ਸਨੇਵਾਲ ਕੁਹਾੜਾ (ਰਾਘਵ) : ਥਾਣਾ ਸਾਹਨੇਵਾਲ ਦੇ ਖੇਤਰ 'ਚ ਅੱਜ ਸਵੇਰੇ ਤਿੰਨ ਨਕਾਬਪੋਸ਼ ਲੁਟੇਰੇ ਇਕ ਫੈਕਟਰੀ ਦੇ ਡਿਪਟੀ ਮੈਨੇਜਰ ਨੂੰ ਬੰਦੂਕ ਦੀ ਨੋਕ 'ਤੇ ਲੁੱਟ ਕੇ ਫਰਾਰ ਹੋ ਗਏ। ਡਿਪਟੀ ਬੈਂਕ ਮੈਨੇਜਰ ਨੇ ਦੱਸਿਆ ਕਿ ਉਹ ਇੱਕ ਨਿੱਜੀ ਫੈਕਟਰੀ ਵਿੱਚ ਡਿਪਟੀ ਮੈਨੇਜਰ ਹੈ, ਜਦੋਂ ਉਹ ਸਵੇਰੇ ਕਰੀਬ 6.30 ਵਜੇ ਆਪਣੀ ਫੈਕਟਰੀ ਜਾ ਰਿਹਾ ਸੀ ਤਾਂ ਪਿੰਡ ਉਮੇਦਪੁਰ ਨੇੜੇ ਡੇਹਲੋ ਰੋਡ ’ਤੇ ਤਿੰਨ ਮੋਟਰਸਾਈਕਲ ਸਵਾਰਾਂ ਨੇ ਉਸ ਨੂੰ ਹੱਥੋਪਾਈ ਦੇ ਕੇ ਰੋਕ ਲਿਆ। ਉਨ੍ਹਾਂ ਵਿੱਚੋਂ ਇੱਕ ਨੇ ਉਸ ਵੱਲ ਪਿਸਤੌਲ ਤਾਣ ਲਈ। ਜਦੋਂ ਉਹ ਕਾਰ 'ਚੋਂ ਬਾਹਰ ਆਇਆ ਤਾਂ ਲੁਟੇਰਿਆਂ ਨੇ ਹਵਾ 'ਚ ਫਾਇਰਿੰਗ ਕੀਤੀ ਅਤੇ ਕਾਰ ਲੈ ਕੇ ਫ਼ਰਾਰ ਹੋ ਗਏ।