ਦਮਸਕੈਂਸ (ਰਾਘਵ) : ਸੀਰੀਆ 'ਚ ਚੱਲ ਰਹੇ ਘਰੇਲੂ ਯੁੱਧ 'ਚ ਰਾਸ਼ਟਰਪਤੀ ਬਸ਼ਰ ਅਲ-ਅਸਦ ਬਾਗੀਆਂ ਦੇ ਹੱਥੋਂ ਲਗਾਤਾਰ ਹਾਰ ਰਹੇ ਹਨ। ਸੀਰੀਆ ਦੇ ਬਾਗੀਆਂ ਨੇ ਸ਼ਨੀਵਾਰ ਨੂੰ ਦਾਰਾ ਸ਼ਹਿਰ 'ਤੇ ਵੀ ਕਬਜ਼ਾ ਕਰ ਲਿਆ। ਦਾਰਾ ਉਹੀ ਸ਼ਹਿਰ ਹੈ ਜਿੱਥੇ 2011 'ਚ ਬਸ਼ਰ ਅਲ-ਅਸਦ ਖਿਲਾਫ ਘਰੇਲੂ ਯੁੱਧ ਸ਼ੁਰੂ ਹੋਇਆ ਸੀ। ਪਿਛਲੇ ਇਕ ਹਫਤੇ ਵਿਚ ਹੀ ਬਾਗੀਆਂ ਨੇ ਚਾਰ ਵੱਡੇ ਸ਼ਹਿਰਾਂ 'ਤੇ ਕਬਜ਼ਾ ਕਰ ਲਿਆ ਹੈ। ਬਾਗੀ ਸਮੂਹ ਦੇ ਇਕ ਸੂਤਰ ਨੇ ਦੱਸਿਆ ਕਿ ਦਾਰਾ ਤੋਂ ਰਾਜਧਾਨੀ ਦਮਿਸ਼ਕ ਤੱਕ ਕਰੀਬ 100 ਕਿਲੋਮੀਟਰ ਲੰਬਾ ਸੁਰੱਖਿਅਤ ਰਸਤਾ ਮੁਹੱਈਆ ਕਰਵਾਉਣ ਲਈ ਸਮਝੌਤਾ ਕੀਤਾ ਗਿਆ ਹੈ, ਤਾਂ ਕਿ ਸੀਰੀਆਈ ਫੌਜ ਵਾਪਸ ਆ ਸਕੇ।