ਨਵੀਂ ਦਿੱਲੀ (ਰਾਘਵ) : ਐੱਨਡੀਏ ਸੰਸਦੀ ਦਲ ਦੀ ਬੈਠਕ ਨੂੰ ਸੰਬੋਧਨ ਕਰਦੇ ਹੋਏ ਪੀਐੱਮ ਮੋਦੀ ਨੇ ਵਿਰੋਧੀ ਪਾਰਟੀਆਂ ਅਤੇ I.N.D.I.A. ਗਠਜੋੜ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ 4 ਜੂਨ ਤੋਂ ਪਹਿਲਾਂ ਇਹ ਲੋਕ (I.N.D.I.A. ਗਠਜੋੜ) ਲਗਾਤਾਰ ਈ.ਵੀ.ਐੱਮ. ਦੀ ਦੁਰਵਰਤੋਂ ਕਰ ਰਹੇ ਸਨ ਲੋਕਾਂ ਦਾ ਭਾਰਤ ਦੀ ਲੋਕਤੰਤਰੀ ਪ੍ਰਕਿਰਿਆ ਤੋਂ ਵਿਸ਼ਵਾਸ ਖਤਮ ਹੋ ਗਿਆ ਹੈ। ਮੈਂ ਸੋਚਿਆ ਸੀ ਕਿ ਇਸ ਵਾਰ ਇਹ ਲੋਕ ਈ.ਵੀ.ਐਮਜ਼ (EVM) ਦੇ ਸਨਮਾਨ ਵਿੱਚ ਜਲੂਸ ਕੱਢਣਗੇ, ਪਰ 4 ਜੂਨ ਦੀ ਸ਼ਾਮ ਤੱਕ ਇਹਨਾਂ ਨੂੰ ਤਾਲਾ ਲਗਾ ਦਿੱਤਾ ਗਿਆ… ਈਵੀਐਮ ਨੇ ਉਹਨਾਂ ਨੂੰ ਚੁੱਪ ਕਰਾ ਦਿੱਤਾ। ਇਹ ਭਾਰਤ ਦੇ ਲੋਕਤੰਤਰ ਦੀ ਤਾਕਤ ਹੈ।

ਮੋਦੀ ਨੇ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਭਾਰਤ ਦੇ ਸਿਆਸੀ ਇਤਿਹਾਸ ਅਤੇ ਭਾਰਤੀ ਰਾਜਨੀਤੀ 'ਚ ਗਠਜੋੜ ਦੇ ਇਤਿਹਾਸ 'ਚ ਚੋਣਾਂ ਤੋਂ ਪਹਿਲਾਂ ਦਾ ਗਠਜੋੜ ਕਦੇ ਵੀ ਇੰਨਾ ਸਫਲ ਨਹੀਂ ਹੋਇਆ ਜਿੰਨਾ ਕਿ ਐੱਨ.ਡੀ.ਏ (NDA) ਜੇਕਰ ਅਸੀਂ ਮਾਪਦੰਡਾਂ 'ਤੇ ਨਜ਼ਰ ਮਾਰੀਏ ਤਾਂ ਦੁਨੀਆ ਮੰਨਦੀ ਹੈ ਅਤੇ ਸਵੀਕਾਰ ਕਰੇਗੀ ਕਿ ਇਹ ਐਨਡੀਏ ਦੀ ਵੱਡੀ ਜਿੱਤ ਹੈ। ਮੋਦੀ ਨੇ ਕਿਹਾ ਕਿ 10 ਸਾਲ ਬਾਅਦ ਵੀ ਕਾਂਗਰਸ 100 ਦਾ ਅੰਕੜਾ ਵੀ ਨਹੀਂ ਛੂਹ ਸਕੀ। ਉਨ੍ਹਾਂ ਕਿਹਾ ਕਿ ਅਸੀਂ ਨਾ ਹਾਰੇ ਸੀ, ਨਾ ਹਾਰੇ ਹਾਂ! ਅਸੀਂ ਜਿੱਤ ਨੂੰ ਹਜ਼ਮ ਕਰਨਾ ਜਾਣਦੇ ਹਾਂ।