ਲੰਦਨ , 14 ਜੁਲਾਈ ( NRI MEDIA )

ਵਿਸ਼ਵ ਕੱਪ ਦਾ ਫਾਈਨਲ ਅੱਜ 14 ਜੁਲਾਈ ਨੂੰ ਲੰਦਨ ਦੇ ਲਾਰਡਜ਼ ਖੇਡ ਮੈਦਾਨ ਵਿੱਚ ਖੇਡਿਆ ਜਾਵੇਗਾ , ਇੰਗਲੈਂਡ ਅਤੇ ਨਿਊਜ਼ੀਲੈਂਡ ਦੇ ਵਿਚਕਾਰ ਇਹ ਫਾਈਨਲ ਮੈਚ ਹੋਵੇਗਾ , ਸੈਮੀਫਾਈਨਲ ਵਿਚ ਇੰਗਲੈਂਡ ਨੇ ਆਸਟ੍ਰੇਲੀਆ ਜਦਕਿ ਨਿਊਜ਼ੀਲੈਂਡ ਨੇ ਭਾਰਤ ਨੂੰ ਹਰਾਇਆ ਸੀ , ਕਾਗਜ਼ਾਂ ਉੱਤੇ ਇੰਗਲੈਂਡ ਦਾ ਪੱਲਾ ਭਾਰੀ ਨਜ਼ਰ ਆ ਰਿਹਾ ਹੈ ਪਰ ਨਿਊਜ਼ੀਲੈਂਡ ਨੇ ਜਿਸ ਤਰ੍ਹਾਂ ਭਾਰਤ ਵਰਗੀ ਮਜ਼ਬੂਤ ​​ਟੀਮ ਨੂੰ ਹਰਾ ਦਿੱਤਾ ਸੀ, ਉਸ ਤੋਂ ਸਾਫ ਹੈ ਕਿ ਕੇਨ ਵਿਲੀਅਮਸਨ ਦੀ ਟੀਮ ਨੂੰ ਕਮਜ਼ੋਰ ਮੰਨ ਲੈਣਾ ਬਹੁਤ ਵੱਡੀ ਗ਼ਲਤੀ ਸਾਬਤ ਹੋ ਸਕਦੀ ਹੈ |

ਨਿਊਜ਼ੀਲੈਂਡ: ਸਲਾਮੀ ਬੱਲੇਬਾਜ਼ਾਂ ਦਾ ਚੱਲਣਾ ਜ਼ਰੂਰੀ

ਕਿਵੀ ਟੀਮ ਭਾਵੇਂ ਫਾਈਨਲ ਵਿੱਚ ਪਹੁੰਚ ਗਈ ਹੈ ਪਰ ਇਸ ਵਰਲਡ ਕੱਪ ਵਿੱਚ ਉਨ੍ਹਾਂ ਦੀ ਸਲਾਮੀ ਬੱਲੇਬਾਜ਼ੀ ਬੁਰੀ ਤਰ੍ਹਾਂ ਫੇਲ ਨਜ਼ਰ ਆਈ ਹੈ , ਕੋਲਿਨ ਮੁਨਰੋ ਅਤੇ ਮਾਰਟਿਨ ਗੁਪਟਲ ਦੋਵਾਂ ਨੂੰ ਅਨੁਭਵ ਹੈ ਅਤੇ ਇਸ ਮੈਚ ਵਿੱਚ ਉਨ੍ਹਾਂ ਦਾ ਚਲਣਾ ਬੇਹੱਦ ਜ਼ਰੂਰੀ ਹੈ , ਜੇ ਇਸ ਤਰ੍ਹਾਂ ਹੁੰਦਾ ਹੈ ਤਾਂ ਕਪਤਾਨ ਵਿਲੀਅਮਸਨ ਅਤੇ ਰੋਸ ਟੇਲਰ ਉੱਤੇ ਦਬਾਅ ਘੱਟ ਹੋ ਜਾਵੇਗਾ , ਇਸ ਤੋਂ ਇਲਾਵਾ ਗੇਂਦਬਾਜ਼ੀ ਅਤੇ ਫੀਲਡਿੰਗ ਵਿੱਚ ਕਿਵੀ ਟੀਮ ਦਾ ਕੋਈ ਜਵਾਬ ਨਹੀਂ ਹੈ |

