ਵਾਸ਼ਿੰਗਟਨ (ਐਨ.ਆਰ.ਆਈ. ਮੀਡਿਆ) : ਕਾਂਗਰਸ ਆਗੂ ਰਾਹੁਲ ਗਾਂਧੀ ਵਿੱਚ ਇੱਕ 'ਘਬਰਾਏ ਹੋਏ ਅਤੇ ਪਿਛੜੀ ਸੋਚ' ਦੇ ਵਿਦਿਆਰਥੀ ਵਾਲੇ ਗੁਣ ਹਨ ਜੋ ਆਪਣੇ ਅਧਿਆਪਕ ਨੂੰ ਪ੍ਰਭਾਵਤ ਕਰਨਾ ਚਾਹੁੰਦੇ ਹਨ ਪਰ 'ਵਿਸ਼ੇ' ਤੇ ਮੁਹਾਰਤ ਹਾਸਲ ਕਰਨ ਦੀ ਯੋਗਤਾ ਅਤੇ ਜਨੂੰਨ ਦੀ ਘਾਟ ਹੈ ਇਹ ਕਹਿਣਾ ਹੈ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦਾ। ਨਿਊਯਾਰਕ ਟਾਈਮਜ਼ ਨੇ ਓਬਾਮਾ ਦੀ ਕਿਤਾਬ 'ਦਿ ਪਰਾਮਿਸਡ ਲੈਂਡ' ਦੀ ਸਮੀਖਿਆ ਕੀਤੀ ਹੈ।

ਇਸ ਵਿੱਚ ਸਾਬਕਾ ਰਾਸ਼ਟਰਪਤੀ ਨੇ ਪੂਰੀ ਦੁਨੀਆ ਦੇ ਸਿਆਸੀ ਆਗੂਆਂ ਤੋਂ ਇਲਾਵਾ ਹੋਰਨਾਂ ਵਿਸ਼ਿਆਂ 'ਤੇ ਵੀ ਗੱਲਬਾਤ ਕੀਤੀ ਹੈ। ਨਿਊਯਾਰਕ ਟਾਈਮਜ਼ ਵਿੱਚ ਪ੍ਰਕਾਸ਼ਿਤ ਇੱਕ ਸਮੀਖਿਆ ਦੇ ਅਨੁਸਾਰ ਓਬਾਮਾ ਰਾਹੁਲ ਗਾਂਧੀ ਬਾਰੇ ਕਹਿੰਦੇ ਹਨ ਕਿ ਉਸ ਵਿੱਚ ਅਜਿਹੇ ਘਬਰਾਏ ਅਤੇ ਪਿਛੜੀ ਸੋਚ' ਦੇ ਵਿਦਿਆਰਥੀ ਦੇ ਗੁਣ ਹਨ, ਜਿਸ ਨੇ ਆਪਣਾ ਪਾਠ ਪੂਰਾ ਕਰ ਲਿਆ ਹੈ ਅਤੇ ਆਪਣੇ ਅਧਿਆਪਕ ਨੂੰ ਪ੍ਰਭਾਵਤ ਕਰਨਾ ਚਾਹੁੰਦਾ ਹੈ ਪਰ ਉਸ ਕੋਲ 'ਵਿਸ਼ੇ ਨੂੰ ਮੁਹਾਰਤ ਹਾਸਲ ਕਰਨ' ਦੀ ਯੋਗਤਾ ਜਾਂ ਜਨੂੰਨ ਦੀ ਘਾਟ ਹੈ।ਓਬਾਮਾ ਨੇ ਰਾਹੁਲ ਦੀ ਮਾਂ ਅਤੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਦਾ ਵੀ ਜ਼ਿਕਰ ਕੀਤਾ।

ਸਮੀਖਿਆ ਵਿੱਚ ਕਿਹਾ ਗਿਆ ਹੈ, "ਸਾਨੂੰ ਚਾਰਲੀ ਕ੍ਰਿਸਟ ਅਤੇ ਰਹਿਮ ਇਮੈਨੁਅਲ ਵਰਗੇ ਆਦਮੀਆਂ ਦੇ ਹੱਥਾਂ ਬਾਰੇ ਦੱਸਿਆ ਗਿਆ ਹੈ ਪਰ ਔਰਤਾਂ ਦੀ ਸੁੰਦਰਤਾ ਬਾਰੇ ਨਹੀਂ।" ਸਿਰਫ ਇੱਕ ਜਾਂ ਦੋ ਉਦਾਹਰਣਾਂ ਹੀ ਅਪਵਾਦ ਹਨ ਜਿਵੇਂ ਸੋਨੀਆ ਗਾਂਧੀ।ਸਮੀਖਿਆ ਵਿੱਚ ਇਹ ਕਿਹਾ ਗਿਆ ਹੈ ਕਿ ਦੋਵੇਂ ਸਾਬਕਾ ਅਮਰੀਕੀ ਰੱਖਿਆ ਮੰਤਰੀ ਬੌਬ ਗੇਟਸ ਅਤੇ ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਬਿਲਕੁਲ ਨਿਰਦੋਸ਼, ਸੱਚੇ ਤੇ ਇਮਾਨਦਾਰ ਹਨ।