ਸ੍ਰੀਨਗਰ (ਆਫਤਾਬ ਅਹਿਮਦ) - ਜ਼ਿਲਾ ਹਸਪਤਾਲ ਬਾਂਦੀਪੋਰਾ ਵਿੱਚ 1000 ਐਲਪੀਐਮ (ਲੀਟਰ ਪ੍ਰਤੀ ਮਿੰਟ) ਸਮਰੱਥਾ ਵਾਲਾ ਉੱਚ ਪ੍ਰਵਾਹ ਆਕਸੀਜਨ ਪਲਾਂਟ ਤੇ 6 ਵੈਂਟੀਲੇਟਰ ਹਸਪਤਾਲ ਵਿੱਚ ਸਥਾਪਤ ਕੀਤੇ ਗਏ ਹੈ, ਜੋ ਕਿ ਉਥੇ ਕੋਵਿਡ ਦੇ ਮਰੀਜ਼ਾਂ ਲਈ ਸਥਾਪਤ ਵਾਰਡ 'ਚ ਇਲਾਜ ਲਈ ਰੱਖਿਆ ਗਿਆ ਹੈ।

ਹਸਪਤਾਲ ਦੇ ਮੈਡੀਕਲ ਸੁਪਰਡੈਂਟ ਡਾ: ਬਸ਼ੀਰ ਅਹਿਮਦ ਨੇ ਕਿਹਾ ਕਿ ਇਹ ਹਾਈ ਫਲੋ ਆਕਸੀਜਨ ਦਾ ਵਿਲੱਖਣ ਪਲਾਂਟ ਹੈ ਜੋ ਇਕ ਸਮੇਂ ਵਿਚ ਘੱਟ ਤੋਂ ਘੱਟ 100 ਮਰੀਜ਼ਾਂ ਨੂੰ ਆਕਸੀਜਨ ਦੀ ਪੂਰਤੀ ਕਰੇਗਾ ਅਤੇ ਸਿਟੀ ਹਸਪਤਾਲਾਂ 'ਤੇ ਬੋਝ ਨੂੰ ਘੱਟ ਕਰੇਗਾ ਕਿਉਂਕਿ ਜ਼ਿਲ੍ਹਾ ਹਸਪਤਾਲ ਉਨ੍ਹਾਂ ਮਰੀਜ਼ਾਂ ਦਾ ਇਲਾਜ ਕਰ ਸਕੇਗਾ ਜਿਨ੍ਹਾਂ ਨੂੰ ਵਧੇਰੇ ਆਕਸੀਜਨ ਦੀ ਜ਼ਰੂਰਤ ਹੈ ਅਤੇ ਜਿਨ੍ਹਾਂ ਨੂੰ ਸ਼੍ਰੀਨਗਰ ਰੈਫਰ ਕੀਤਾ ਗਿਆ ਸੀ।

ਉਨ੍ਹਾਂ ਇਹ ਵੀ ਕਿਹਾ ਕਿ ਜ਼ਿਲੇ ਵਿਚ ਕੋਵਿਡ-19 ਪੀੜਤਮਰੀਜ਼ਾਂ ਲਈ 25 ਬਿਸਤਰੇ ਵਿਸ਼ੇਸ਼ ਤੌਰ 'ਤੇ ਰੱਖੇ ਗਏ ਹਨ ਅਤੇ ਇਸ ਤੋਂ ਇਲਾਵਾ ਹਸਪਤਾਲ ਵਿਚ 6 ਵੈਂਟੀਲੇਟਰ ਲਗਾਏ ਗਏ ਹਨ, ਇਸ ਤੋਂ ਇਲਾਵਾ ਸਾਡੇ ਕੋਲ ਹਸਪਤਾਲ ਵਿਚ 60 ਆਕਸੀਜਨ ਸਿਲੰਡਰ ਤਿਆਰ ਹਨ।