ਚੰਡੀਗੜ੍ਹ GMCH-32 ਦੇ ਡਾਕਟਰ ਹੜਤਾਲ ‘ਤੇ, ਮਰੀਜ਼ ਹੋ ਰਹੇ ਨੇ ਖੱਜਲ-ਖੁਆਰ

ਚੰਡੀਗੜ੍ਹ GMCH-32 ਦੇ ਡਾਕਟਰ ਹੜਤਾਲ ‘ਤੇ, ਮਰੀਜ਼ ਹੋ ਰਹੇ ਨੇ ਖੱਜਲ-ਖੁਆਰ

ਨਿਊਜ਼ ਡੈਸਕ (ਜਸਕਲ) : ਸਰਕਾਰੀ ਮੈਡੀਕਲ ਕਾਲਜ ਤੇ ਹਸਪਤਾਲ ਸੈਕਟਰ-32 ਦੇ ਡਾਕਟਰ ਇਨ੍ਹੀਂ ਦਿਨੀਂ ਹੜਤਾਲ ‘ਤੇ ਹਨ। ਸੈਂਕੜੇ ਮਰੀਜ਼ ਇਲਾਜ ਨਹੀਂ ਕਰਵਾ ਰਹੇ। ਓਪੀਡੀ ਬੰਦ ਹੋਣ ਮਰੀਜ਼ਾਂ ਨੂੰ ਕਾਰਨ ਰੋਜ਼ਾਨਾ ਬਿਨਾਂ ਇਲਾਜ ਤੋਂ ਹੀ ਪਰਤਣਾ ਪੈਂਦਾ ਹੈ। ਖਾਸ ਕਰਕੇ ਦੂਜੇ ਸੂਬਿਆਂ ਤੇ ਦੂਰ-ਦੁਰਾਡੇ ਤੋਂ ਆਉਣ ਵਾਲੇ ਮਰੀਜ਼ਾਂ ਨੂੰ ਕਾਫੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਡਾਕਟਰਾਂ ਦੇ ਹੜਤਾਲ ‘ਤੇ ਜਾਣ ਸਬੰਧੀ ਡਾ. ਲਵਿਸ਼ ਗਰਗ ਨੇ ਦੱਸਿਆ ਕਿ ਦੂਜੀ ਲਹਿਰ ‘ਚ ਆਕਸੀਜਨ ਤੇ ਦਵਾਈਆਂ ਦੀ ਕਮੀ ਨੇ ਬਹੁਤ ਨੁਕਸਾਨ ਕੀਤਾ ਹੈ। ਜੇਕਰ ਤੀਜੀ ਲਹਿਰ ਆਉਂਦੀ ਹੈ ਤਾਂ ਡਾਕਟਰਾਂ ਦੀ ਘਾਟ ਸਭ ਤੋਂ ਵੱਧ ਨੁਕਸਾਨ ਕਰੇਗੀ।

ਹਸਪਤਾਲ ਸਟਾਫ਼ ਦੀ ਘਾਟ ਦਾ ਸਾਹਮਣਾ ਕਰ ਰਿਹਾ ਹੈ। ਸਟਾਫ਼ ਘੱਟ ਹੋਣ ਕਾਰਨ ਸਿਹਤ ਪ੍ਰੰਬਧ ਵੀ ਡਗਮਗਾ ਰਹੇ ਹਨ। ਡਾ. ਗਰਗ ਨੇ ਦੱਸਿਆ ਕਿ ਨੀਟ ਪੀਜੀ ਦੀ ਕੌਂਸਲਿੰਗ ਮਈ ‘ਚ ਹੋਣੀ ਚਾਹੀਦੀ ਸੀ ਪਰ ਇਸ ਵਾਰ ਦਸੰਬਰ ‘ਚ ਵੀ ਨਹੀਂ ਹੋਈ। ਇਮਤਿਹਾਨ ਖਤਮ ਹੋ ਗਿਆ ਹੈ।

ਕੌਂਸਲਿੰਗ ‘ਚ ਦੇਰੀ ਹੋਣ ਕਾਰਨ ਨਵੇਂ ਡਾਕਟਰ ਉਪਲੱਬਧ ਨਹੀਂ ਹਨ, ਜਿਸ ਨਾਲ ਸਿਹਤ ਪ੍ਰਬੰਧ ਢਹਿ-ਢੇਰੀ ਹੋ ਗਏ ਹਨ। ਹੜਤਾਲ ‘ਤੇ ਗਏ ਡਾਕਟਰਾਂ ਦਾ ਕਹਿਣਾ ਹੈ ਕਿ ਤੀਜੀ ਲਹਿਰ ਆਉਣ ਦੀ ਸੰਭਾਵਨਾ ਹੈ। ਪਹਿਲੇ ਤਿੰਨ ਸਾਲ ਡਾਕਟਰ ਹਸਪਤਾਲ ਦੇ ਨਾਲ ਸਨ ਪਰ ਹੁਣ ਡਾਕਟਰ ਸਿਰਫ਼ ਦੋ ਸਾਲ ਤੋਂ ਹੀ ਹਨ।

ਜੇਕਰ NEET ਕੌਂਸਲਿੰਗ ਕੀਤੀ ਜਾਂਦੀ, ਤਾਂ GMCH ਨੂੰ 135 ਹੋਰ ਜੂਨੀਅਰ ਡਾਕਟਰ ਮਿਲਣੇ ਸਨ। ਜੂਨੀਅਰਾਂ ਦੇ ਨਾਲ-ਨਾਲ ਹੁਣ ਸੀਨੀਅਰ ਡਾਕਟਰ ਵੀ ਹੜਤਾਲ ‘ਤੇ ਚਲੇ ਗਏ ਹਨ। ਸਿਰਫ਼ ਐਮਰਜੈਂਸੀ ਸੇਵਾਵਾਂ ਹੀ ਚੱਲ ਰਹੀਆਂ ਹਨ। ਓਪੀਡੀ ਤੋਂ ਬਾਅਦ ਹੁਣ ਲੈਬਾਰੇਟਰੀ ਸੇਵਾ ਵੀ ਬੰਦ ਹੈ।