇਲਾਕਿਆਂ ਵਿਚ ਆਏ ਹੜ੍ਹਾਂ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 43 ਹੋ ਗਈ ਹੈ ਅਤੇ 390,000 ਤੋਂ ਵੱਧ ਲੋਕ ਬੇਘਰ ਹੋ ਗਏ ਹਨ , ਏਜੰਸੀ ਨੇ ਕਿਹਾ ਕਿ ਇਹ ਮੌਤਾਂ ਡੁੱਬਣ, ਹਾਈਪੋਥਰਮਿਆ, ਕਰੰਟ ਲੱਗਣ ਅਤੇ ਜਮੀਨ ਖਿਸਕਣ ਕਾਰਨ ਹੋਈਆਂ , ਇਸ ਤੋਂ ਇਲਾਵਾ ਬਹੁਤ ਸਾਰੇ ਲੋਕ ਗੁਮਸ਼ੁਦਾ ਵੀ ਦੱਸੇ ਜਾ ਰਹੇ ਹਨ , ਆਪਦਾ ਏਜੰਸੀ ਨੇ ਕਿਹਾ ਕਿ ਮ੍ਰਿਤਕਾਂ ਦੀ ਗਿਣਤੀ ਵਧ ਸਕਦੀ ਹੈ।

ਨਵੇਂ ਸਾਲ ਦੀ ਸ਼ੁਰੂਆਤ ਤੋਂ ਬਾਅਦ ਰਾਜਧਾਨੀ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿਚ ਪਈ ਮੁਸੀਬਤ ਦੇ ਮੀਹ ਨੇ ਜਨਤਕ ਆਵਾਜਾਈ ਪ੍ਰਣਾਲੀ ਨੂੰ ਵੀ ਵਿਗਾੜ ਦਿੱਤਾ ਹੈ ,ਇੰਡੋਨੇਸ਼ੀਆ ਦੀ ਮੌਸਮ ਵਿਗਿਆਨ, ਜਲਵਾਯੂ ਅਤੇ ਭੂ-ਭੌਤਿਕ ਵਿਗਿਆਨ ਏਜੰਸੀ ਦਾ ਅਨੁਮਾਨ ਹੈ ਕਿ ਜਕਾਰਤਾ ਵਿੱਚ ਸ਼ਨੀਵਾਰ ਤੱਕ ਭਾਰੀ ਬਾਰਸ਼ ਜਾਰੀ ਰਹਿ ਸਕਦੀ ਹੈ।

ਬਿਜਲੀ ਸਪਲਾਈ ਬੰਦ ਹੋ ਗਈ

ਇੰਡੋਨੇਸ਼ੀਆ ਦੇ ਬਿਜਲੀ ਵਿਭਾਗ ਨੇ ਕਿਹਾ ਕਿ ਜਕਾਰਤਾ ਦੇ ਸੈਂਕੜੇ ਜ਼ਿਲ੍ਹਿਆਂ ਵਿੱਚ ਬਿਜਲੀ ਸਪਲਾਈ ਬੰਦ ਕਰ ਦਿੱਤੀ ਗਈ ਹੈ , ਇੱਥੇ ਲਗਭਗ 3 ਕਰੋੜ ਲੋਕ ਰਹਿੰਦੇ ਹਨ , ਜਕਾਰਤਾ ਦੇ ਹਲੀਮ ਏਅਰਪੋਰਟ ਦਾ ਰਨਵੇ ਹੜ੍ਹ ਕਾਰਨ ਅਸਥਾਈ ਤੌਰ 'ਤੇ ਬੰਦ ਹੋ ਗਿਆ ਹੈ , ਉਡਾਣਾਂ ਰਾਜਧਾਨੀ ਦੇ ਵੱਡੇ ਸੋਇਕਾਰਨੋ ਹਵਾਈ ਅੱਡੇ ਤੋਂ ਚਲਾਈਆਂ ਜਾ ਰਹੀਆਂ ਹਨ , ਹਰ ਕਿਸੇ ਨੂੰ ਹਾਈ ਅਲਰਟ ਤੇ ਰੱਖਿਆ ਗਿਆ ਹੈ |

ਜਕਾਰਤਾ ਅਤੇ ਇਸ ਦੇ ਆਸ ਪਾਸ ਦੇ ਖੇਤਰ 30 ਮਿਲੀਅਨ ਤੋਂ ਵੱਧ ਲੋਕਾਂ ਦਾ ਘਰ ਹਨ ,  2007 ਵਿਚ, ਉਨ੍ਹਾਂ ਇਲਾਕਿਆਂ ਵਿਚ ਅਜਿਹੇ ਵੱਡੇ ਪੱਧਰ 'ਤੇ ਆਏ ਹੜ੍ਹਾਂ ਵਿਚ ਘੱਟੋ ਘੱਟ 80 ਲੋਕ ਮਾਰੇ ਗਏ ਸਨ ਅਤੇ ਲਗਭਗ 320,000 ਹੋਰ ਲੋਕ ਬੇਘਰ ਹੋਏ ਸਨ |