ਮੋਗਾਦਿਸ਼ੂ , 01 ਮਾਰਚ ( NRI MEDIA )

ਸ਼ੁੱਕਰਵਾਰ ਨੂੰ ਸਿਪਾਹੀਆਂ ਅਤੇ ਅਲ-ਸ਼ਬਾਬ ਅੱਤਵਾਦੀ ਸੰਗਠਨ ਵਿਚਕਾਰ ਮੋਗਾਦਿਸ਼ੂ ਵਿੱਚ ਗੋਲੀਬਾਰੀ ਦੀ ਲੜਾਈ ਜਾਰੀ ਹੈ , ਜਿਨ੍ਹਾਂ ਨੇ ਪਿਛਲੇ ਰਾਤ ਨੂੰ ਗੋਲੀਬਾਰੀ ਅਤੇ ਆਤਮਘਾਤੀ ਹਮਲੇ ਕੀਤੇ, ਜਿਸ ਵਿੱਚ ਘੱਟੋ ਘੱਟ 29 ਲੋਕਾਂ ਦੀ ਮੌਤ ਹੋ ਗਈ ਅਤੇ 80 ਤੋਂ ਵੱਧ ਜਖਮੀ ਦੱਸੇ ਜਾ ਰਹੇ ਹਨ , ਇਸਲਾਮਿਕ ਕੱਟੜਪੰਥੀ ਸਮੂਹ ਨੇ ਦਾਅਵਾ ਕੀਤਾ ਕਿ ਮੋਗਾਦਿਸ਼ੂ ਹੋਟਲ ਉਨ੍ਹਾਂ ਦੇ ਨਿਸ਼ਾਨੇ ਤੇ ਸੀ ਪਰ ਇੱਕ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਇੱਕ ਜੱਜ ਦੀ ਹੱਤਿਆ ਕਰਨ ਦੀ ਕੋਸ਼ਿਸ਼ ਵਿੱਚ ਅੱਤਵਾਦੀਆਂ ਨੇ ਇਹ ਧਮਾਕਾ ਕੀਤਾ ਹੈ |

ਇਕ ਪੁਲਿਸ ਕਮਾਂਡਰ ਨੇ ਕਿਹਾ ਕਿ ਵੀਰਵਾਰ ਨੂੰ ਹੋਟਲ ਮਕਾ ਅਲ-ਮੁਕਰਮਾ ਨੇੜੇ ਹਮਲੇ ਵਿਚ ਘੱਟੋ-ਘੱਟ 80 ਹੋਰ ਜ਼ਖ਼ਮੀ ਹੋ ਗਏ ਸਨ ਅਤੇ ਮੋਗਾਦਿਸ਼ੂ ਵਿਚ ਭੀੜ-ਭੜੱਕੇ ਵਾਲੇ ਸੜਕ 'ਤੇ ਇਕ ਜੱਜ ਦੀ ਰਿਹਾਇਸ਼ ਤੇ ਵੀ ਹਮਲਾ ਕੀਤਾ ਗਿਆ , ਪੁਲਿਸ ਮੇਜਰ ਮੁਸਾ ਅਲੀ ਨੇ ਕਿਹਾ ਕਿ ਇਸ ਹਮਲੇ ਵਿੱਚ 29 ਨਾਗਰਿਕਾਂ ਦੀ ਮੌਤ ਹੋ ਗਈ ਅਤੇ 80 ਹੋਰ ਜ਼ਖ਼ਮੀ ਹੋ ਗਏ ਹਨ ,ਅੱਤਵਾਦੀ ਅਜੇ ਵੀ ਹੋਟਲ ਦੇ ਨੇੜੇ ਲੜ ਰਹੇ ਹਨ , ਇਸ ਤੋਂ ਬਾਅਦ ਮੌਤਾਂ ਦੀ ਗਿਣਤੀ ਵਿੱਚ ਵਾਧਾ ਹੋ ਸਕਦਾ ਹੈ |

ਇਸਲਾਮਿਕ ਕੱਟੜਪੰਥੀ ਸਮੂਹ ਅਲ-ਸ਼ਬਾਬ ਦੇ ਬੁਲਾਰੇ ਆਬਦਿਾਸਿਸ ਅਬੂ ਮੁਸਾਬ ਨੇ ਕਿਹਾ ਕਿ ਉਹ ਅਜੇ ਵੀ ਹੋਟਲ ਨੂੰ ਕੰਟਰੋਲ ਕਰ ਰਹੇ ਹਨ , ਉਸਨੇ ਕਿਹਾ ਕਿ ਸਰਕਾਰ ਦੀ ਫੌਜ ਨੇ ਇਮਾਰਤ ਵਿੱਚ ਦਾਖਲ ਹੋਣ ਲਈ ਤਿੰਨ ਵਾਰ ਕੋਸ਼ਿਸ਼ ਕੀਤੀ ਪਰ ਅਸੀਂ ਉਨ੍ਹਾਂ ਨੂੰ ਨਾਕਾਮ ਕਰ ਦਿੱਤਾ ਹੈ |