ਨਿਊਜ਼ ਡੈਸਕ (ਜਸਕਮਲ) : ਪੱਛਮੀ ਬੰਗਾਲ ਰਾਜ ਚੋਣ ਕਮਿਸ਼ਨ ਕੋਲ ਉਪਲਬਧ ਤਾਜ਼ਾ ਅੰਕੜਿਆਂ ਅਨੁਸਾਰ ਕੋਲਕਾਤਾ ਨਗਰ ਨਿਗਮ ਦੇ ਜ਼ਿਆਦਾਤਰ ਵਾਰਡਾਂ 'ਚ ਸੱਤਾਧਾਰੀ ਤ੍ਰਿਣਮੂਲ ਕਾਂਗਰਸ ਅੱਗੇ ਹੈ। ਮਮਤਾ ਬੈਨਰਜੀ ਦੀ ਅਗਵਾਈ ਵਾਲੀ ਪਾਰਟੀ ਇਸ ਵੇਲੇ 114 ਸਿਵਲ ਬਾਡੀ ਸੀਟਾਂ 'ਤੇ ਅੱਗੇ ਹੈ, ਜਦਕਿ ਭਾਰਤੀ ਜਨਤਾ ਪਾਰਟੀ (ਭਾਜਪਾ), ਕਾਂਗਰਸ ਅਤੇ ਸੀਪੀਆਈ (ਐਮ) ਦੋ-ਦੋ ਸੀਟਾਂ 'ਤੇ ਹਨ। ਇੱਕ ਵਾਰਡ ਵਿੱਚ ਇੱਕ ਆਜ਼ਾਦ ਉਮੀਦਵਾਰ ਅੱਗੇ ਚੱਲ ਰਿਹਾ ਹੈ। ਕੋਲਕਾਤਾ ਨਗਰ ਨਿਗਮ (ਕੇਐਮਸੀ) ਦੇ 144 ਵਾਰਡਾਂ ਲਈ ਵੋਟਾਂ ਦੀ ਗਿਣਤੀ ਚੱਲ ਰਹੀ ਹੈ।

ਪਹਿਲਾਂ ਆਈਆਂ ਰਿਪੋਰਟਾਂ ਦੇ ਅਨੁਸਾਰ, ਟੀਐੱਮਸੀ ਵਿਧਾਇਕ ਤੇ ਮੌਜੂਦਾ ਕੌਂਸਲਰ ਅਤਿਨ ਘੋਸ਼ ਉੱਤਰੀ ਕੋਲਕਾਤਾ ਦੇ ਵਾਰਡ ਨੰਬਰ 11 ਵਿੱਚ ਅੱਗੇ ਚੱਲ ਰਹੇ ਸਨ। ਵਾਰਡ ਨੰਬਰ 13 ਵਿੱਚ ਟੀਐਮਸੀ ਦੇ ਮੌਜੂਦਾ ਕੌਂਸਲਰ ਅਨਿੰਦਿਆ ਰੂਥ ਹੋਰਨਾਂ ਤੋਂ ਅੱਗੇ ਸਨ। ਵਾਰਡ ਨੰਬਰ 22 ਅਤੇ 23 'ਚ ਭਾਜਪਾ ਅਤੇ ਵਾਰਡ ਨੰਬਰ 45 ਵਿੱਚ ਕਾਂਗਰਸ ਅੱਗੇ ਹੈ। ਵਾਰਡ ਨੰਬਰ 103, 98 ਵਿੱਚ ਸੀਪੀਆਈ (ਐਮ) ਅੱਗੇ ਹੈ। ਵਾਰਡ ਨੰਬਰ 22 ਵਿੱਚ ਭਾਜਪਾ ਦੀ ਮੌਜੂਦਾ ਕੌਂਸਲਰ ਮੀਨਾ ਦੇਵੀ ਪੁਰੋਹਿਤ ਟੀਐਮਸੀ ਦੀ ਆਪਣੇ ਨਜ਼ਦੀਕੀ ਵਿਰੋਧੀ ਤੋਂ ਅੱਗੇ ਹੈ। ਵਾਰਡ ਨੰਬਰ 45 ਵਿੱਚ ਕਾਂਗਰਸ ਦੇ ਮੌਜੂਦਾ ਕੌਂਸਲਰ ਸੰਤੋਸ਼ ਪਾਠਕ ਟੀਐਮਸੀ ਦੇ ਆਪਣੇ ਨੇੜਲੇ ਵਿਰੋਧੀ ਤੋਂ ਅੱਗੇ ਹਨ।