ਕੰਬੋਡੀਆ (ਪਾਇਲ): ਕੰਬੋਡੀਆ 'ਚ ਇਕ ਯਾਤਰੀ ਬੱਸ ਪੁਲ ਤੋਂ ਨਦੀ 'ਚ ਡਿੱਗ ਗਈ। ਇਸ ਹਾਦਸੇ 'ਚ ਘੱਟੋ-ਘੱਟ 16 ਲੋਕਾਂ ਦੀ ਮੌਤ ਹੋ ਗਈ ਅਤੇ ਦੋ ਦਰਜਨ ਤੋਂ ਵੱਧ ਜ਼ਖਮੀ ਹੋ ਗਏ। ਪੁਲਿਸ ਅਧਿਕਾਰੀ ਸਿਵ ਸੋਵੰਨਾ ਨੇ ਐਸੋਸੀਏਟਡ ਪ੍ਰੈਸ ਨੂੰ ਫ਼ੋਨ ਰਾਹੀਂ ਦੱਸਿਆ ਕਿ ਬੱਸ ਸਿਏਮ ਰੀਪ ਤੋਂ ਫਨੋਮ ਪੇਨ ਵੱਲ ਜਾ ਰਹੀ ਸੀ, ਜਿੱਥੇ ਮਸ਼ਹੂਰ ਅੰਗਕੋਰ ਵਾਟ ਮੰਦਿਰ ਸਥਿਤ ਹੈ। ਇਹ ਹਾਦਸਾ ਵੀਰਵਾਰ ਸਵੇਰੇ ਕੇਂਦਰੀ ਸੂਬੇ ਦੇ ਕੰਪੋਂਗ ਥੌਮ ਵਿੱਚ ਵਾਪਰਿਆ।

ਜਿਸ ਦੌਰਾਨ ਸੋਵੰਨਾ ਨੇ ਕਿਹਾ ਕਿ ਵੀਰਵਾਰ ਰਾਤ ਨੂੰ ਬਚਾਅ ਕਰਮਚਾਰੀਆਂ ਵੱਲੋਂ ਖੋਜ ਪੂਰੀ ਕਰਨ ਤੋਂ ਬਾਅਦ ਮਰਨ ਵਾਲਿਆਂ ਦੀ ਗਿਣਤੀ 13 ਤੋਂ ਵਧ ਕੇ 16 ਹੋ ਗਈ। ਉਸਨੇ ਕਿਹਾ ਕਿ ਸ਼ੁਰੂਆਤੀ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਡਰਾਈਵਰ ਰਾਤ ਨੂੰ ਸੀਮ ਰੀਪ ਤੋਂ ਰਵਾਨਾ ਹੋਣ ਤੋਂ ਬਾਅਦ ਬੇਹੋਸ਼ ਦਵਾਈ ਦੇ ਪ੍ਰਭਾਵ ਹੇਠ ਸੀ। ਆਮ ਤੌਰ 'ਤੇ ਇਸ ਯਾਤਰਾ ਨੂੰ ਸਾਢੇ ਪੰਜ ਘੰਟੇ ਲੱਗਦੇ ਹਨ। ਉਨ੍ਹਾਂ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਮਰਨ ਵਾਲਿਆਂ ਵਿੱਚ ਡਰਾਈਵਰ ਵੀ ਸ਼ਾਮਲ ਹੈ ਜਾਂ ਨਹੀਂ।

ਜਿਸ ਸੰਬੰਧ 'ਚ ਪ੍ਰਸ਼ਾਸ਼ਨ ਨੇ ਦੱਸਿਆ ਕਿ ਬੱਸ 'ਚ ਲਗਭਗ 40 ਯਾਤਰੀ ਸਵਾਰ ਸਨ ਅਤੇ ਸਾਰੇ ਕੰਬੋਡੀਆ ਦੇ ਨਾਗਰਿਕ ਸਨ। ਲੋਕ ਨਿਰਮਾਣ ਅਤੇ ਆਵਾਜਾਈ ਮੰਤਰਾਲੇ ਦੇ ਅਨੁਸਾਰ, 2024 ਵਿੱਚ ਕੰਬੋਡੀਆ ਵਿੱਚ ਸੜਕ ਹਾਦਸਿਆਂ ਵਿੱਚ 1,509 ਲੋਕਾਂ ਦੀ ਮੌਤ ਹੋਈ, ਜਦੋਂ ਕਿ 2025 ਦੇ ਪਹਿਲੇ ਨੌਂ ਮਹੀਨਿਆਂ ਵਿੱਚ ਸੜਕ ਹਾਦਸਿਆਂ ਵਿੱਚ 1,062 ਲੋਕ ਮਾਰੇ ਗਏ।