ਨਵੀਂ ਦਿੱਲੀ (ਰਾਘਵ) : ਸੈਂਸੈਕਸ ਦੀਆਂ ਚੋਟੀ ਦੀਆਂ 10 ਸਭ ਤੋਂ ਕੀਮਤੀ ਕੰਪਨੀਆਂ ਵਿਚੋਂ 8 ਦਾ ਬਾਜ਼ਾਰ ਪੂੰਜੀਕਰਣ (ਮਾਰਕੀਟ ਕੈਪ) ਪਿਛਲੇ ਹਫਤੇ ਸਮੂਹਿਕ ਤੌਰ 'ਤੇ 1,65,784.9 ਕਰੋੜ ਰੁਪਏ ਘਟਿਆ ਹੈ। ਸਟਾਕ ਮਾਰਕੀਟ 'ਚ ਗਿਰਾਵਟ ਦੇ ਦੌਰਾਨ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (TCS) ਨੂੰ ਸਭ ਤੋਂ ਜ਼ਿਆਦਾ ਨੁਕਸਾਨ ਹੋਇਆ। ਪਿਛਲੇ ਹਫਤੇ ਬੀ.ਐੱਸ.ਈ. ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 628.15 ਅੰਕ ਜਾਂ 0.82 ਫੀਸਦੀ ਡਿੱਗਿਆ। ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 133.35 ਅੰਕ ਜਾਂ 0.58 ਫੀਸਦੀ ਟੁੱਟ ਗਿਆ। ਸਮੀਖਿਆ ਅਧੀਨ ਹਫ਼ਤੇ ਵਿੱਚ, TCS ਦਾ ਬਾਜ਼ਾਰ ਪੂੰਜੀਕਰਣ 53,185.89 ਕਰੋੜ ਰੁਪਏ ਘਟ ਕੇ 13,69,717.48 ਕਰੋੜ ਰੁਪਏ ਹੋ ਗਿਆ। ਭਾਰਤੀ ਏਅਰਟੈੱਲ ਦਾ ਬਾਜ਼ਾਰ ਮੁੱਲ 44,407.77 ਕਰੋੜ ਰੁਪਏ ਘਟ ਕੇ 9,34,223.77 ਕਰੋੜ ਰੁਪਏ ਰਿਹਾ।

ICICI ਬੈਂਕ ਦਾ ਮਾਰਕੀਟ ਕੈਪ 18,235.45 ਕਰੋੜ ਰੁਪਏ ਘਟ ਕੇ 8,70,579.68 ਕਰੋੜ ਰੁਪਏ ਰਹਿ ਗਿਆ। ਹਿੰਦੁਸਤਾਨ ਯੂਨੀਲੀਵਰ ਦਾ ਮੁੱਲ 17,962.62 ਕਰੋੜ ਰੁਪਏ ਘਟ ਕੇ 5,26,684.38 ਕਰੋੜ ਰੁਪਏ ਰਿਹਾ।

ਇੰਫੋਸਿਸ ਦਾ ਬਾਜ਼ਾਰ ਮੁਲਾਂਕਣ 17,086.61 ਕਰੋੜ ਰੁਪਏ ਘਟ ਕੇ 7,53,700.15 ਕਰੋੜ ਰੁਪਏ ਰਹਿ ਗਿਆ।

ITC ਦਾ ਮਾਰਕੀਟ ਕੈਪ 11,949.42 ਕਰੋੜ ਰੁਪਏ ਦੀ ਗਿਰਾਵਟ ਨਾਲ 5,01,750.43 ਕਰੋੜ ਰੁਪਏ ਅਤੇ HDFC ਬੈਂਕ ਦਾ 2,555.53 ਕਰੋੜ ਰੁਪਏ ਦੀ ਗਿਰਾਵਟ ਨਾਲ 12,94,152.82 ਕਰੋੜ ਰੁਪਏ ਹੋ ਗਿਆ।

ਭਾਰਤੀ ਸਟੇਟ ਬੈਂਕ (SBI) ਦਾ ਮੁਲਾਂਕਣ 401.61 ਕਰੋੜ ਰੁਪਏ ਘਟ ਕੇ 6,43,955.96 ਕਰੋੜ ਰੁਪਏ ਰਹਿ ਗਿਆ।

ਇਸ ਰੁਝਾਨ ਦੇ ਉਲਟ ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਪੂੰਜੀਕਰਣ 14,547.3 ਕਰੋੜ ਰੁਪਏ ਵਧ ਕੇ 16,61,369.42 ਕਰੋੜ ਰੁਪਏ 'ਤੇ ਪਹੁੰਚ ਗਿਆ। ਬਜਾਜ ਫਾਈਨਾਂਸ ਦਾ ਮਾਰਕੀਟ ਕੈਪ 384.33 ਕਰੋੜ ਰੁਪਏ ਵਧ ਕੇ 5,20,466.75 ਕਰੋੜ ਰੁਪਏ ਹੋ ਗਿਆ। ਸੈਂਸੈਕਸ ਦੀਆਂ ਟਾਪ 10 ਕੰਪਨੀਆਂ 'ਚ ਰਿਲਾਇੰਸ ਇੰਡਸਟਰੀਜ਼ ਪਹਿਲੇ ਸਥਾਨ 'ਤੇ ਰਹੀ। ਇਸ ਤੋਂ ਬਾਅਦ ਕ੍ਰਮਵਾਰ TCS, HDFC ਬੈਂਕ, ਭਾਰਤੀ ਏਅਰਟੈੱਲ, ICICI ਬੈਂਕ, ਇਨਫੋਸਿਸ, ਸਟੇਟ ਬੈਂਕ ਆਫ ਇੰਡੀਆ, ਹਿੰਦੁਸਤਾਨ ਯੂਨੀਲੀਵਰ, ਬਜਾਜ ਫਾਈਨਾਂਸ ਅਤੇ ਆਈ.ਟੀ.ਸੀ. ਦਾ ਨੰਬਰ ਆਉਂਦਾ ਹੈ