ਇੰਗਲੈਂਡ: ਬਦਲਾਵ ਦੀ ਗੁੰਜਾਈਸ਼ ਘੱਟ

ਇੰਗਲੈਂਡ ਨੇ ਸੈਮੀਫਾਈਨਲ ਵਿੱਚ  ਆਸਟ੍ਰੇਲੀਆ ਹਰਾਇਆ ਸੀ , ਜੇਸਨ ਰੌਏ ਦੀ ਟੀਮ ਵਿੱਚ ਵਾਪਸੀ ਸ਼ਾਨਦਾਰ ਰਹੀ.,ਸੈਮੀਫਾਈਨਲ ਵਿਚ ਉਨ੍ਹਾਂ ਨੇ ਜਿਸ ਤਰ੍ਹਾਂ ਦਾ ਪਾਰੀ ਖੇਡੀ ਹੈ ਉਹ ਦੱਸਦਾ ਹੈ ਕਿ ਇਹ ਬੱਲੇਬਾਜ਼ ਕਿੰਨੇ ਗਜਬ ਦੇ ਫਾਰਮ ਵਿੱਚ ਸਨ ਹਾਲਾਂਕਿ, ਇੰਗਲੈਂਡ ਦੇ ਹੇਠਲੇ ਬੱਲੇਬਾਜ ਦਾ ਟੈਸਟ ਨਹੀਂ ਹੋਇਆ , ਕੁੱਲ ਮਿਲਾ ਕੇ, ਇਹ ਨਿਸ਼ਚਿਤ ਹੈ ਕਿ ਮੌਰਗਨ ਦੇ ਸੈਮੀਫਾਈਨਲ ਵਾਲੀ ਟੀਮ ਨੂੰ ਹੀ ਦੁਬਾਰਾ ਮੌਕਾ ਦੇਣਗੇ |

ਇਹ ਹੋ ਸਕਦੀ ਹੈ ਨਿਊਜ਼ੀਲੈਂਡ ਦੇ ਪਲੇਇੰਗ ਇਲੈਵਨ

ਕਾਲਿਨ ਮੁਨਰੋ, ਮਾਰਟਿਨ ਗੁਪਟਲ, ਕੇਨ ਵਿਲੀਅਮਸਨ (ਕਪਤਾਨ), ਰੌਸ ਟੇਲਰ, ਜਿਮੀ ਨਿਸ਼ਮ, ਕਾਲਿਨ ਡੀ ਗ੍ਰੈਂਡਹੋਮ, ਟਾਮ ਲੈਥਮ (ਵਿਕਟ ਕੀਪਰ), ਮਾਈਕਲ ਸੈੈਂਟਨਰ, ਮੈਥ ਹੇਨਰੀ, ਟੈਂਟ ਬੋੱਲਟ ਅਤੇ ਲੌਕੀ ਫਾਰਗਯੂਸਨ

ਇਹ ਹੋ ਸਕਦੀ ਹੈ ਇੰਗਲੈਂਡ ਦੀ ਪਲੇਇੰਗ ਇਲੈਵਨ

ਜੇਸਨ ਰੌਏ, ਜੋਨੀ ਬੇਅਰਸਟੋ, ਜੋ ਰੂਟ, ਇਯੋਨ ਮੋਰਗਨ (ਕਪਤਾਨ), ਬੇਨ ਸਟੋਕਸ, ਜੋਸ ਬੱਟਲਰ (ਵਿਕਟਕੀਪਰ), ਕ੍ਰਿਸ ਵੋਕਸ, ਲਿਮ ਪਲੈਕਟ, ਅਦੀਲ ਰਸ਼ੀਦ, ਜੋਫਰਾ ਆਰਚਰ ਅਤੇ ਮਾਰਕ ਵੂਡ