ਰਾਂਚੀ (ਰਾਘਵ) : ਝਾਰਖੰਡ ਦੇ ਲਾਤੇਹਾਰ ਤੋਂ ਇਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਸੁਰੱਖਿਆ ਬਲਾਂ ਨੇ ਸ਼ਨੀਵਾਰ ਨੂੰ ਝਾਰਖੰਡ ਦੇ ਲਾਤੇਹਾਰ ਜ਼ਿਲੇ 'ਚ ਨਕਸਲੀ ਸੰਗਠਨ ਝਾਰਖੰਡ ਜਨ ਮੁਕਤੀ ਪ੍ਰੀਸ਼ਦ ਦੇ ਦੋ ਖੌਫਨਾਕ ਨਕਸਲੀਆਂ ਨੂੰ ਮਾਰ ਮੁਕਾਇਆ। ਦੱਸਿਆ ਜਾ ਰਿਹਾ ਹੈ ਕਿ ਮਾਰੇ ਗਏ ਨਕਸਲੀਆਂ 'ਚੋਂ ਇਕ 'ਤੇ 10 ਲੱਖ ਅਤੇ ਦੂਜੇ 'ਤੇ 5 ਲੱਖ ਰੁਪਏ ਦਾ ਇਨਾਮ ਸੀ।

ਸੂਤਰਾਂ ਮੁਤਾਬਕ ਸੁਰੱਖਿਆ ਬਲਾਂ ਦੀ ਗੋਲੀਬਾਰੀ 'ਚ ਇਕ ਹੋਰ ਖੌਫਨਾਕ ਨਕਸਲੀ ਜ਼ਖਮੀ ਹੋ ਗਿਆ ਹੈ, ਜਿਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਉਸ ਕੋਲੋਂ ਇਕ ਇੰਸਾਸ ਰਾਈਫਲ ਬਰਾਮਦ ਕੀਤੀ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸੁਰੱਖਿਆ ਬਲਾਂ ਨੇ ਝਾਰਖੰਡ ਦੇ ਲਾਤੇਹਾਰ ਜ਼ਿਲੇ 'ਚ ਪੱਪੂ ਲੋਹਾਰਾ, ਜਿਸ 'ਤੇ 10 ਲੱਖ ਰੁਪਏ ਦਾ ਇਨਾਮ ਸੀ ਅਤੇ ਪ੍ਰਭਾਤ ਗੰਝੂ 5 ਲੱਖ ਰੁਪਏ ਦਾ ਇਨਾਮ ਸੀ, ਨੂੰ ਮਾਰ ਦਿੱਤਾ ਹੈ। ਉੰਨਾ ਦੱਸਿਆ ਕਿ ਦੋਵੇਂ ਝਾਰਖੰਡ ਜਨ ਮੁਕਤੀ ਪ੍ਰੀਸ਼ਦ ਦੇ ਖ਼ੌਫ਼ਨਾਕ ਨਕਸਲੀ ਸੰਗਠਨ ਦੇ ਆਗੂ ਸਨ। ਆਪਰੇਸ਼ਨ ਅਜੇ ਵੀ ਜਾਰੀ ਹੈ। ਪੁਲੀਸ ਨੇ ਲਾਤੇਹਾਰ ਦੇ ਐਸਪੀ ਕੁਮਾਰ ਗੌਰਵ ਦੀ ਅਗਵਾਈ ਹੇਠ ਕਾਰਵਾਈ ਕੀਤੀ ਹੋਈ ਸੀ। ਸੀਆਰਪੀਐਫ ਅਤੇ ਝਾਰਖੰਡ ਪੁਲਿਸ ਦੀਆਂ ਟੀਮਾਂ ਆਪਰੇਸ਼ਨ ਵਿੱਚ ਸ਼ਾਮਲ ਸਨ। ਇਛਵਾਰ ਦੇ ਜੰਗਲ ਵਿੱਚ ਪੁਲਿਸ ਅਤੇ ਜੇਜੇਐਮਪੀ ਦੇ ਅੱਤਵਾਦੀ ਦਸਤੇ ਨਾਲ ਮੁਕਾਬਲਾ ਹੋਇਆ।