ਪੱਤਰ ਪ੍ਰੇਰਕ : ਮੱਧ ਪ੍ਰਦੇਸ਼ 'ਚ ਇਕ ਪਾਸੇ ਚਾਚਾ ਸ਼ਿਵਰਾਜ ਸਿੰਘ ਚੌਹਾਨ ਸਟੇਜ ਤੋਂ ਆਪਣੀਆਂ ਲਾਡਲੀਆਂ ਭੈਣਾਂ ਦੀ ਭਲਾਈ ਲਈ ਰੌਲਾ ਪਾ ਰਹੇ ਹਨ, ਉਥੇ ਹੀ ਦੂਜੇ ਪਾਸੇ ਅੱਜ ਸ਼ਿਵਰਾਜ ਸਿੰਘ ਚੌਹਾਨ ਦੇ ਪ੍ਰੋਗਰਾਮ 'ਚ ਪੁਲਸ ਆਪਣੀਆਂ ਲਾਡਲੀਆਂ ਭੈਣਾਂ ਨਾਲ ਲੜਦੀ ਨਜ਼ਰ ਆ ਰਹੀ ਹੈ। ਦੱਸ ਦਈਏ ਕਿ ਅੱਜ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਕੋਲਾਰਸ ਤੋਂ ਭਾਜਪਾ ਉਮੀਦਵਾਰ ਮਹਿੰਦਰ ਰਾਮ ਸਿੰਘ ਯਾਦਵ ਦੇ ਸਮਰਥਨ 'ਚ ਇਕ ਜਨ ਸਭਾ ਨੂੰ ਸੰਬੋਧਨ ਕਰਨ ਆਏ ਸਨ, ਇਸ ਦੌਰਾਨ ਖੜ੍ਹੇ ਇਕ ਟਰੈਕਟਰ ਨੂੰ ਹਟਾਉਣ ਨੂੰ ਲੈ ਕੇ ਪੁਲਿਸ ਅਤੇ ਕੁਝ ਪਿੰਡ ਵਾਸੀਆਂ ਵਿਚਾਲੇ ਝੜਪ ਹੋ ਗਈ।

ਇਸ ਦੌਰਾਨ ਬਚਾਅ ਲਈ ਆਈਆਂ ਔਰਤਾਂ ਨੂੰ ਵੀ ਪੁਲਿਸ ਨੇ ਕੁੱਟਿਆ। ਟਰੈਕਟਰ 'ਤੇ ਬੈਠੀ ਔਰਤ ਫੂਲ ਬਾਈ ਨੇ ਦੱਸਿਆ ਕਿ ਉਹ ਅਨੰਤਪੁਰ ਤੋਂ ਮਨੀਪੁਰਾ ਕੋਲਾਰਸ ਆ ਰਹੇ ਸਨ ਕਿ ਰਸਤੇ 'ਚ ਪੁਲਿਸ ਮੁਲਾਜ਼ਮਾਂ ਨੇ ਟਰੈਕਟਰ ਨੂੰ ਰੋਕ ਲਿਆ ਅਤੇ ਟਰੈਕਟਰ ਸਾਈਡ ਲਾਉਣ ਲਈ ਕਿਹਾ, ਪਰ ਜਦੋਂ ਤੱਕ ਡਰਾਈਵਰ ਨੇ ਟਰੈਕਟਰ ਸਾਈਡ ਲਾਇਆ ਤਾਂ 5 ਤੋਂ 7 ਪੁਲਿਸ ਮੁਲਾਜ਼ਮਾਂਂ ਨੇ ਉਨ੍ਹਾਂ ਦੀ ਕੁੱਟਮਾਰ ਕੀਤੀ। ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਇਸ ਸਾਰੀ ਘਟਨਾ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਅਪਲੋਡ ਕਰ ਦਿੱਤੀ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।