ਮੁੰਬਈ (Nri Medial) : ਭਾਰਤ ਨੇ ਸ਼ਾਨਦਾਰ ਖੇਡ ਦਿਖਾਉਂਦੇ ਹੋਏ ਤੀਜੇ ਟੀ-20 ਵਿੱਚ ਸ੍ਰੀਲੰਕਾ ਨੂੰ 78 ਦੌੜਾਂ ਨਾਲ ਹਰਾਇਆ। ਭਾਰਤੀ ਟੀਮ ਨੇ ਸੀਰੀਜ਼ ਨੂੰ 2-0 ਨਾਲ ਆਪਣੇ ਨਾਂਅ ਕਰ ਲਈ ਹੈ। ਭਾਰਤ ਲਈ ਸੈਣੀ ਨੇ ਸਭ ਤੋਂ ਵੱਧ 3 ਵਿਕਟਾਂ ਹਾਸਲ ਕੀਤੀਆਂ। ਇਸ ਤੋਂ ਪਹਿਲਾਂ ਭਾਰਤੀ ਕ੍ਰਿਕਟ ਟੀਮ ਨੇ ਸ਼੍ਰੀਲੰਕਾ ਦੇ ਸਾਹਮਣੇ 202 ਦੌੜਾਂ ਦਾ ਟੀਚਾ ਰੱਖਿਆ। ਟਾਸ ਹਾਰਨ ਤੋਂ ਬਾਅਦ ਬੱਲੇਬਾਜ਼ੀ ਕਰਦਿਆਂ ਭਾਰਤੀ ਟੀਮ ਦੇ ਲੋਕੇਸ਼ ਰਾਹੁਲ (54) ਅਤੇ ਸ਼ਿਖਰ ਧਵਨ (52) ਵਿਚਾਲੇ ਪਹਿਲੀ ਵਿਕਟ ਲਈ 97 ਦੌੜਾਂ ਦੀ ਸਾਂਝੇਦਾਰੀ ਤੋਂ ਬਾਅਦ ਆਖਰੀ ਮਿੰਟ 'ਤੇ ਮਨੀਸ਼ ਪਾਂਡੇ (ਨਾਬਾਦ 31) ਅਤੇ ਸ਼ਰਦੂਲ ਠਾਕੁਰ (ਨਾਬਾਦ 22) ਦੀ ਤੂਫਾਨੀ ਪਾਰੀ ਦੇ ਚਲਦੇ 20 ਓਵਰਾਂ ਵਿੱਚ 6 ਵਿਕਟਾਂ 'ਤੇ 201 ਦੌੜਾਂ ਬਣਾਈਆਂ। 

ਭਾਰਤ ਦਾ ਪਹਿਲਾ ਵਿਕਟ ਧਵਨ ਦੇ ਰੂਪ 'ਚ 97 ਦੌੜਾਂ 'ਤੇ ਡਿੱਗਿਆ। ਧਵਨ ਨੇ 36 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 7 ਚੌਕੇ ਅਤੇ 1 ਛੱਕਾ ਮਾਰਿਆ।ਇਸ ਤੋਂ ਬਾਅਦ ਸੰਜੂ ਸੈਮਸਨ ਨੂੰ ਬੱਲੇਬਾਜ਼ੀ ਲਈ ਭੇਜਿਆ ਗਿਆ। ਸੈਮਸਨ ਨੇ ਆਉਂਦੇ ਹੀ ਛੱਕੇ ਲਗਾ ਕੇ ਉਦਘਾਟਨ ਕੀਤਾ, ਪਰ ਦੋ ਗੇਂਦਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਉਹ 6 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਇਸ ਤੋਂ ਬਾਅਦ ਰਾਹੁਲ ਦਾ ਵਿਕਟ ਡਿੱਗਿਆ। ਰਾਹੁਲ ਨੇ 36 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 5 ਚੌਕੇ ਅਤੇ 1 ਛੱਕਾ ਲਗਾਇਆ। ਰਾਹੁਲ ਦਾ ਵਿਕਟ ਕੁੱਲ 118 'ਤੇ ਡਿੱਗ ਗਿਆ।

ਇਸ ਤੋਂ ਬਾਅਦ ਆਏ ਸ਼੍ਰੇਅਸ ਅਈਅਰ ਜ਼ਿਆਦਾ ਦੇਰ ਵਿਕਟ 'ਤੇ ਟਿਕ ਨਹੀਂ ਸਕੇ ਅਤੇ 4 ਗੇਂਦਾਂ ਦੇ ਸਿੰਗਲ ਦਾ ਸਾਹਮਣਾ ਕਰਨ ਤੋਂ ਬਾਅਦ ਉਹ ਕੁਲ 122 ਦੌੜਾਂ 'ਤੇ ਆਉਟ ਹੋ ਗਏ। ਧਵਨ, ਰਾਹੁਲ ਅਤੇ ਅਈਅਰ ਦੀਆਂ ਵਿਕਟਾਂ ਲਕਸ਼ਨ ਸੰਦਾਕਨ ਨੇ ਲਈਆਂ ਜਦਕਿ ਸੈਮਸਨ ਨੂੰ ਵਨੀਂਦੂ ਹਸਰੰਗਾ ਨੇ ਆਉਟ ਕੀਤਾ।ਇਸ ਤੋਂ ਬਾਅਦ ਪਾਂਡੇ ਅਤੇ ਸ਼ਾਰਦੁਲ ਨੇ ਟੀਮ ਨੂੰ ਕੋਈ ਹੋਰ ਨੁਕਸਾਨ ਨਹੀਂ ਹੋਣ ਦਿੱਤਾ। ਦੋਵਾਂ ਨੇ 14 ਗੇਂਦਾਂ ਵਿੱਚ 37 ਦੌੜਾਂ ਜੋੜੀਆਂ। ਪਾਂਡੇ 18 ਗੇਂਦਾਂ ਵਿੱਚ 4 ਚੌਕਿਆਂ ਦੀ ਮਦਦ ਨਾਲ ਅਜੇਤੂ ਪਰਤਿਆ ਜਦੋਂਕਿ ਸ਼ਾਰਦੁਲ ਨੇ 8 ਗੇਂਦਾਂ ਦੀ ਤੂਫਾਨੀ ਪਾਰੀ ਵਿੱਚ ਇੱਕ ਚੌਕਾ ਅਤੇ 2 ਛੱਕੇ ਜੜੇ। ਸ੍ਰੀਲੰਕਾ ਵੱਲੋਂ ਸੰਦਾਕਨ ਅਤੇ ਵਾਨਿੰਦੂ ਤੋਂ ਇਲਾਵਾ ਲਾਹਿਰੂ ਕੁਮਾਰਾ ਇੱਕ-ਇੱਕ ਸਫਲਤਾ ਹਾਸਲ ਕੀਤੀ।