ਪੱਤਰ ਪ੍ਰੇਰਕ : ਜੇਕਰ ਤੁਸੀਂ ਵੀ ਆਨਲਾਈਨ ਸ਼ਾਪਿੰਗ ਕਰਦੇ ਹੋ ਤਾਂ ਸਾਵਧਾਨ ਹੋ ਜਾਓ। ਆਨਲਾਈਨ ਖਰੀਦਦਾਰੀ ਇੱਕ ਗਾਹਕ ਲਈ ਮਹਿੰਗੀ ਸਾਬਤ ਹੋਈ ਹੈ। ਦਰਅਸਲ, ਇੱਕ ਯੂਜ਼ਰ ਨੇ ਲੱਖਾਂ ਰੁਪਏ ਦਾ ਟੀਵੀ ਆਰਡਰ ਕੀਤਾ ਸੀ ਅਤੇ ਜਦੋਂ ਉਸਨੂੰ ਆਰਡਰ ਮਿਲਿਆ ਤਾਂ ਉਹ ਹੈਰਾਨ ਰਹਿ ਗਿਆ।

ਪੀੜਤ ਨੇ ਸੋਨੀ ਬ੍ਰਾਂਡ ਦਾ ਟੀਵੀ ਆਰਡਰ ਕੀਤਾ ਸੀ ਪਰ ਡਿਲੀਵਰੀ ਹੋਣ 'ਤੇ ਉਸ ਨੂੰ ਕਿਸੇ ਹੋਰ ਬ੍ਰਾਂਡ ਦਾ ਟੀਵੀ ਮਿਲਿਆ। ਦਿਲਚਸਪ ਗੱਲ ਇਹ ਹੈ ਕਿ ਗਾਹਕ ਨੂੰ ਦਿੱਤਾ ਗਿਆ ਬਾਕਸ ਸਿਰਫ ਸੋਨੀ ਦਾ ਸੀ, ਪਰ ਅੰਦਰ ਟੀਵੀ ਕਿਸੇ ਹੋਰ ਬ੍ਰਾਂਡ ਦਾ ਸੀ। ਯੂਜ਼ਰ ਨੇ ਇਹ ਜਾਣਕਾਰੀ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਸ਼ੇਅਰ ਕੀਤੀ ਹੈ ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਪੋਸਟ ਮੁਤਾਬਕ ਪੀੜਤ ਆਰੀਅਨ ਨੇ ਫਲਿੱਪਕਾਰਟ ਬਿਗ ਬਿਲੀਅਨ ਸੇਲ ਤੋਂ 1 ਲੱਖ ਰੁਪਏ ਦਾ ਸੋਨੀ ਟੀਵੀ ਆਰਡਰ ਕੀਤਾ ਸੀ। ਉਹ ਆਪਣੇ ਉਤਪਾਦ ਦੀ ਡਿਲੀਵਰੀ ਹੋਣ ਦੀ ਉਡੀਕ ਕਰ ਰਿਹਾ ਸੀ, ਜਿਸ 'ਤੇ ਉਹ ਆਈਸੀਸੀ ਵਿਸ਼ਵ ਕੱਪ 2023 ਦੇਖਣ ਦੀ ਯੋਜਨਾ ਬਣਾ ਰਿਹਾ ਸੀ। ਹਾਲਾਂਕਿ ਜਦੋਂ ਉਸ ਨੇ ਡਿਲੀਵਰੀ ਬਾਕਸ ਖੋਲ੍ਹਿਆ ਤਾਂ ਉਹ ਹੈਰਾਨ ਰਹਿ ਗਿਆ।

ਆਰੀਅਨ ਨੇ ਬਾਕਸ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਉਸ ਨੇ ਦੱਸਿਆ ਕਿ ਉਸ ਨੇ ਇਸ ਸਮੱਸਿਆ ਬਾਰੇ ਤੁਰੰਤ ਫਲਿੱਪਕਾਰਟ ਕਸਟਮਰ ਕੇਅਰ ਨੂੰ ਸੂਚਿਤ ਕੀਤਾ, ਪਰ ਦੋ ਹਫ਼ਤੇ ਬਾਅਦ ਵੀ ਉਨ੍ਹਾਂ ਨੇ ਇਸ ਦਾ ਹੱਲ ਨਹੀਂ ਕੀਤਾ ਗਿਆ। ਪੀੜਤ ਨੇ ਦੱਸਿਆ ਕਿ ਕਈ ਵਾਰ ਫੋਟੋ ਅਪਲੋਡ ਕਰਨ ਤੋਂ ਬਾਅਦ ਵੀ ਕੰਪਨੀ ਨੇ ਵਾਪਸੀ ਦੀ ਬੇਨਤੀ 'ਤੇ ਕਾਰਵਾਈ ਨਹੀਂ ਕੀਤੀ। ਪੋਸਟ ਦੇ ਵਾਇਰਲ ਹੋਣ ਤੋਂ ਬਾਅਦ, Flipkart ਨੇ X 'ਤੇ ਉਪਭੋਗਤਾ ਨੂੰ ਜਵਾਬ ਦਿੱਤਾ. ਜਿਸ 'ਚ ਕੰਪਨੀ ਐਗਜ਼ੀਕਿਊਟਿਵ ਨੇ ਮੁਆਫੀ ਮੰਗੀ ਅਤੇ ਸਮੱਸਿਆ ਦਾ ਜਲਦ ਹੱਲ ਕਰਨ ਲਈ ਕਿਹਾ।