ਅਟਲਾਂਟਾ , 09 ਦਸੰਬਰ ( NRI MEDIA )

ਦੱਖਣੀ ਅਫਰੀਕਾ ਦੀ ਜੋਜੀਬੀਨੀ ਤੁੰਜੀ (26) ਨੇ ਮਿਸ ਯੂਨੀਵਰਸ 2019 ਦਾ ਖਿਤਾਬ ਜਿੱਤਿਆ ਹੈ , ਅਮਰੀਕਾ ਦੇ ਅਟਲਾਂਟਾ ਵਿੱਚ ਹੋਏ ਇਸ ਪ੍ਰੋਗਰਾਮ ਵਿੱਚ 90 ਦੇਸ਼ਾਂ ਦੇ ਪ੍ਰਤੀਯੋਗੀ ਸ਼ਾਮਲ ਹੋਏ ,ਟਾਪ -20 ਵਿੱਚ ਭਾਰਤ ਦੀ ਵਰਤੀਕਾ ਸਿੰਘ (26) ਸ਼ਾਮਲ ਹੋਈ , ਪੋਰਟੋ ਰੀਕੋ ਦੀ ਮੈਡੀਸਨ ਐਂਡਰਸਨ ਦੂਜੇ ਅਤੇ ਮੈਕਸੀਕੋ ਦੀ ਐਸ਼ਲੇ ਅਲਵਿਡਰੇਜ਼ ਤੀਸਰੇ ਸਥਾਨ ਤੇ ਰਹੀ ਹੈ।

ਕਈ ਸਵਾਲ-ਜਵਾਬ ਦੇ ਦੌਰ ਤੋਂ ਬਾਅਦ ਜੋਜੀਬੀਨੀ ਤੁੰਜੀ ਨੇ ਖਿਤਾਬ ਜਿੱਤਿਆ ਹੈ , ਉਹ ਦੱਖਣੀ ਅਫਰੀਕਾ ਤੋਂ ਤੀਜੀ ਮਿਸ ਯੂਨੀਵਰਸ ਹੈ ,ਇਸ ਤੋਂ ਪਹਿਲਾਂ 2017 ਵਿੱਚ ਡੈਮੀ-ਲਾਗ ਨੇਲ-ਪੀਟਰਜ਼ ਦੁਆਰਾ ਜਿੱਤਿਆ ਗਿਆ ਸੀ ਅਤੇ 2018 ਵਿੱਚ, ਇਹ ਖਿਤਾਬ ਫਿਲਪੀਨਜ਼ ਦੀ ਕੈਟਰੀਓਨਾ ਗ੍ਰੇ ਨੇ ਜਿੱਤਿਆ ਸੀ |

ਉਨ੍ਹਾਂ ਨੂੰ ਇਹ ਪ੍ਰਸ਼ਨ ਪੁੱਛਿਆ ਗਿਆ ਕਿ ਸੁੰਦਰਤਾ ਦਾ ਕੀ ਅਰਥ ਹੈ , ਜੋਜੀਬੀਨੀ ਤੁੰਜੀ ਨੇ ਕਿਹਾ ਕਿ ਮੇਰੀ ਚਮੜੀ ਦੇ ਰੰਗ ਕਾਰਨ ਮੈਨੂੰ ਆਪਣੇ ਦੇਸ਼ ਵਿਚ ਸੁੰਦਰ ਨਹੀਂ ਮੰਨਿਆ ਜਾਂਦਾ ਸੀ ,ਮੈਂ ਚਾਹੁੰਦੀ ਹਾਂ ਕਿ ਮੇਰੇ ਦੇਸ਼ ਦੇ ਬੱਚੇ ਮੈਨੂੰ ਇਹ ਵੇਖ ਕੇ ਮਾਣ ਮਹਿਸੂਸ ਕਰਨ ਕਿ ਮੈਂ ਇਹ ਖਿਤਾਬ ਜਿੱਤ ਕੇ ਵਾਪਸ ਪਰਤੀ ਹਾਂ , ਉਹ ਮੇਰੇ ਵਿੱਚ ਆਪਣੇ ਆਪ ਨੂੰ ਵੇਖਣ , ਉਨ੍ਹਾਂ ਕਿਹਾ ਕਿ ਹਰ ਲੜਕੀ, ਜੋ ਇਸ ਪਲ ਦੀ ਗਵਾਹ ਬਣ ਗਈ ਹੈ, ਹਮੇਸ਼ਾਂ ਆਪਣੇ ਸੁਪਨਿਆਂ ਵਿੱਚ ਵਿਸ਼ਵਾਸ ਕਰੇਗੀ ਅਤੇ ਉਹ ਉਨ੍ਹਾਂ ਨੂੰ ਪੂਰਾ ਕਰਨ ਲਈ ਸਖਤ ਮਿਹਨਤ ਕਰੇਗੀ।