ਸ਼ੋਪੀਆਂ , 20 ਜਨਵਰੀ ( NRI MEDIA )

ਸੋਮਵਾਰ ਨੂੰ ਸੁਰੱਖਿਆ ਬਲਾਂ ਨੇ ਜੰਮੂ ਅਤੇ ਕਸ਼ਮੀਰ ਦੇ ਸ਼ੋਪੀਆਂ ਵਿੱਚ ਹਿਜ਼ਬੁਲ ਮੁਜਾਹਿਦੀਨ ਦੇ ਤਿੰਨ ਅੱਤਵਾਦੀਆਂ ਨੂੰ ਮਾਰ ਦਿੱਤਾ ਹੈ , ਪਿਛਲੇ ਹਫਤੇ, ਜੰਮੂ-ਕਸ਼ਮੀਰ ਦੇ ਡੋਡਾ ਜ਼ਿਲੇ ਵਿਚ ਸੁਰੱਖਿਆ ਬਲਾਂ ਦੁਆਰਾ ਇਕ ਮੁਕਾਬਲੇ ਵਿਚ ਮਾਰੇ ਗਏ ਇਕ ਚੋਟੀ ਦੇ ਅੱਤਵਾਦੀ ਹਿਜ਼ਬੁਲ ਮੁਜਾਹਿਦੀਨ ਦੀ ਪਛਾਣ ਹਾਰੂਨ ਹਾਫੇਜ ਵਜੋਂ ਹੋਈ ਸੀ , ਅੱਜ ਸਵੇਰੇ ਨਿਊਜ ਏਜੰਸੀ ਨੇ ਇਸ ਮੁਠਭੇੜ ਬਾਰੇ ਜਾਣਕਾਰੀ ਦਿੱਤੀ ਸੀ।

ਮਾਰੇ ਗਏ ਅੱਤਵਾਦੀ ਉਮਰ ਫੈਜ਼ ਲੋਨ ਅਤੇ ਆਦਿਲ ਬਸ਼ੀਰ ਮੀਰ ਅੱਤਵਾਦੀ ਸੰਗਠਨ ਹਿਜ਼ਬੁਲ ਮੁਜਾਹਿਦੀਨ ਨਾਲ ਸਬੰਧਤ ਸਨ, ਜਦਕਿ ਤੀਜਾ ਅੱਤਵਾਦੀ ਫੈਜ਼ਾਨ ਅਹਿਮਦ ਭੱਟ ਜੈਸ਼-ਏ-ਮੁਹੰਮਦ ਸੀ , ਪਿਛਲੇ 15 ਦਿਨਾਂ ਵਿਚ ਸੁਰੱਖਿਆ ਬਲਾਂ ਦੀ ਕਾਰਵਾਈ ਵਿਚ 7 ਅੱਤਵਾਦੀ ਮਾਰੇ ਗਏ ਹਨ , ਪਿਛਲੇ ਹਫ਼ਤੇ, ਤ੍ਰਾਲ ਦੇ ਗੁਲਸ਼ਨਪੁਰਾ ਵਿੱਚ ਇੱਕ ਮੁਕਾਬਲੇ ਵਿੱਚ ਹਿਜਬੁਲ ਅਤੇ ਜੈਸ਼ ਦੇ ਤਿੰਨ ਅੱਤਵਾਦੀ ਮਾਰੇ ਗਏ ਸਨ |

ਜ਼ਿਕਰਯੋਗ ਹੈ ਕਿ ਭਾਰਤੀ ਫੌਜ ਵਲੋਂ ਜੰਮੂ ਕਸ਼ਮੀਰ ਦੇ ਅੱਤਵਾਦ ਪ੍ਰਭਾਵਤ ਇਲਾਕਿਆ ਵਿੱਚ ਅਪ੍ਰੇਸ਼ਨ ਆਲ ਆਊਟ ਚਲਾਇਆ ਜਾ ਰਿਹਾ ਹੈ , ਜਿਸ ਤੇ ਤਹਿਤ ਕਈ ਵੱਡੇ ਅੱਤਵਾਦੀਆਂ ਨੂੰ ਢੇਰ ਕੀਤਾ ਜਾ ਰਿਹਾ ਹੈ ਅਤੇ ਘਾਟੀ ਨੂੰ ਅੱਤਵਾਦ ਮੁਕਤ ਕੀਤਾ ਜਾ ਰਿਹਾ ਹੈ |