ਓਂਟਾਰੀਓ ਡੈਸਕ (ਵਿਕਰਮ ਸਹਿਜਪਾਲ) : ਉੱਤਰੀ ਮੈਕਸਿਕੋ ਵਿੱਚ ਲਾਸ ਵੇਗਸ ਤੋਂ ਮਾਂਟੇਰੇ ਜਾ ਰਹੇ ਇੱਕ ਨਿੱਜੀ ਜਹਾਜ਼ ਦਾ ਮਲਬਾ ਸੋਮਵਾਰ ਨੂੰ ਬਰਾਮਦ ਹੋਇਆ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਇਹ ਜਹਾਜ਼ ਕੁੱਝ ਸਮੇਂ ਪਹਿਲਾਂ ਲਾਪਤਾ ਹੋਇਆ ਸੀ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਇਸ ਵਿੱਚ 14 ਲੋਕ ਸਵਾਰ ਸਨ। ਹਵਾਈ ਆਵਾਜਾਈ ਨਿਯੰਤਰਕਾਂ ਨੇ ਕਿਹਾ ਕਿ ਬੋਮਬਾਡਿਅਰ ਚੈਲੇਂਜਰ 601 ਜਹਾਜ਼ ਦਾ ਐਤਵਾਰ ਸ਼ਾਮ ਨੂੰ ਸੰਪਰਕ ਟੁੱਟ ਗਿਆ ਸੀ ਜਦ ਉਹ ਉੱਤਰੀ ਮੈਕਸਿਕੋ ਦੇ ਕੋਆਹਿਲਾ ਸੂਬੇ ਦੇ ਉਪਰੋਂ ਉੱੜਦੇ ਹੋਏ ਅਚਾਨਕ ਬਹੁਤ ਉੱਚਾ ਚਲਾ ਗਿਆ।

ਇਲਾਕੇ ਦਾ ਹਵਾਈ ਜਾਇਜ਼ਾ ਲੈ ਰਹੇ ਅਧਿਕਾਰੀਆਂ ਨੂੰ ਸੋਮਵਾਰ ਨੂੰ ਇੱਕ ਜਹਾਜ਼ ਦਾ ਮਲਬਾ ਮਿਲਿਆ ਜੋ ਲਾਪਤਾ ਹੋਏ ਜਹਾਜ਼ ਨਾਲ ਮੇਲ ਖਾ ਰਿਹਾ ਸੀ। ਕੋਆਹਿਲਾ ਵਿੱਚ ਮੋਨਕਲੋਵਾ ਕੌਮਾਂਤਰੀ ਹਵਾਈ ਅੱਡੇ ਦੇ ਮੁਖੀ ਨੇ ਕਿਹਾ, "ਹਰ ਚੀਜ਼ ਤੋਂ ਲੱਗਦਾ ਹੈ ਕਿ ਇਹ ਉਹੀ ਜਹਾਜ਼ ਹੈ" ਜੋ ਲਾਪਤਾ ਹੋ ਗਿਆ ਸੀ।ਜਾਣਕਾਰੀ ਮੁਤਾਬਕ ਜਹਾਜ਼ ਵਿੱਚ ਉਸ ਸਮੇਂ 11 ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਸਵਾਰ ਸਨ। ਅਸੀਂ ਆਪਾਤ ਕਰਮਚਾਰੀਆਂ ਦਾ ਮੌਕੇ 'ਤੇ ਪਹੁੰਚਣ ਦਾ ਇੰਤਜਾਰ ਕਰ ਰਹੇ ਹਾਂ ਤਾਂ ਜੋ ਜਹਾਜ਼ ਦੇ ਪੰਜੀਕਰਣ ਨੰਬਰ ਦੀ ਪੁਸ਼ਟੀ ਹੋ ਸਕੇ।