ਤਹਿਰਾਨ , 16 ਅਕਤੂਬਰ ( NRI MEDIA )

ਈਰਾਨ ਦੇ ਰਾਸ਼ਟਰਪਤੀ ਹਸਨ ਰੂਹਾਨੀ ਨੇ ਕਿਹਾ ਹੈ ਕਿ ਅਮਰੀਕਾ ਨੇ ਉਨ੍ਹਾਂ ਦੇ ਦੇਸ਼ ‘ਤੇ ਪਾਬੰਦੀ ਲਗਾ ਕੇ ਮਨੁੱਖਤਾ‘ ਤੇ ਹਮਲਾ ਕੀਤਾ ਹੈ ,ਇਹ ਆਰਥਿਕ ਅੱਤਵਾਦ ਹੈ , ਉਨ੍ਹਾਂ ਕਿਹਾ ਕਿ ਸੰਯੁਕਤ ਵਿਆਪਕ ਕਾਰਜ ਯੋਜਨਾ (ਜੇਸੀਪੀਓਏ) ਤੋਂ ਪਿੱਛੇ ਹਟਣਾ ਸਹੀ ਨਹੀਂ ਹੈ , ਰੁਹਾਨੀ ਨੇ ਇਹ ਗੱਲ ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਦੀ ਖੇਤਰੀ ਕਮੇਟੀ ਦੇ 66 ਵੇਂ ਸੈਸ਼ਨ ਨੂੰ ਸੰਬੋਧਨ ਕਰਦਿਆਂ ਕਹੀ।

ਈਰਾਨ ਦੀ ਸਮਾਚਾਰ ਏਜੰਸੀ ਈਰਾਨੀ ਨੇ ਰੂਹਾਨੀ ਦੇ ਹਵਾਲੇ ਨਾਲ ਕਿਹਾ ਕਿ ਅਮਰੀਕਾ ਘਰੇਲੂ ਕੱਟੜਪੰਥੀਆਂ ਅਤੇ ਸਾਊਦੀ ਅਰਬ ਦੇ ਦਬਾਅ ਹੇਠ ਆ ਗਿਆ ਅਤੇ ਈਰਾਨ ਵਿਰੁੱਧ ਕਾਰਵਾਈ ਕੀਤੀ ਗਈ, ਈਰਾਨ ਨੇ ਪਿਛਲੇ ਸਮੇਂ ਵਿੱਚ ਕਿਹਾ ਸੀ ਕਿ ਉਸਦਾ ਪਰਮਾਣੂ ਪ੍ਰੋਗਰਾਮ ਸਿਰਫ ਊਰਜਾ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਹੈ ,ਅਜਿਹੀ ਸਥਿਤੀ ਵਿਚ ਟਰੰਪ ਪ੍ਰਸ਼ਾਸਨ ਦਾ ਰਵੱਈਆ ਗੈਰ ਜ਼ਿੰਮੇਵਾਰਾਨਾ ਹੈ। 

ਈਰਾਨ ਦੇ ਰਾਸ਼ਟਰਪਤੀ ਨੇ ਕਿਹਾ, "ਇੱਕ ਦੇਸ਼ਵਲੋਂ ਸੁਰੱਖਿਆ ਪਰਿਸ਼ਦ ਦੇ ਸਮਰਥਨ ਵਾਲੇ ਸਮਝੌਤੇ ਤੋਂ ਪਿੱਛੇ ਹਟਣਾ ਇਕ ਦੇਸ਼ ਦੀ ਬਦਨਾਮੀ ਵਰਗਾ ਹੈ , ਹੋਰ ਤਾਂ ਹੋਰ ਅਮਰੀਕਾ ਨੇ ਹੁਣ ਦਵਾਈਆਂ ਅਤੇ ਭੋਜਨ ਵਰਗੀਆਂ ਚੀਜ਼ਾਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ , ਜ਼ਿਕਰਯੋਗ ਹੈ ਕਿ ਜੇਸੀਪੀਓਏ ਸਮਝੌਤੇ ਤਹਿਤ ਜੁਲਾਈ 2015 ਵਿਚ ਈਰਾਨ, ਜਰਮਨੀ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਦੇ ਪੰਜ ਸਥਾਈ ਮੈਂਬਰਾਂ - ਅਮਰੀਕਾ, ਚੀਨ, ਰੂਸ, ਬ੍ਰਿਟੇਨ ਅਤੇ ਫਰਾਂਸ ਵਿਚਕਾਰ ਦਸਤਖਤ ਕੀਤੇ ਗਏ ਸਨ ,ਇਸ ਦੇ ਤਹਿਤ ਈਰਾਨ ਨੂੰ ਆਪਣੇ ਪ੍ਰਮਾਣੂ ਪ੍ਰੋਗਰਾਮ ਨੂੰ ਸੀਮਿਤ ਕਰਨਾ ਪਿਆ। ਬਦਲੇ ਵਿਚ, ਇਸ 'ਤੇ ਲਗਾਈਆਂ ਗਈਆਂ ਆਰਥਿਕ ਪਾਬੰਦੀਆਂ ਨੂੰ ਰਾਹਤ ਦਿੱਤੀ ਜਾਣੀ ਸੀ , ਅਮਰੀਕਾ 8 ਮਈ 2018 ਨੂੰ ਸੌਦੇ ਤੋਂ ਪਿੱਛੇ ਹਟ ਗਿਆ।