ਤੇਹਰਾਨ / ਨਵੀਂ ਦਿੱਲੀ , 09 ਜਨਵਰੀ ( NRI MEDIA )

ਅਮਰੀਕਾ ਦੇ ਹਮਲੇ ਵਿਚ ਇਰਾਨ ਦੇ ਚੋਟੀ ਦੇ ਮੇਜਰ ਜਨਰਲ ਕਾਸੀਮ ਸੁਲੇਮਾਨੀ ਦੀ ਹੱਤਿਆ ਤੋਂ ਬਾਅਦ ਈਰਾਨ ਵਿਚ ਗੁੱਸੇ ਦਾ ਮਾਹੌਲ ਹੈ , ਇਸ ਦੌਰਾਨ ਈਰਾਨ ਅਮਰੀਕਾ ਨਾਲ ਤਣਾਅ ਖਤਮ ਕਰਨ ਲਈ ਭਾਰਤ ਵੱਲੋਂ ਕੀਤੀ ਗਈ ਕਿਸੇ ਵੀ ਪਹਿਲਕਦਮੀ ਦਾ ਸਵਾਗਤ ਕਰੇਗਾ , ਈਰਾਨ ਦੇ ਰਾਜਦੂਤ ਨੇ ਕਿਹਾ ਕਿ ਭਾਰਤ ਈਰਾਨ ਦਾ ਚੰਗਾ ਮਿੱਤਰ ਹੈ ਅਤੇ ਅਸੀਂ ਯੁੱਧ ਨਹੀਂ ਸਗੋਂ ਸ਼ਾਂਤੀ ਚਾਹੁੰਦੇ ਹਾਂ , ਈਰਾਨ ਦੇ ਸੈਨਿਕ ਕਮਾਂਡਰ ਕਾਸੀਮ ਸੋਲੀਮਾਨੀ ਦੀ ਹੱਤਿਆ ਤੋਂ ਬਾਅਦ ਈਰਾਨ ਅਮਰੀਕਾ ਨਾਲ ਆਪਣਾ ਤਣਾਅ ਘੱਟ ਕਰਨ ਲਈ ਭਾਰਤ ਵੱਲੋਂ ਕਿਸੇ ਵੀ ਸ਼ਾਂਤੀ ਪਹਿਲਕਦਮੀ ਦਾ ਸਵਾਗਤ ਕਰੇਗਾ।

ਈਰਾਨ ਦੇ ਰਾਜਦੂਤ ਦੀ ਟਿੱਪਣੀ ਤੋਂ ਕੁਝ ਘੰਟਿਆਂ ਬਾਅਦ, ਈਰਾਨ ਨੇ ਆਪਣੇ ਚੋਟੀ ਦੇ ਕਮਾਂਡਰ ਜਨਰਲ ਕਾਸੀਮ ਸੋਲੀਮਾਨੀ ਦੀ ਹੱਤਿਆ ਦਾ ਬਦਲਾ ਲੈਣ ਲਈ ਇਰਾਕ ਵਿੱਚ ਦੋ ਅਮਰੀਕੀ ਸੈਨਿਕ ਠਿਕਾਣਿਆਂ ਤੇ ਮਿਜ਼ਾਈਲ ਹਮਲੇ ਕੀਤੇ , ਕੇਂਦਰੀ ਇਰਾਕ ਵਿਚ ਅਲ ਅਸਦ ਏਅਰਬੇਸ 'ਤੇ ਬੁੱਧਵਾਰ (ਸਥਾਨਕ ਸਮੇਂ) ਸਵੇਰੇ ਘੱਟੋ-ਘੱਟ 10 ਰਾਕੇਟ ਹਮਲਾ ਕੀਤੇ ਗਏ, ਜਿਥੇ ਬਹੁਤ ਸਾਰੇ ਅਮਰੀਕੀ ਸੈਨਿਕ ਤਾਇਨਾਤ ਹਨ ,ਅਮਰੀਕੀ ਡਰੋਨ ਹਮਲੇ ਦੇ ਮੱਦੇਨਜ਼ਰ ਇਰਾਨ ਦਾ ਇਹ ਪਹਿਲਾ ਜਵਾਬੀ ਹਮਲਾ ਪ੍ਰਤੀਤ ਹੁੰਦਾ ਹੈ।

ਮਹੱਤਵਪੂਰਣ ਗੱਲ ਇਹ ਹੈ ਕਿ ਈਰਾਨੀ ਕੁਡਸ ਫੋਰਸ ਦੇ ਕਮਾਂਡਰ ਜਨਰਲ ਕਾਸੀਮ ਸੁਲਮਾਨੀ ਪਿਛਲੇ ਹਫਤੇ ਅਮਰੀਕੀ ਡਰੋਨ ਹਮਲੇ ਵਿੱਚ ਮਾਰੇ ਗਏ ਸਨ, ਜਿਸ ਤੋਂ ਬਾਅਦ ਅਮਰੀਕਾ ਅਤੇ ਈਰਾਨ ਵਿਚਾਲੇ ਸਬੰਧ ਵਿਗੜ ਗਏ ਹਨ ,ਨਿਉਜ਼ ਏਜੰਸੀ ਏਫੇ ਦੇ ਅਨੁਸਾਰ ਹਾਲੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਮਿਜ਼ਾਈਲ ਹਮਲੇ ਵਿੱਚ ਕੋਈ ਜਾਨੀ ਨੁਕਸਾਨ ਹੋਇਆ ਹੈ ਜਾਂ ਬੇਸ ਵਿੱਚ ਕਿਸ ਤਰ੍ਹਾਂ ਦਾ ਨੁਕਸਾਨ ਹੋਇਆ ਹੈ ,ਇਹ ਵੀ ਪਤਾ ਨਹੀਂ ਲੱਗ ਸਕਿਆ ਕਿ ਕਿੰਨੀਆਂ ਮਿਜ਼ਾਈਲਾਂ ਚਲਾਈਆਂ ਜਾਂ ਕਿਸ ਕਿਸਮ ਦੀਆਂ ਸਨ।