ਸ਼੍ਰੀਨਗਰ , 27 ਫਰਵਰੀ ( NRI MEDIA )

ਪੁਲਵਾਮਾ ਹਮਲੇ ਤੋਂ ਬਾਅਦ ਕੱਲ ਭਾਰਤੀ ਸੈਨਾ ਨੇ ਪਾਕਿਸਤਾਨ ਦੇ ਅੱਤਵਾਦੀ ਟਿਕਾਣਿਆਂ ਤੇ ਹਮਲਾ ਕੀਤਾ ਸੀ , ਜਿਸ ਤੋਂ ਬਾਅਦ ਪਾਕਿਸਤਾਨ ਪੂਰੀ ਤਰ੍ਹਾਂ ਬੌਖਲਾ ਚੁੱਕਾ ਹੈ , ਪਾਕਿਸਤਾਨ ਨੇ ਹੁਣ ਨਵੀਂ ਹਿਮਾਕਤ ਕਰਦੇ ਹੋਏ ਭਾਰਤ ਦੇ ਸਰਹੱਦੀ ਖੇਤਰ ਵਿੱਚ ਆਉਣ ਦੀ ਕੋਸ਼ਿਸ਼ ਕੀਤੀ ਪਰ ਭਾਰਤੀ ਸੈਨਾ ਦੀ ਮੁਸਤੈਦੀ ਤੋਂ ਬਾਅਦ ਉਨ੍ਹਾਂ ਨੂੰ ਵਾਪਸ ਭੱਜਣਾ ਪਿਆ , ਏ ਐਨ ਆਈ ਨਿਊਜ ਏਜੰਸੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਕ ਪਾਕਿਸਤਾਨੀ ਜਹਾਜ਼ ਨੂੰ ਭਾਰਤੀ ਸੈਨਾ ਵਲੋਂ ਨੌਸ਼ਹਿਰਾ ਸੈਕਟਰ ਵਿੱਚ ਮਾਰ ਸੁੱਟਿਆ ਗਿਆ ਹੈ , ਇਸ ਤੋਂ ਬਾਅਦ ਭਾਰਤੀ ਹਵਾਈ ਫੌਜ ਨੇ ਪਾਕਿਸਤਾਨ ਦੇ ਜਹਾਜ਼ ਨੂੰ ਮਾਰਨ ਦੀ ਪੁਸ਼ਟੀ ਕੀਤੀ ਹੈ |

ਪਾਕਿਸਤਾਨੀ ਹਵਾਈ ਫੌਜ ਦੇ ਐਫ -16 ਜਹਾਜ਼ ਬੁੱਧਵਾਰ ਨੂੰ ਭਾਰਤੀ ਹਵਾਈ ਸੈਨਾ ਵਿੱਚ ਦਾਖਲ ਹੋਏ ਸਨ, ਇਹ ਜਹਾਜ਼ ਨੌਸ਼ਹਿਰਾ ਸੈਕਟਰ ਦੇ ਬੀਚਮਾਰ ਗੂਲ ਵਿਚ ਦਾਖ਼ਲ ਹੋਇਆ ਅਤੇ ਪਹਾੜਾਂ ਵਿਚ ਰਾਕੇਟ ਸੁੱਟ ਕੇ ਭੱਜ ਗਏ |

Parachute seen as Pakistan Air Force's F-16 was going down, condition of the pilot is unknown https://t.co/yfcHxDjlXn

— ANI (@ANI) February 27, 2019

ਪਾਕਿਸਤਾਨੀ ਹਵਾਈ ਫੌਜ ਦੇ ਜਹਾਜ਼ਾਂ ਨੇ ਭਾਰਤੀ ਖੇਤਰ ਵਿੱਚ ਰਾਕਟ ਦਾਗੇ ਹਨ ਪਰ ਭਾਰਤੀ ਲੋਕ ਅਤੇ ਸੈਨਾ ਨੂੰ ਇਸ ਨਾਲ ਕੋਈ ਵੀ ਨੁਕਸਾਨ ਨਹੀਂ ਪਹੁੰਚਣ ਦੀ ਖਬਰ ਹੈ , ਇਸਦੇ ਨਾਲ ਹੀ ਸਰਹੱਦ ਦੇ ਖੇਤਰਾਂ ਵਿੱਚ ਵੱਡੇ ਪੱਧਰ ਤੇ ਪਾਕਿਸਤਾਨ ਵਲੋਂ ਸੀਜ਼ਫਾਇਰ ਦਾ ਉਲੰਘਣ ਕੀਤਾ ਜਾ ਰਿਹਾ ਹੈ , ਭਾਰਤ ਨੇ ਪਾਕਿਸਤਾਨੀ ਹਵਾਈ ਫੌਜ ਦੇ ਜਹਾਜ਼ਾਂ ਨੂੰ ਤਿੰਨ ਕਿਲੋਮੀਟਰ ਅੰਦਰ ਆਉਂਦੇ ਹੀ ਮਾਰ ਸੁੱਟਿਆ ਹੈ , ਜੋ ਭਾਰਤੀ ਫੌਜ ਲਈ ਵੱਡੀ ਕਾਮਯਾਬੀ ਹੈ |