ਨਾਰਨੌਲ (ਨੇਹਾ): ਨਾਰਨੌਲ ਜ਼ਿਲੇ ਦੇ ਮੁਹੱਲਾ ਗੁਰੂਨਾਨਕ ਪੁਰਾ ਨਾਰਨੌਲ ਦੇ ਇਕ ਹੀ ਪਰਿਵਾਰ ਦੇ 4 ਮੈਂਬਰਾਂ ਨੇ ਐਤਵਾਰ ਰਾਤ ਕਰੀਬ 9.15 ਵਜੇ ਜ਼ਹਿਰੀਲਾ ਪਦਾਰਥ (ਸਲਫਾਸ) ਖਾ ਲਿਆ। ਇਸ ਘਟਨਾ 'ਚ ਮਾਂ-ਧੀ ਦੀ ਮੌਤ ਹੋ ਗਈ, ਜਦਕਿ ਪਿਓ-ਪੁੱਤ ਨੂੰ ਗੰਭੀਰ ਹਾਲਤ 'ਚ ਰੋਹਤਕ ਰੈਫਰ ਕਰ ਦਿੱਤਾ ਗਿਆ ਹੈ। ਮ੍ਰਿਤਕ ਪਰਿਵਾਰ ਨੇ ਸੁਸਾਈਡ ਨੋਟ ਲਿਖ ਕੇ ਇੰਟਰਨੈੱਟ ਮੀਡੀਆ ਰਾਹੀਂ ਆਪਣੇ ਰਿਸ਼ਤੇਦਾਰਾਂ ਨੂੰ ਭੇਜ ਦਿੱਤਾ। ਪੁਲੀਸ ਨੇ ਮੋਬਾਈਲ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ।

ਸੁਸਾਈਡ ਨੋਟ ਵਿੱਚ ਲਿਖਿਆ ਹੈ ਕਿ ਉਸ ਨੇ 60 ਹਜ਼ਾਰ ਰੁਪਏ ਦੇ ਕਰਜ਼ੇ ਦੇ ਬਦਲੇ 15 ਲੱਖ ਰੁਪਏ ਮੰਗੇ ਹਨ ਅਤੇ ਦੋ ਫਾਈਨਾਂਸਰਾਂ ਦੇ ਨਾਂ ਵੀ ਦੱਸੇ ਹਨ ਅਤੇ ਖ਼ੁਦਕੁਸ਼ੀ ਕਰਨ ਬਾਰੇ ਵੀ ਲਿਖਿਆ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਸ਼ੀਸ਼ ਵਾਸੀਆਨ (45) ਪੁੱਤਰ ਕੇਵਲ ਰਾਮ ਵਾਸੀ ਗੁਰੂਨਾਨਕਪੁਰਾ ਮੁਹੱਲਾ ਜੋ ਕਿ ਮਿਠਾਈ ਦੀ ਦੁਕਾਨ ਚਲਾਉਂਦਾ ਹੈ, ਨੇ ਆਪਣੇ ਲੜਕੇ ਗਗਨ (22), ਪੁੱਤਰੀ ਸੋਨੂੰ (18) ਅਤੇ ਪਤਨੀ ਰੁਪਿੰਦਰ ਕੌਰ (43) ਨਾਲ ਮਿਲ ਕੇ ਜ਼ਹਿਰ ਖਾ ਲਿਆ। ਸਾਰਾ ਪਰਿਵਾਰ ਆਪਣੀ ਨਵੀਂ ਥਾਰ ਕਾਰ ਵਿੱਚ ਸਵਾਰ ਸੀ।